李思行's 的頭像

以文會友、把歌傾情;追求真善美、常懷赤子心。

終身學習 闔家讀書

 
除咗植物,所有動物都要學習謀生技能,當中有一種動物「發明」咗學校;發展至今,呢種動物平均要花上生命中三分一嘅時間去返學,相對上比其牠動物嘅學習時間都要長(如果喺成長過程中無俾其牠動物食咗嘅話)。
 
照計學習時間愈長,謀生技能/生存能力就愈高,但踏入廿一世紀之後,生存條件同樓價一樣,往往跑得快過返學所學到嘅技能。
 
另一個同學校有關嘅情況就係近年每逢中小學放榜、派位、幼兒班招生等「重要」日子,新聞記者都如常去走訪一啲學生、家長。
 
上星期三就喺一個媒體睇到分別有一位學生話要多謝補習社嘅老師,「因為我覺得佢仲辛苦過我,佢成日都要鬧我」、一位就話放榜前一晚擔心至瞓唔到,更緊張到「標冷汗」前一晚就喺電視新聞睇到一位獲派第一志願嘅學生,但見佢歡天喜地之餘更激動到對住鏡頭不停咁喊,話要多謝媽咪,因為媽咪為咗佢嘅考試請咗個多月假嚟陪佢一齊溫習云云。
 
至於再早之前嗰位喺鏡頭面前話佢考到入名校個仔“平日唔係好多補習,只係會上乜乜物物柒玖幾樣學習班啫”嗰位家長,相信大家重記憶猶新,不贅。而為咗子女能夠入讀名校不惜工本,豪花七位數買債券、喺名校區置業又或者通宵排隊為求一個面試輪籌,就更係時有所聞(教育政策同學位問題,不在本文討論範圍之內)。
 
點解近呢十幾年不單止人人都話要「終身學習」(鼓吹呢樣嘢嘅前高官唔知係有心靠害定係癡線嘅),重要「闔家讀書」?除咗上面提及嘅「請假陪子女溫習應付考試」例子之外,相信大家,包括唔少老師同校長,都知道有唔少幼兒生、小學生嘅勞作、功課係家長(整份作業或部份)替槍嘅!
 
動物之所以要學習係因為要生存、要適應環境、要抵抗、逃避(非同類)捕獵者襲擊、殺害,但唔知係咪因為人類已經貴為「萬物之靈」,自覺除咗同類,其牠動物已經無威脅,再加上可能真係人口太多、資源有限(問題出在人性貪婪,時刻追求擁有多過所需嘅),所以要互相競爭,要將同類「砌低」嚟爭取生存空間。
 
學習嘅本意係提升競爭力、提高生存機會,而人類就至少多咗兩樣 - 追求智識同以求學成之後有一個美好嘅生活(白啲講係增加搵錢能力),但喺畢業之前(終身學習又何來真正嘅畢業)嗰廿幾甚或三十多年,對或多或少嘅學生以至家長嚟講,其實係一個漫長嘅折騰階段但好似當中又有部份人「甘之如飴」?!
 
 
 
原文
 
李思行 面書
 
思行思語 專頁

所有評論

kychiu - 2015年07月13日 00:52

公司內同事普遍遲婚,過半數選擇不生育,肯下廚的更少之又少 .機會成本太高,生存是第一要素

 

政府鼓勵多生育,四個啱啱好,口惠而實不至,理論上至少應有三間睡房,如冇,菲傭姐姐只好委屈一下

 

基本上臨盤之前要揀定心儀學校, 贏在起跑線上,一條龍至佳,住中西區或九龍東是上上之選,如果生四個小朋友,磨難度是四倍,仲要確保菲傭姐姐唔會中途劈炮唔撈

 

做家長,如履薄冰 .以前---唔係好耐之前--天生天養,生命力不知幾頑強 .宜家,大家都是網中人

 

 

View on YouTube

kychiu - 2015年07月13日 01:04

OMG,思行 兄,在和尚打傘的"你國"網上,可睇到完整版的網中人,唯然解像度麻麻,國語配音

 

http://www.soku.com/search_video/q_%E7%B6%B2%E4%B8%AD%E4%BA%BA?f=1&kb=04...

 

你的國在哪兒?(高慧然)

http://hk.apple.nextmedia.com/realtime/supplement/20150105/53298723

 

李思行 - 2015年07月13日 01:07

kychiu  兄 好。

 

個塵網都係人手織嘅啫。

kychiu - 2015年07月13日 01:09

kychiu - 2015年07月13日 01:14

思行 兄好!

 

 

Quote:

 " 係大學畢業之前都唔比你拍拖,然後係你畢業個日就要你生個未婚夫出黎。

沒錯「生」都要10個月,而你呀媽係要求1秒
細胞分裂都整唔切...LOL "
 
 
"家長話:女啊,你大學畢業先好拍拖啊!知冇?而家要專注學業,唔好俾其他嘢分心啊!
總結:即係一破處就要人地娶!"

kychiu - 2015年07月13日 01:20

計錯數:應為---

 

如果想28歲之前生完一個小朋友,那麼27.9歲就要生下來,27歲就要懷孕

ray1129 - 2015年07月13日 14:20

思行會長,午安!
 
小弟認為由成長階段,到社會掙扎立足,再到努力安身立命,都是一整個學習如何提升競爭力、提高生存機會的過程。但正如你所言,教育是否一定需要發展成將同類「砌低」嚟爭取生存空間的環境?
 
闔家讀書對學生是否有幫助?終身學習是為了充實學歷,還是提升實際的競爭力。這或許才是問題的核心?
 
今天湊巧有幾個樓都是談論「書中黃金屋」,就貼首林子祥版本的《學生哥》聽下。
 

View on YouTube

李思行 - 2015年07月13日 16:31

ray 兄 午安,

 

教育係一盤生意呀!

Ah_Kwan - 2015年07月13日 17:08

應該是一畢業, 就穿上禮服, 與父母選定的對像成婚.

 

李思行 - 2015年07月13日 18:00

指腹為婚?嘻嘻。

萬古刀 - 2015年07月13日 18:25

思行兄,久違了,您好!
說起教育,以香港為例,一直以文法學校基礎教育為本,夾雜傳統中國古文以至白話文的自然背誦修身治天下潛移默化式的希冀。說白了是以為符合了「百年樹人」的目標。然而,在現代社會中,不單這些東西基本上無法有助謀生(就連當代議士也不須懂小學算術,28:8係咩都可以唔知),而且可謂浪費了小學六年(甚至中學的)青春,倒不如小學每天多上兩節倫理思辯課(而不是那些不知所謂的愛國課),令學生在與人相處時知道分寸(點只唔講粗口咁簡單),不致整天只知不學「有術」就掂,埋堆搵食最易(子曰之言都是不切實際的反面教材),小人諭以利,社會風氣一旦如斯,想開展真正有利發展的教育,就難比登天。大家變得只須考試過關就得米,水過鴨背,更莫說身體力行。
話說回來,在香港只剩零售餐飲業的今天,小學算術仍是有用的,賣幾高科技的產品,店員都只須會用部機,開包裝盒,開單計總數就可以。當然,要學老懂的甚麼甚麼港大計,培養高科技人材還是有必要的。但那是在一個較正常社會中,能讓大多數人在接受科技教育(數理化)之後淘出合適向這方面發展的少數人才,而其餘未成功者也非一無所得(有心者起碼學得科學地解決問題的思維能力),不是Winner takes-all,社會也有吸收「敗者」的行業機構。但在小人朋黨橫行(不只一次聽見港大舊生講「終有一日為阿松報仇,整番班官一鑊」之類可怖言談)的今天,香港結果只有向北看一種事業,變成了大隻講!
簡單地說,當學校所教在現實社會求生存無用時,所謂教育充其量只是現代科舉,令天下英雄盡入彀中,能發揮的作用是令青春期兒童有消耗精力之處,至今更將家長一網打盡!!!而學生亦上有政策,下有對策,考完試就一笑泯恩仇,立刻忘記所學,君不見學生讀英文,學到的不是狄更斯的人文關懷,而是學會向根本不講究文法的俚俗語挑剔語法問題?這就是現在的教育成果。
另一方面,若真的有新生產技術須學習時,在職學習由公司負擔,是正理,有數理化根底固然有點優勢,但我就見過差不多文盲的小青年在電腦前揮灑自如,上了年紀的大專學歷中老年人卻一籌莫展的現象,所謂現代生產新科技,恐怕也不需要有多大知識去掌握。
以上是酒後信筆為之,有思維跳躍處,也有未周延處,都請包涵。
附上雪村的「都是高科技」以博一哂。https://www.youtube.com/watch?v=5LjQ3MPBatE&index=4&list=PL35F2EA58EF324A34

萬古刀 - 2015年07月13日 18:34

嘻嘻,kychiu兄,點只第一次就要人娶,你有無點過粵語殘片,啲妹仔俾少爺「Mud嘢咗」,第二日就會對佢講︰「少爺,你第日要對我肚裏面個細路哥負責。」真係百發百中?老人家都望極速抱孫,呢句最啱聽啩,難怪。

萬古刀 - 2015年07月13日 18:37

訂正︰「睇過」纔對。

李思行 - 2015年07月13日 19:04

萬古刀 兄,您好!

 

多謝補充;今日係有教無育、學而不習。

鄭立勳 - 2015年07月13日 22:26

思行兄,

只能慨嘆每代都有不同的幸與不幸, 我們當年沒有菲傭照顧, 要做暑期工賺零用,父母忙於工作很少陪伴, 選學校亦好是但, 然而我們迷頭讀書便能碌入大學, 尚有大把時間看金庸古龍, 找工作亦不太難,一家人都輕鬆多了. 

周容 - 2015年07月13日 23:30

思行 兄好

 

嘻嘻!

「蓋家讀書」本來係好事,身教,聽講林行止先生係咁,所以有陣時我都要攞本雜誌,係個仔面前作吓狀。

李思行 - 2015年07月13日 23:40

周容 兄好

 

同令郎一齊睇 Playboy 學英文?嘻嘻!

Big Mac - 2015年07月13日 23:48

學習應該喺生活態度,特別是現在的東西變得很快,你不學新的很快便會被淘汰.

周容 - 2015年07月14日 00:11

嘻嘻!佢而家見到美女會叫埋我!

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。