工義長存's 的頭像

工黨以信念為本,植根人民 ,推動民主公義。

中環容得下幾多間茶餐廳?

政府認為,香港只能容得下四間免費電視台,因為顧問做過評估,認為香港應該容得下三間免費電視台,若「市場情況理想,則或有可能支持四家機構持續經營,並認為本港免費電視市場將難以支持五家機構持續經營。」
 
這個計算究竟基於甚麼基礎?有甚麼數據去支持以上的結論?對不起,這是商業秘密,而且行政會議的討論是保密的。
 
免費電視涉及公眾利益,它是很多香港人獲得資訊、新聞、及娛樂的主要渠道,對於很多貧窮家庭及弱勢社群,免費電視是他們主要的娛樂,這當然是公眾利益。政府也有考慮過公眾利益的問題,政府認為若免費電視台急劇增加而導致割喉式競爭,節目質素下降,最終反而令公眾得不償失。
 
咦!政府不是一直崇尚自由市場的精神:有競爭,就有進步嗎?進步是包括公司運作會變得更有效率、服務及產品質素會上升、消費者的選擇會更多。有甚麼理由會令政府認為競爭會
 
帶來剛好相反的效果呢?
 
林煥光認為開辦電視台與開茶餐廳的規模相差很大,不是掏錢出來,就可以開業。但假若有人問,中環可以容得下多少間茶餐廳?相信經濟學家一定可以基於一些主要因素去推算出一個大概數目。但這個計算最多只能作為一個參考,因為會變化的因素實在太多,根本不可能預測未來。例如茶餐廳除了堂食外還可以外賣,好像無綫電視在海外、內地及網上的收益也不會少。經營得法的茶餐廳甚至可以上市集資,不斷擴展自己的業務。這些變素,專家可以預見並且能準確地指出,我們只能容四家而不是五家電視台嗎?政府的聲明是否有點反智?
 
事實上,無綫電視過去的廣告收益不斷上升。政府宣布發兩個電視牌後還加了價!個餅的確可以越做越大。
 
很明顯,顧問報告只是梁振英的遮醜布,不發牌的真正原因,恐怕正是一個政治原因:維穩。魔童王維基的行事不跟常規,難以被控制。就算王維基從來沒有在政治上與中央或特區政府有任何衝突,但只要當權者認為不能完全駕馭,就不可以讓他手執一個足以影響民意的免費電視牌照。
 
誰是維持現狀的最大得益者?一台獨大,但最重要是這個大台非常和諧,不會挑戰政府;另一親中台則一蹶不振,但加入一個敢於創新及不受控的香港電視,卻可能送這個親中台最後一程。於是,政府唯有選擇汰強留弱,一腳踢走王維基。
 
至於保皇黨,他們可以選擇嗎?否決立法會權力及特權議案查發牌文件,逆民意而行。他們當然是為了自身利益而盡力保皇。請大家擦亮眼睛,不要讓這些人繼續助紂為虐,剝削市民免費獲得資訊和娛樂的機會。
 
工黨副主席、立法會議員
張超雄
 
2013年11月7日

所有評論

香港論語 - 2013年11月08日 01:03

回歸的本質是政治正式進入香港茶餐廳。
理解!不理解!就是這樣發生。
港式奶茶都走樣。

周八通 - 2013年11月08日 02:11

順嫂:周老板,點解餐廳門口日日修路,暫停開業。
伙記:周記茶餐廳受特首與行會保密法保護,怕周記一開業就倒閉。用修路法促使周記停業。又説怕周記搶走B記成條街的街的特大生意額。引起茶餐廳減價,益咗街坊。

維多利 - 2013年11月08日 08:21

照閣下講法,中環開茶餐廳,擺張枱出來,就開檔。重使唔使申請牌照?
開電視台,請幾個人返來,就做生意,使唔使申請牌啊?賺蝕與政府何干?連公司注册都可以省了。
你係大教授,向市民講講點解做生意,公司要注册,唔注册可唔可以? 好多行業要有牌照才可以做生意?點解?

香港論語 - 2013年11月08日 08:49

***梁班子重重傷害香港。梁大人從此不用守規矩。
#茶餐廳五臓俱存等攞牌。
#發牌官上行下效,因為會使B記倒閉,拒絕發牌。
#
#飯前,在電話中,鍾普洋已跟我說故事,這是電視發牌風波高峰期,他似乎是不吐不快,他想說大衛與哥利亞的故事。鍾普洋1972年創辦DHL國際,是香港第一間專營速遞服務的私營公司,對手是郵政局,即是政府。DHL由鍾普洋和秘書租兩張寫字枱開始,政府最初沒多留意。1973年,DHL開業約一年,警方控告DHL威脅郵政局專利,要求DHL停業,DHL決定反擊。大衛挑戰哥利亞,在殖民地香港,應該是以卵擊石?結局是DHL勝出,過程中包括DHL和政府對簿公堂、政府試圖收緊郵政條例等。政府出奇地敗下陣來,但鍾普洋强調,重點是政府願打服輸,沒語言偽術,沒搬龍門,跟現屆特區政府管治手法,構成強烈對比。

香港論語 - 2013年11月08日 09:11

****特區政府「以梁偽之本」説了才算,不俱法理。
#毀滅了「以人為本」確立法理,內化為例行公事。
##
###「以人為本」成為企管人的護身符,口中念念有詞,真正做得到,少之又少。實情是企管人都是權力狂,不願或不肯把權力分給別人。企管人對自己的肯定,源自擁有多少權力。放開,對企管人來說,輕則是不夠堅強的表現,重則是自信心出現裂痕。

放開,對鍾普洋來說,是理所當然。這或者是他的性格,他只是做自己喜歡做的事,或者是他看得通,放開是經過精心計算,最大可能是兩者皆存在,互相影響,難捨難離,最後內化為例行動作。鍾普洋認為服務業只能以人為最基本和寶貴的資產,怎樣了解人性,成為他一生追求的一套學問。

tigeri - 2013年11月08日 09:17

咪玩啦!

 

如果好似王生話齋, 政府睇住咁多顧問報告同資料嚟做決定, 都叫做"行外人唔知行內人做緊乜", 你地班議員, 就更加係外行中的外行.

 

成篇文, 一個數字都無, 完全靠吹, 講到尾, 都只係一篇文宣.

 

算把啦!  你地既政治智慧, 去到果啲損人利己, 左手交右手既最低工資勞工政策, 同文革式工運, 已經係極限, 要求你地真真正正去議政, 實在係強人所難.

維多利 - 2013年11月08日 09:31

DHL贏晒,你先至話係公正。即係輸打贏要。
社會幾多人,贏了官司,高呼法律係公正嘅。

O

Old Cake - 2013年11月08日 10:41

CCTVA茶餐廳, 攞擺左二、三十年 d 腐肉,俾人食?

龍葵 - 2013年11月08日 10:53

維君理解力係真係有問題呢定係習慣性的亂噏?  文中那裡看出筆者的意思是什麼在'中環開茶餐廳,擺張枱出來,就開檔。重使唔使申請牌照又或開電視台,請幾個人返來,就做生意,使唔使申請牌'呢?

 

哦!  唔記得添!  維君話自己講的是 [實實在在]的道理嘛, 呢種[道理]講法咪係維君的[實實在在]的道理囉!

 

龍葵 - 2013年11月08日 10:56

既然'認為香港應該容得下三間免費電視台,若「市場情況理想,則或有可能支持四家機構持續經營' 咁做乜要發四個牌呢?  點解唔發三個呢?  唔係話要'循序漸進" 咩?  唔係話怕"競爭帶來的進步是曇花一現'咩?  咁市場情況一個唔理想咪又係攞嚟搞,  咁唔係自相矛盾咩?  不過咁,  講大話嘅人成日都唔知自己係自相矛盾所以總係愈講愈錯!

 

O

Old Cake - 2013年11月08日 11:04

小龍女要同五毛講邏輯?

龍葵 - 2013年11月08日 11:19

OLD CAKE, 講嘢就梗係要有邏輯嫁啦,  唔係咪好似維君咁講話自己講嗰D'實實在在"的道理, 即'實實在在亂噏的歪道理"! 

O

Old Cake - 2013年11月08日 11:25

同五毛講邏輯,不如同狗講。有冇煲劇?

龍葵 - 2013年11月08日 11:29

唔同佢地講邏輯反而俾機會他們自我安慰當唔係自己無邏輯係人地唔講理,咁咪益咗佢地, 無咁著數!

養珠樓主 - 2013年11月08日 11:32

這場鬧劇應該到此為止了。香港政府連這樣簡單的商業決定都搞成一塌糊塗,真是前途似敢,絕不樂觀。老虎乸,維多利,你們支持這個政府。就得看你們了!

筲箕 - 2013年11月08日 11:35

頹廢黑特令西環歸中, 中環歸西 ! 

龍葵 - 2013年11月08日 11:43

NO LA, 養珠兄,  唔好俾佢完!  鬧劇係胡鬧但都有市場, 嘅然係咁咪俾佢做落去囉, 反正都係前途似咁嫁喇, 唔爭在啦, 但唔可以咁輕易放過這班人.  大有大搞, 細有細搞嫁啫,  總之要他們永無寧日!

維多利 - 2013年11月08日 12:18

"我們只能容四家而不是五家電視台嗎?"

不是六家是五家?不是七家是六家?不是八是七家?.......

不是百家是九十九家, 政府要審批, 要發牌, 要規管, 做乜?不如擺張枱出來,請幾個人返來,就開檔。

"政府的聲明是否有點反智?"

究竟邊個反智? 做個街頭訪問.

龍葵 - 2013年11月08日 12:24

最反智係話"認為香港應該容得下三間免費電視台,若「市場情況理想,則或有可能支持四家機構持續經營' 都要發四個牌.  循序漸進嘛,  發三個囉!

 

 

維多利 - 2013年11月08日 12:30

政府可唔可以永無止境一間一間甘批落去?

道理簡單明瞭, 一般市民一睇就明,就o.k.   唔需要好似龍君, 兜兜轉轉, 列出好多理由, 寫論文用嘅.

O

Old Cake - 2013年11月08日 12:36

梁振英...直斥有政府中人選擇性發放不實資料將其抹黑,要求政府公開所有西九比賽資料,讓公眾自行判斷是非。 - 東方日報

維多利 - 2013年11月08日 12:42

話口未完, 即刻示範:

"若「市場情況理想,則或有可能支持四家機構持續經營' 都要發四個牌.  循序漸進嘛,  發三個囉!"

唔係五個六個七個......不斷加上去, 甘就三個....... 

包拗頸, 為反對而反對, 不因有理由而反對.  係為反對找理由, 先有結論, 再砌理據.

龍葵 - 2013年11月08日 12:46

政府當然唔可以永無止境一間一間甘批落去, CY話要'循序漸進"嘛,  普通人一睇就明循序漸進係乜意思, 即係逐步逐步, 咁當然係因應市場社會而"再"發牌啦, 一次過的叫什麼 [循序漸進]呀! 循乜進乜呀! 一般有正常智商常識都知何謂 [循序漸進], 但維君好以就唔係好明喇! 嘖! 呢D咪係維君自吹的 [實實在在]的道理囉! 不過係低智個種嘛!

龍葵 - 2013年11月08日 12:48

'包拗頸' 唔係唔得, 用下個腦先啦! 

 

'為反對而反對, 不因有理由而反對. 係為反對找理由, 先有結論, 再砌理據"

呢都要用腦嫁,  唔係又係愈講愈錯嫁!  維君就為大家示範喇!

龍葵 - 2013年11月08日 12:55

嗱!  [循序漸進]先發兩個咪穩陣囉, 到'市場情況理想]  '可能支持四家機構持續經營'時先再發埋嗰個囉!  唔係到時發覺市場情況完來唔理想, 四個都會出現 '割喉式競爭' 咁'競爭帶來的進步" 分分鐘連'曇花一現"都無!  

維多利 - 2013年11月08日 12:55

"直斥有政府中人選擇性發放不實資料將其抹黑"

使乜甘神秘, 政府中人即係當時的曾特首.  政府文件有保密法保障, 不能隨便公開. 曾特首用特首權力特批公開. 事實亦沒乜黑幕.  你引這一段有何用意?

龍葵 - 2013年11月08日 13:00

維君, 再講你嗰D'實實在在"的道理撐吖!

龍葵 - 2013年11月08日 13:28

==> 嗱! [循序漸進]先發一個咪穩陣囉

香港論語 - 2013年11月08日 14:39

***多利行街要領牌
*申請三條行街牌,幫你揀二條行。
*不得上訴。

周天逸 - 2013年11月08日 14:59

維穩多利姐見特權法過唔到, 噚晚開心過籠, 隊哂成支矛台, 到依家都未酒醒, 不斷語無倫次, 當心老細扣你維穩費呀!

 

維多利 - 2013年11月08日 15:56

"不過係低智個種嘛!"

唔係個個好似你甘, 機關算盡, 太聰明. 太多花巧嘢.

維多利 - 2013年11月08日 16:03

[龍葵 - 2013年11月08日 12:48

'包拗頸' 唔係唔得, 用下個腦先啦!] 

 無論係想證明自己識用個腦或其他理由, 最要你認係包拗頸. 

我無謂同你拗.

 

維多利 - 2013年11月08日 16:08

[龍葵 - 2013年11月08日 13:00

維君, 再講你嗰D'實實在在"的道理撐吖!】

要講的, 講晒.

唔似龍君, 理由係創作出來, 用下腦, 理由有如泉水般湧晒出來.

 

周天逸 - 2013年11月08日 16:26

維姐, 你興奮過度喇! 長搵長有, 要多多保重! 

龍葵 - 2013年11月08日 16:27

維君,  乜你今次咁坦白認自己吹的 [實實在在]的道理係低智個種呀!

 

 

我向來唔中意花巧嘢喎所以想到乜就寫乜都懶得修飾,亦唔會好似人地咁無理都話自己講的是"實實在在"的道理咁"花巧. 

 

"機關算盡太聰明"?  最怕係想"機關算盡但又死蠢自暴其短啫!

龍葵 - 2013年11月08日 16:31

維君, 無腦嘅點用毎腦都講唔出道理更唔好話乜嘢'如泉水般湧哂出來".  你D低能嘢就真係唔荒唔"如泉水般湧哂出來"啦!  你咪再講多D囉, 我見到你又出醜只會覺得好笑!

香港論語 - 2013年11月08日 16:55

多利的世界,申請無上限,幫你3揀2
娛樂要向食環申請娛樂牌照,
(唱歌、跳舞、彈琴、⋯ )
說話要向廣播處申請說話牌照,
(普通話、北京話、英語,⋯ )
乘車要向交通運輸處中請乘車牌照,
(單車、小巴、巴士、的士、貨灣⋯ )

###########真實的香港
#
#沒有向食環申請娛樂牌照,
#
#
平反「強搶民女」案
這個案例十分重要。2010年,支聯會在銅鑼灣時代廣場,擺放新民主女神像,遭食環署沒收。常委李­耀基,更被控未領取公眾娛樂場所牌照,最後東區裁判法院裁定罪名成立,罰款2千元­­。當時裁判官林嘉欣更指,支聯會沒有向食環申請娛樂牌照,「是被告不守法在先」。事發時,警方強搶民女後,亦進一步以「阻差辦公」罪名,拘捕13名常委和義工。如今類似案件在上訴庭得到「平反」,勉強算是還支聯會一個公道。

維多利 - 2013年11月08日 17:11

我無粗口,無人身攻擊。我的留言刪晒,你閙我的留言保留,凈係這樣你已贏晒。

周天逸 - 2013年11月08日 17:22

『.......我的留言刪晒,你閙我的留言保留,凈係這樣你已贏晒。』

維姐, 講事實好喎! 刪一段半段啫, 邊係刪晒呀?

維多利 - 2013年11月08日 17:27

香港從來沒有就娛樂、交通、說話要申請牌照。正好反映閣下無中生有,無理取鬧的本色。

龍葵 - 2013年11月08日 17:30

維君你講乜?  邊個刪你D留言?  維君係太激動所以眼花?  有刪到你D留言咩? 

龍葵 - 2013年11月08日 17:34

維君,  咁文中那裡看出筆者的意思是什麼在'中環開茶餐廳,擺張枱出來,就開檔。重使唔使申請牌照又或開電視台,請幾個人返來,就做生意,使唔使申請牌'呢?  你仲未答喎!

 

'無中生有' , '無理取鬧的本色' - 你講緊自己? 

周天逸 - 2013年11月08日 17:53

有可能係思覺失調嘅初期病徵, 都係呢句: 多多保重, 錢係搵唔晒! 

周天逸 - 2013年11月08日 17:55

今日點解唔多覺見牛二嘅, 仲未醉醒呀?

周八通 - 2013年11月08日 18:08

3 揀 2 可以 有好多異數.

渣打, 中銀, 中銀香港, 3 揀 2, >> 無渣打,

匯豐, 工商, 交通, 3 揀 2, >> 無匯豐,

花旗, 中信, 建行, 3 揀 2, >> 無花旗,

原因一樣 : 減惡性競爭, 防倒閉 ( 不保就業. )
香港不一樣,

周八通 - 2013年11月08日 21:36

現任政務司司長林鄭月娥曾經指出今屆做實事的政府無須繼續一些前朝留下而又會影響今屆政府施政的政策。

林鄭聲明本屆政府是「 接收資產,但不承擔責任 」。

tsingtsing - 2013年11月09日 01:08

網民贈言:

[[ Nonsi C.

有線及NOW本身已具規模, 是但撥個頻道作免費台即可, 根本唔需要有乜大動作, 吸納人才有限, 維記從無到有, 先至要招兵買馬, 製造大量工作機會, 世界上邊個政府咁仆街, 會着意打爛人民的飯碗? ]]

 

香港論語 - 2013年11月09日 01:21

増加就業人數係美國、英國、歐洲、的頭號目標。
管他一年後關門,青年人邊做邊學,又可生活。
團隊工作經驗有錢都買不到。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。