李思行's 的頭像

以文會友、把歌傾情;追求真善美、常懷赤子心。

胡言亂語

唔愛香港話(港式粵語)愛香港?

歷史上,一種語言消失通常係因為外族入侵或者該個部族被消滅。

三年零八個月,香港話絲毫無損、百年英治,香港話反而不斷演化,更藉著港產片同粵語流行曲嘅威力,得以漂洋過海、無遠弗屆,但當家作主廿年未夠,香港話嘅喪鐘就被「母親」敲起。

歷史,往往就係咁吊詭!

粵語普通話之爭,近年鬧得沸沸揚揚、沒完沒了,但從客觀嘅事實嚟睇,有人想以普通話「取締」粵語之心係堅定不移、更有不到黃河心不死嘅意志。

繼去年有中學請中文科老師嘅廣告列明其中一個要求係應徵者母語需為普通話之後,近日又有非教育界嘅知名人士,出席一個橡皮圖章雲集嘅會議時話普通話教學應該全面由幼稚園開始云云。

。。。

。。。小朋友自幼稚園開始,上中文堂時聽嘅、講嘅都係普通話,聽唔聽得明其他以粵語授課嘅學科?當普通話成為佢哋嘅第一語言之後,再加上勢利嘅父母,會唔會賤視粵語?所以一年前筆者已經批死普通話教中文之後,全面普通話教學自然水到渠成。

。。。

。。。

為咗配合兩年後嘅直選,口徑一致班人話候選人一定要愛國愛港,可惜講來講去,仍然無法介定何謂愛國愛港 - 因為愛唔可以用秤去量、用尺去度。

但古語有云:修身齊家治國平天下;今日亦有一個流行嘅講法:要人愛,先要愛人;要愛人,先要愛自己。

參照上面嘅講法,愛港,就應該愛屬於香港嘅一事一物、一花一草。。。以至過百年以嚟香港人嘅主要語言 - 港式粵語,而唔係視佢為二等語言甚至(被)消失都覺得理所當然。

語言演化係正常,但被取締唔等於演化!

 

(節錄)

 
按:一如上年五月寫嘅《普通話教中文(普教中)對我有咩影響?》,筆者認為今日(香港)嘅年輕人應該能操流利粵語(廣東話)同普通話(當然要加埋英語),絕對唔贊同以普代粵,或者抱粵拒普。

https://m.facebook.com/story.php?story_fbid=10153055145673257&id=114847193256
省親
https://m.facebook.com/story.php?story_fbid=10153086672713257&id=114847193256
打麻雀

 

原文

https://m.facebook.com/349247198508841/photos/a.349385918494969.10737418...

 

思行思語

https://m.facebook.com/profile.php?id=349247198508841&ref=bookmark

 

李思行FB

https://m.facebook.com/sixing.li?ref=bookmark

所有評論

李思行 - 2015年03月30日 13:25

相信聽日網上會有唔少哥哥嘅歌,送上佢自己填詞,同梁家輝合演(網上資料話係黃霑幕後代唱),令人捧腹嘅《雙飛燕》- 唔想揀啲哀怨嘅,嘻嘻。

 

https://m.youtube.com/watch?v=UulfoxajOog

https://www.youtube.com/watch?v=UulfoxajOog

周容 - 2015年03月31日 00:21

思行 兄好

 

香港幼稚園用普通話唱校歌好早就有,成效如何,睇下佢啲畢業生就知。嘻嘻!

 

View on YouTube

李思行 - 2015年03月31日 00:36

周容 兄好。

 

呢兩隻嘢個表情係咪好過癮呢,嘻嘻!

文見亂 - 2015年03月31日 00:37

哈哈!
思兄,今晚夜你為何胡言亂語,呵呵!

李思行 - 2015年03月31日 00:45

文 兄,我幾驚你話我晚晚都係,呵呵!

文見亂 - 2015年03月31日 00:48

哈哈!
「消滅民族」政策 ---要消滅一個民族,首先瓦解它的文化;要瓦解它的文化,首先消滅承載它的語言;要消滅這種語言,即先從他們的學校裡下手。當香港的文化、語言以至香港人本身都被消滅,變成和大陸一樣。
 
 
 

文見亂 - 2015年03月31日 00:51

『希特拉的名言不可不忘:「要消滅一個民族,首先要瓦解它的文化;要瓦解它的文化,首先先消滅承載它的語言;要消滅這種語言,首先先從他們的學校裏下手。」

這一招,日本侵華期間用過,中共亦正對粵語地區、吳語地區、藏語地區施展同一招。但正體字是我們連接上至軒轅黃帝氏的溝通橋樑,粵語是最近似古代漢語的雅言,我們捍衛正體字、捍衛粵語,不只是為了香港人的本土文化,更是為了5,000年中華文化,斷不能為了短期的政治和經濟利益,而自斷文化的根。早前將軍澳agnes b. Cafe使用簡體字餐牌,立即觸怒全城,幾成D&G事件翻版,並非我們霸道,而是重視正體字、堅守文化傳承的一次義舉。}

 

https://www.facebook.com/LadyKylieHK/posts/203203356456747?stream_ref=5

文見亂 - 2015年03月31日 01:19

 哈哈!

讓大家認真看看這一段。
 
 
 
關於廣東話,更詳盡請看這篇文章:
語言背後的帝國主義﹣〔曾曉華,劍橋大學 碩士 研究生〕
 
節錄部份:『無論在香港或大陸,不少人對普通話有所誤解,以為其乃中文之正宗或地位較崇高。筆者以研究人員的身份,從語言學角度談談粵普的語言性質問 題。。。。傳統文人研究語言,往往把廣東話和普通話,分別定性為「方言」和「共同語」,認為兩種語言處於「主從」的關係。這種階層分類 (hierarchicalclassification)遺下不少問題,因為它意味着兩種語言屬母子關係(parental relationship,即粵語由普通話衍生出來),或兩種語言有地位高下之分(即普通話較粵語優越)――很明顯,以上兩種詮釋皆不成立。。。。。。其 實,「粵語方言論」帶有很重的政治意味。論者彷彿站在中央皇朝的台階來看問題,所以才會認為說廣東話的人既屬國土之內, 粵語自是「地『方』之『言』」。』
 
小總結一下,若果不是要故意廢「繁」,廢「粵」,相信反晌都不會這麼大。學會講普通話,到內地或台灣工作旅遊都方便,不學是那個人自己不方便,是個人選擇。倘若本土的語言也要被抺殺,已經不能算是選擇了。引用上面有講過「溝淡」的事情,也有講到本土文化等。事實上都是中共的手段,其一,中共派出的官員都是講普通話的,他們不想地區有他們自己的語言﹣﹣﹣
 
再白一點,細想為何中共在香港北面建立一個移民城市「深圳」?深圳的人口很大部份都是外省人,湖南河北哈爾濱等。你可以想像,這樣的規劃是為把香港人和相近文化的廣州人相隔,以免香港人和廣州人聯合反抗。沒想過的大概一直都是覺得人家用什麼體講什麼話有何關係,但事實上是政策而已,你以為你在為國家團結作出配合,卻只是維護了老謀深算的詭計及幫助實行。
 
 

周容 - 2015年03月31日 01:40

趁熱鬧,希望唔會叉開話題。思行 兄大量!

 

怪論:Delay no mall再現袁崇煥凌遲一幕

 

由現象看本質,“推普廢粵”係咪假命題,莫須有,考證唔到,但係「掉哪媽,頂硬上」經過考證。

為方便非粵人士,我翻釋一下袁崇煥大將軍嘅名句:「X他媽的,硬撐呀」,英文即原用紀念碑上嘅「Fuck his mom! hit the hard!」。

「他媽的」比普通話更有普遍性,hit hard全世界都明,唔多講,但係點樣處理「他媽的」有重要嘅文化含意,操、吮、掉、煎、炸、挑、剔、撫...,當局選擇「剐」(鏟去「掉」字),有好重嘅殘暴野蠻氣息。

袁崇煥,廣東東莞人,抗清名將,為北方人打工。因昏君之疑,庸臣之妒,凌遲(剐刑)而死。

刪「掉」者,廣東人,又叫廣奸,決策者,「當局」也,現為北方政權。上昏內奸,情境再現,袁崇煥再死一次,第一刀,就係剐除袁將軍嘅精神命根。

大多數文化消失都係緩慢過程,一如凌遲,首先係掌權者嘅輕視或敵視,繼而逐漸閹割,消滅集體記憶,剪斷文化臍帶,「推普廢粵」同「推普壓粵」只係斬頭同凌遲,遲同早嘅差別。

袁將軍展現廣東人強悍嘅一面,「收皮,頂硬」固然痛快,但係除內奸、廣奸先係關鍵。「一言興邦,一言喪邦」,存廢自不在話下,若將「掉」解作「愛」,下場就可能唔同。

撈鬆外軟內硬,外國人可以fuck his mom,廣東人唔可以「掉哪媽」,我地可以外國人之硬頂其軟,將外國先進觀念介紹比佢地,例如Delay no Mall 展示新觀念,鏟除唔等同快速發展,Delay、say no 才是持續發展之道,「掉哪媽」要原汁原味先有意義。

 

普賢 - 2015年03月31日 11:16

普通話是名符其實的胡言亂語!

侈哆 - 2015年03月31日 13:55

我百厭玩斗兼且無規矩,大人講時聞,我又叉開去...

 

粵語、普通話、甚或外洋語文,融匯貫通,下筆倚馬可待;但未熟而監生吞,則咪話唔難哽.

[[** 先始申明:下面現成例子,隨手借用,言者勿對號入座.侈哆先行再三告罪. **]]

 

「傻咗咩你」這類口語精彫巧鑿成「傻的嗎」這般「典雅」,雖則用心良苦,可憐寫得扭捏睇見眼寃.「不排除有加以提升的空間」,祈求「業界」「持份者」「加大力度」去「優化」.今時若果話「文字與口語平行交叉」係三文两語嘅「切入點」,怱怱「落實」,「不排除」有「很高的難度」, 亦「不排除」有越搞越喎的「可能性」.

 

信壇某教育名家大話「文化的跨境錯解」.我不敢拋那生蟲書包,我只知上面句句不是中文.

 

今人慣用電飯煲,三及第唔再係話咁易,得閑去雜架攤,摷番本<經紀拉>,好好見識前人功力.

ray1129 - 2015年03月31日 14:43

思行兄,你好。
 
你呢句「但當家作主廿年未夠,香港話嘅喪鐘就被『母親』敲起」,認真傳神。
 
睇怕呢位『母親』會好似管西藏、新疆咁管香港。遲下香港人唔講「胡言」唔肯學佢哋咁「亂語」,就打到你講為止。正所謂「慈母手中棍,兜頭密密扑」。
 
愛自己嘅家,就要竭力保護她。正如周容兄說:「掉哪媽,頂硬上」。
 

View on YouTube

李思行 - 2015年03月31日 15:15

ray bro 好。

 

如果無搞錯,呢塊「掉哪媽,頂硬上」好似係二次創作,原本嗰塊係「屌。。。」。嘻嘻。

李思行 - 2015年03月31日 15:23

「人多口多」兄,

 

經紀拉連廟街都唔知搵唔搵到囉?!

 

(唔好意思,我個 keyboard 出唔到「人多」,嘻嘻。)

Barwon - 2015年03月31日 15:50

「掉哪媽,頂硬上」那英譯考起鬼佬,改成 'mother f--ker ,hard on' 較有意思。希望此留言不至被刪,thefreedictionary 有解釋 hard on,非不文之語。

ray1129 - 2015年03月31日 17:22

思行 bro,咁樣,『屌。。』比『掉。。』有氣勢得多。袁崇煥真不愧一代名將。

Daniel - 2015年03月31日 17:32

清朝共朝京人講京話,廣東人洪秀全嘅太平軍,康有为,梁启超, 後来辛亥革命嘅孫中山, 都係南方人,講廣東話, 北方政權從此對南方人有戒心,更千方百計以國家安全理由箝制南方。對京人来講,我地講廣東话全部都係南蠻,大清朝/共朝吾驚就假!

李思行 - 2015年03月31日 17:35

巴菲特識唔識游水唔知,但一定有著泳褲!嘻嘻。

侈哆 - 2015年03月31日 18:54

[[[...經紀拉連廟街都唔知搵唔搵到囉?!...]]]

 

天地有盧瑋鑾主編<經紀眼界--經紀拉系列選>,有機會可去看看有甚麼內容.(ISBN9789882193956)

 

原來一書難求,茅舍有本<哈公怪論>八六年十一月版, 看來要移送慈山寺藏經閣或其防彈僧舍,以防萬一.

侈哆 - 2015年03月31日 19:09

[[[...我個 keyboard 出唔到「人多」...]]]

 

鄰樓有留言話某君個 keyboard 值卅萬,看來思行樓主那一個只值二十九萬九.哈哈哈哈!

李思行 - 2015年03月31日 19:32

係,咁要開吓眼界啦!

唔知係邊棟樓呢?

侈哆 - 2015年03月31日 20:02

王岸然<戴耀廷陳雲應棄學從政>

 

C Chan - 2015年03月31日 11:04

...有網友好抵死問 "咩鍵盤要30萬甘貴"

tsingtsing - 2015年03月31日 22:14

陳雲那段文字沒有什麼不受, 說出了情況。

 

如果有人把那段文字理解成"咩鍵盤要30萬咁貴", 此人是搗蛋。

李思行 - 2015年03月31日 22:19

錢嘅「威力」,唔在乎多少,在乎用錢嗰個人。

tsingtsing - 2015年03月31日 22:22

用手寫板和手機, 很多口字旁的字都出到來。

Big Mac - 2015年03月31日 23:56

母語敎學的重要性,是一種情感的傳遞,你不是說普通話的,把它當成外語學便算,不用太上心。

Big Mac - 2015年03月31日 23:59

順便一提,如果你為子女找學校,與到普敎中的學校就不要報名,一於比學校壓力。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。