陶傑又掉錯書包

陶傑D文章風格係塞滿大量書包,包括古今中外的人和事!

咁先顯示渠係才子?

但是,渠咁Q忙,日日寫咁多文,又做電台,

有無可能D典故全部核查过先登篇文出來?

咁耐以來從渠D文,

我發現渠對胡适之先生o既認識好差勁!

邊有可能咁都搞得錯!

今日有篇文章  《港式英文雪前恥》

『胡適隨蔣介石去了台灣,明知在戒嚴法之下,不可能在一座孤島上繼承蔡元培的遺志,也只有黯然當他的「中華民國駐美大使」。』

咁即係話

政權易手后(49后)胡先生先做駐美大使!

若要求高D,咁係人文知識的硬伤喎!

胡先生一生最大事功,乃做战時大使(1938-1942),係渠一生最風光之時,演講無數次,搞榮譽博士撈到手軟!但代價就係得了嚴重心臟病,自此身心都如江河日下矣!

呢樣係胡适之先生傳記的基本知識,

咁都搞得錯!

所以我好懷疑渠篇文其他D書包有幾多都係錯!

胡適 - 维基百科,自由的百科全书

港式英文雪前恥?

所有評論

龍葵 - 2014年05月22日 19:13

淘財子嘅料子真係好有限. 睇下今日講一次大戰篇文就最多只有中五水平!

 

 

軍事同盟

龍葵 - 2014年05月22日 19:14

都唔知佢篇嘢係咪寫畀小學生初中生睇!  

正道 - 2014年05月22日 19:19

才子只識拋書包, 料子好有限, 但是他書包內的黃書還是足料的!

最近看了他執導的電影, 感覺中伏, 70蚊換了一個小時午睡, 睡醒馬上向隔離座道歉, 生怕自己的喊路造成騷擾, 幸運的是隔離也一睡到散場,  70蚊補充了睡眠,抵!

龍葵 - 2014年05月22日 19:36

我就一定唔會花 HK$70 去睇啲咁嘅戲喇!  正道唔係太多錢就係太悶太寂莫喇!

正道 - 2014年05月22日 20:10

(網站編輯已删除此違反版規留言。)

龍葵 - 2014年05月22日 20:15

我實在看不出淘財子有乜才氣.  又或者唔係無而係成日想寫迎舍讀者口味因而出現不合邏輯無乜常/識之文.  

龍葵 - 2014年05月22日 20:15

==> 口味嘅嘢

tsingtsing - 2014年05月22日 21:07

地球兄,我看淘杰所寫的文章內容未必有經通資料核實,有時看似一篇接駁歴史典故和古人事蹟加點輕鬆趣談再组合出來文章。

tsingtsing - 2014年05月22日 21:17

他旁邊作家寫蕭紅和蕭軍,網上查閱蕭紅資料,匆匆31載很短命,但作品繁多,10年寫下不少著作,睇了一些散文,文字流暢,繼續睇。

bye bye!

tsingtsing - 2014年05月22日 21:23

「拋書包」嗎,還是「掉書包」? 唔同鄉下唔同講法。

O

Old Cake - 2014年05月22日 22:19

陶傑博聞强記,古今中外,都有涉獵 ,佢做光明項,果種反應及 timing,其他人,做唔到咁過癮。寫錯 d 嘢,冇嘜所謂,正如一個學者,只要有一個新觀點,就算其他有錯,都已經有貢獻。

正道 - 2014年05月22日 22:26

博聞强記?學者?

混飯吃的市井之徒

龍葵 - 2014年05月22日 22:33

"正如一個學者,只要有一個新觀點,就算其他有錯,都已經有貢獻。"

 

這不是一點錯,  是完全沒水平.    一個唔係靠填鴨式死記一次大戰的中五/六學生也應看出淘財子講嘅係低水平之說.

 

不過淘財子之流又可以吸引到"某些" 讀者粉絲的.

龍葵 - 2014年05月22日 22:40

一次大戰的史實我差不多全忘了.  依希記得的是當時澳地利的情況不太妙.  這個老大哥被後起之秀德國直追甚至是完全被蓋過.  亦因此大公爵被刺殺後, AUSTRIA 有如此反應.  若無反應,  以後仲有地方企?  德國出兵不為什麼盟約而是為了自己的野心.  俄國這大阿哥亦覺得不可不有所行動,  立即部署. 就係咁如骨牌效應的發生了第一次世界大戰!  

龍葵 - 2014年05月22日 22:45

"博聞强記"  - 意思係鸚鵡學舌?

O

Old Cake - 2014年05月22日 22:47

唔 buy 咪唔聽 law,自由 ma,我就唔會信邊個人講的一定啱,自己判斷。

金弓 - 2014年05月22日 22:49

{正道 - 2014年05月22日 12:46

要譴責的不止長毛班騎呢議員,主席曾鈺成多年來故意縱容,也是立法會成為爛騷舞台的主因,因此得益的是丐幫黨及民建聯,所以有人經常見到長毛同曾主席拍膞頭,並不希奇。}

 

無論陶傑寫得怎樣差,至少也比這好些吧?

可這作者還自稱是「受過高等教育的貴族」呢!

正道 - 2014年05月22日 22:51

淘財子之流可以吸引到"某些" 讀者粉絲,

是因爲蘋果吹捧, 再加自己市井營銷術!

龍葵 - 2014年05月22日 22:52

我從來都唔會講有邊個一定啱嫁喎!  但我學講出我的觀點想法!  人地講得唔啱我又睇唔順眼嘅我會指出反駁.  咁我講得唔啱人地一樣可以.  重點不是誰對誰錯而是誰講出了論點.  我講嘅唔一定啱但起碼我敢講出自己的論點, 咪畀其他人判斷囉!  但起碼我唔會求其噏兩句人問我又唔(敢)答, 只以什麼煩又或什麼扣帽子的下三流手法做借口!  

龍葵 - 2014年05月22日 22:53

==>  但我敢講出我的觀點想法!

O

Old Cake - 2014年05月22日 22:54

點解文滙大公,冇能可以吹捧個受歡迎的作者?阿爺冇錢乎?

龍葵 - 2014年05月22日 22:55

講嘢有時唔好咁空泛.  咁空泛就講乜都得.  雖然一次大戰我真係已經唔係好記得,  但歷史政治從來不是像淘財子在文中講嘅咁單純.  因為有盟約喎!  真係好鬼死 "純" 嘅啫!

正道 - 2014年05月22日 22:55

我沒收金弓錢, 你自己送上門的!

龍葵 - 2014年05月22日 23:02

昨日有人講嘩眾取寵嘛!  淘財子咪係呢類囉!

 

大公文滙睇嘅係乜人?  中共港共學者媒體 - 去睇阿爺想放乜風有乜想法.  反共之人 - 去睇佢地又寫乜低能嘢.  

 

第一類為收風,  第二類根本就反共,  咁又點會有粉絲?

 

淘財子又唔同呢,  睇嘅人中有啲可能係腦筍未生埋人講乜佢信乜見到咁搞笑又講中自己想聽嗰套咪 BUY LOL!

正道 - 2014年05月22日 23:03

老餠, 蘋果吹捧的文人, 迎合反共、市井、低俗之輩, 

文滙大公吹捧的文人, 又有自己的一班信徒!

PBrega - 2014年05月22日 23:04

阿爺有的是錢,但吹捧出來的,不是婊子就是傻子。阿爺是不能忍受「受歡迎的任何人物」,何況作者。

龍葵 - 2014年05月22日 23:06

陳雲都係一樣.  所講嘅係佢啲讀者紛絲想聽嘅!

 

想找心靈安慰嘅人最喜歡聽/睇自己想睇想聽嘅.  邏輯事實對他們對說不重要, 重點是這是他們所想聽/睇/認同的.

 

會思考的首先睇下講得合唔合理合唔合邏輯而不是單單想睇/聽嘅嘢.

 

還記得讀書時答過一個最白痴的問題.  問題本身己不記得但記得我答有大國可靠咪得囉!  到依家仲覺得自己答得死蠢無腦笑死人!

龍葵 - 2014年05月22日 23:08

==>  最白痴地答過一個問題

O

Old Cake - 2014年05月22日 23:09

聽陶傑,要預佢有時亂嗡,但佢扮聲好似,可以扮李超人,江澤民,大陸雞販,金庸 ,都好有神韻。若只要求正確無誤,揾個資料搜集員算啦,若係歷史教授做節目,亦未必好聽。

龍葵 - 2014年05月22日 23:12

讀中學時己一直想為什麼一些歷史學家又或學者會講一些單一理論, 說這是唯一又或最重要的因素.  就係一個中學生如我都知道唔合理有好多漏洞,  無理由佢地睇唔出.  後來知道不少人成名是因為被批評.  被一些出名的學者批評從此這個說法就成為學生必讀必評咁又出咗名喇!

 

坊間作家又唔係乜學者,  更可放心嘩眾取寵呃傻仔!

龍葵 - 2014年05月22日 23:14

咁你咪當佢係周星星囉!  預咗亂噏喎!  梁振英講嘢我究預咗佢亂噏啦!  搞笑!

 

仲有!  預咗亂噏就唔係乜才子啦!  所以咪話嘩眾取寵 LOL!

拒絕被洗腦 - 2014年05月22日 23:19

小龍女,您好。

龍葵 - 2014年05月22日 23:21

亂噏其實都要睇水平.  你估黄敎主唔亂噏咩!  但水平就高好多喇!  雖然有時我覺得佢係夾硬嚟但佢水平就高出淘財子好多, 起碼唔會一睇/聽就知佢錯 LOL!  呢啲咪係水平 LOL!  所以呢,  學識轉數真係好重要.  有料就係有料,  隔會貫通,  同""博聞强記"  係完全唔同水平嘅!

O

Old Cake - 2014年05月22日 23:22

共產黨掛羊頭賣狗肉,未奪取政權時,就係靠市井之徒起家,而家擁共的歪道,就將反共同市井之徒,相提並論。事實是,擁共者係 d 嘜騎呢怪,無能無恥,土共等,港人睇得清清楚楚。

正道 - 2014年05月22日 23:25

老餠這種人,

只要立場, 不要真相,

只要同一口徑, 不要真知灼見,

毛澤西也!

拒絕被洗腦 - 2014年05月22日 23:26

壇主您好。你講的這位,是圖中這位嗎?他是誰?

龍葵 - 2014年05月22日 23:28

點用中共起到家?  咪因為無腦唔用腦只係想聽想睇心中所想嘅人太多囉!  都唔諗下合唔合理.  一日啲人仲係咁一日都仲係會畀人呃畀人利用!  呢個世界傻仔多的是.  要避免再有此等事發生,  一,  要用腦唔好成日自我陶醉以為啱聽就係好!  二,  要認清某些人的品性.  無癩殘暴之人永遠都係無癩殘暴,  永遠不會是同路中人.  

O

Old Cake - 2014年05月22日 23:31

物傷其類,歪道一聽人提到擁共 d 騎呢怪,聞屁聯土共之無能無恥面目,歪道即刻老羞成怒。

龍葵 - 2014年05月22日 23:35

唔使講第二樣,  就係睇下所謂本土派係 tst 叫駡都有咁多支持者就知佢地啲支持者係乜水平啦!  其身不正,  何以正人!  咁簡單嘅道理都唔識!

正道 - 2014年05月22日 23:41

老餠,

反共擁共是立場問題,

用假證據反共擁共, 就是品德問題!

拒絕被洗腦 - 2014年05月22日 23:43

just googled. oh i see.   t so chip.

拒絕被洗腦 - 2014年05月22日 23:44

would rather allow myself to be killed with a sharp knife than to let a cheap thought in my mind.

O

Old Cake - 2014年05月22日 23:49

共產黨殘害國人,仲多過日本侵華,擁共仲衰過做漢奸,仲講嘜品德,邪魔的歪道,害人是何品德。

拒絕被洗腦 - 2014年05月23日 00:48

Old Cake,共產黨古今中外,有很多很多很多黨員,請問你是指誰?定係你曬指全部?請指教。

拒絕被洗腦 - 2014年05月23日 07:26

各地各黨的黨員,都是因政見理念相同而結合,但共黨則不像。他們的組成部分,看似是藤leng瓜,瓜leng籐,父傳子,母傳女,各人的理念都可以南轅北徹。現在的共黨,絕不是走以前的社會主義共產主義路綫。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。