李思行's 的頭像

以文會友、把歌傾情;追求真善美、常懷赤子心。

西九爛鐵廣場

三年前重遊羅馬,除咗例牌嘅梵蒂岡(Vatican)、鬥獸場(Colosseum)、西班牙階梯(Spanish Steps)、許願噴泉(Trevi Fountain)等必到景點之外,亦首次沿鬥獸場外嘅帝國廣場大道(Via dei Fori Imperiali)漫步,欣賞兩旁包括古羅馬廣場(Roman Forum)在內嘅古蹟。
 
據記載,呢個廣場一帶雖然係古羅馬時期嘅市中心,但唔係主要嘅民居所在地,而係有唔少大小不一嘅神廟,包括農神廟(Templum Saturni)、維納斯神廟( Templum Veneris et Romae )、凱撒神廟(Templum Divi Iulii)...同好多政府機構,例如君士坦丁議堂(Basilica Constantini)座落於此。
 
雖然舉目四望都係一啲頹垣敗瓦,但當筆者見到嗰啲大理石柱同雲石梯級,就可以想象到身處嘅地方以前係幾咁風光同繁華!可惜時移世易,現在只剩下俾遊客影吓相、憑弔一番,同考古學家研究嘅價值;不過「爛船都有三斤釘」,呢一帶嘅頹垣敗瓦,相信可以為羅馬旅遊業帶嚟唔少進帳。
 
返翻嚟廿一世紀嘅香港,近日西九高鐵又再成為城中熱話(之一),因為高鐵除咗已經得道,化身成一隻食極都唔飽嘅貔貅之外,重要直搗一國兩制嘅黃龍 - 如果非香港執法人員可以喺西九執法,其它地方點解唔得?
 
高鐵表面上係一個運輸系統,但其實亦係一個旅遊項目,因為落成之後,除咗一車車嘅自由行之外,車站配套一定有賣嚟賣去都係嗰幾樣嘢嘅商場、有食嚟食去都係嗰啲例牌菜嘅連鎖食肆,所以啟用三日之後吸引力應該大減,旅遊業嘅算盤未必打得響。
 
鑒於建造成本不斷超支,完工日期又隨時生變,叫停之聲遂此起彼落,但局長就斬釘截鐵話「若無法取得追加撥款,後果十分嚴重;爛尾是賠了夫人又折兵」云云。
 
筆者只知世上無嘢係嚴重得過唔知後果,但仍然要承受無了期嘅折騰 - 爛尾要賠錢,但豈碼數目細過追加撥款,兼且你點知再無下次?點解唔俾人輸少當贏起身計數?破壞一國兩制個後果就唔嚴重?
 
事到如今,筆者不妨膽粗提出一個建議,免得俾人話好似嗰啲「只識批評無啲建設」嘅議員咁。
 
停工之後,將高鐵地盤命名為「西九爛鐵廣場」,俾市民、遊客買票入內參觀,自由行或參加導賞團都可以(增加就業率)。廣場內同港九新界其它商場相若,有大小(露天)商鋪、食肆、戲院,重會有 War Game 同機動遊戲等設施(場內咁多鐵架,唔好嘥,嘻嘻)。
 
除咗吃喝玩樂,重可以俾人邊遊覽,邊幻想呢個車站本來可以幾咁富麗堂皇、幾咁宏偉!當然,亦可以俾一啲人一個警剔 - 做人做事都係唔好好高騖遠,踏實啲好!
 
所以無論從旅遊業嘅角度、賺取外匯嘅能力、對港人嘅教育意義嚟睇,「西九爛鐵廣場」絕對可以媲美古羅馬廣場;鳥瞰高鐵地盤,真係有羅馬鬥獸場嘅感覺,相信日後可以成為世界一級受保護文物。
 
最後,亦係最重要嘅,局長可以藉此避過因爛尾而降臨喺佢身上,好很嚴重嘅「後果」!
 

所有評論

kychiu - 2015年12月03日 00:22

思行 兄好!不如再追加一個七月一日港殤日,每年以悲痛的心情追憶回歸荒誕歲月,聲討牛鬼蛇神魑魅魍魎把大好音江弄成妖獸都市

kychiu - 2015年12月03日 00:23

更正:香江

周容 - 2015年12月03日 00:24

思行 兄好

 

「萬里長城萬里空」,睇下萬里長城今時今日嘅地位,西九爛鐵廣場真係好有希望。

 

如果加埋廣場大媽舞,隨地大小便區,會唔會更勝羅馬鬥獸場?嘻嘻!

kychiu - 2015年12月03日 00:27

向當年的勇士致敬!

 

View on YouTube

 

反高鐵運動之傳媒透視(完整版)

李思行 - 2015年12月03日 00:31

kychiu 兄好。

 

音江者,陰乾也。

 

俾你一語道破兼洩露國家雞蜜,該當可罪?!

kychiu - 2015年12月03日 00:38

筆者眼淺,看這樣的畫面是會掉眼淚的,有多少位高權重的老海鮮,把爛攤子留給下一代去承受?

 

View on YouTube

06.01.2010 反高鐵五區苦行

李思行 - 2015年12月03日 00:40

周容 兄好。

 

收筆時又見網絡廿三,話唔定有人會將「爛鐵廣場」作為「焚博坑宅」之用!嘻嘻。

kychiu - 2015年12月03日 00:40

"俾你一語道破兼洩露國家雞蜜,該當可罪?!"

 

老伴總嫌我多嘴雞,俺甘願被滅聲

周容 - 2015年12月03日 00:41

尋日黎廣德篇:假封頂真投降 高鐵停工毋須爛尾

可作參考。

周容 - 2015年12月03日 00:47

kychiu 兄好

 

有冇發覺,而家錯嘅成真,真嘅成錯,中共治下,只有將自己倒吊才能正常活著。

kychiu - 2015年12月03日 00:51

周容 兄好!當年大陸高鐵慘案敲醒好多天真港人,什麼"一小時生活圈"的迷思通通都是鬼話連篇,超英趕美的GDP/列車時速不過是成就新貪官污吏的溫床

周容 - 2015年12月03日 01:02

廣州人坐高鐵要去番禺,香港人坐高鐵去深圳仲方便快捷,當年早就有人反對。

 

有人一見條鐵,血液下流,上唔到大腦,慌死執輸,這包括信報等多數媒體在內。

李思行 - 2015年12月03日 01:11

剛剛睇到  

 

「高鐵一旦為了捍衛一國兩制的堂皇藉口而停建,中國的建築公司就乾手淨腳,賺了港共的巨款。這些巨款怎麼來的?由各位供樓的錢來的!香港政府賣地起樓的庫房收入,會注入基建的基金,這個基金就負責支付高鐵、港珠澳大橋的工程費。即是說,中國政府透過香港的大型基建工程,預先向各位香港買樓的中產支取近乎一生人的儲蓄。當然,之後樓市會爆煲,各位的錢白白送了給中共。」 

 

https://m.facebook.com/story.php?story_fbid=10153714090527225&id=589657224

kychiu - 2015年12月03日 01:12

番禺爛地,強制性收購,轉手再轉手,橫財就手

 

位置好?交通便利?Who福建cares?鬼國神州,錢就是爸爸!

kychiu - 2015年12月03日 01:19

之前的鉛水案,不又是中資建築公司包攬香港建築工程惹出的禍?刑不上大夫,找替死鬼頂包再扮innocent,97後後現代港中政府最拿手!

周容 - 2015年12月03日 01:20

每個香港人萬幾銀整條爛鐵!一翻舊賬,火都黎埋。

kychiu - 2015年12月03日 01:56

"有人一見條鐵,血液下流,上唔到大腦,慌死執輸,這包括信報等多數媒體在內。"

 

當年珠港澳大橋司法覆核案,令公民黨受重創,腹背受敵,前有港府聲言拖慢進度造價標升港人齊齊埋單云云,後有立法局選舉中自由黨借題發揮惡意中傷落井下石,而信報--未染紅之前的信報--無異於同流合污,在社評中做政府的啦啦隊,既無獨立思維,亦乏真知灼見,其做法令老讀者"策"目

kychiu - 2015年12月03日 02:10

2010年支持通過高鐵撥款議案議員名單 (贊成︰31票 反對票︰21票)

*仍然在任立法會議員

 

民建聯:陳鑑林*、譚耀宗*、黃定光*、李慧琼*、陳克勤*、葉國謙*、黃容根、劉江華、張學明
 
工聯會:王國興*、黃國健*、葉偉明、潘佩璆
 
經濟動力:劉皇發*、梁君彥*、梁劉柔芬
 
自由黨:張宇人*、方剛*、劉健儀
 
新民黨:葉劉淑儀*
 
勞聯:李鳳英
 
其他:梁家騮*、謝偉俊*、李國麟*、林大輝*、黃宜弘、霍震霆、詹培忠、劉秀成、陳茂波、譚偉豪
 
贊成票︰31票 反對票︰21票
*仍然在任立法會議員
 
贊成票︰31票 反對票︰21票

李思行 - 2015年12月03日 02:48

周容 兄,係咪咁樣呀?嘻嘻。

明月吐光,陰風吹柳巷 

是女鬼覓愛郎 
誰人願愛,淒厲鬼新娘 

倍伴女鬼,深宵偷拜月光   

 

https://m.youtube.com/watch?v=OOQJR_DnF6Q

 

侈哆 - 2015年12月03日 07:09

香港儲備移形換影是其一,「殖民」「租界」(不是「新界」)是其二.

 

1/12另樓留言說「一地两檢」,現在一稿再投 :

 

似將添馬劃為軍地,這回第一步把高鐵沿線劃作「中國租界」,自然一班馬牛羊雞犬豕跳出來鼓掌說「行使主權」是大好不是小好.第二步,「中國租界」幹嗎不可延展去大嶼山、啓德?機場碼頭幹嗎不可上下撿他一撿?

 

當日德國佬日本仔要瓜分中國,不也是先從海關鐵路落手?所以叫學生不用必修中史,甚有道理.學生蠢了,却利於黨國,除笨有精.

 

catograsso - 2015年12月03日 13:11

「賠了夫人又折兵」的教訓是什麼?繼續折兵?希望夫人自己回來?看來我地啲高官比當年周郎更低B。

 

老曹行走江湖祕笈都話:盡早cut loss,no questions asked,冇得婆媽。

李思行 - 2015年12月03日 13:46

(此留言己被博主刪除。)

李思行 - 2015年12月03日 14:01

大家好。

 一個虛構故事但相信有唔少人有類同經驗或見過、聽過。

甲 - 接咗張訂單,要錢買料,交貨後就可以俾返你。
乙 - 咁要幾多?
甲 - 廿個。
乙 - 啦,只此一次㗎咋。

兩個月之後

甲 - 唔掂呀,個客走數,有無廿個?
乙 - 唔係呀哇?
甲 - 幫幫手呀,另外有張單就交貨,到時可以一筆過連息找俾你㗎喇!
乙 - 你係至好呀!

又再兩個月之後

甲 - 有無廿個,江湖救急呀!
乙 - 又咩事呀?
甲 - 個倉啲貨同物料俾班工人搬咗返鄉下呀,無錢補番啲嘢間廠就摺硬,之前欠你嗰啲都無能力還俾你㗎喇!
乙 - 係唔係呀?
甲 - 我無第二條路㗎喇,你幫埋最後呢次喇,如果唔係,真係斗零都還唔到俾你㗎!
乙 - 唉,到時你真係要俾返我呀!

到時。。。阿乙一世人嘅積蓄就係咁俾呀甲昆 Q 曬!

李思行 - 2015年12月03日 14:32

拆穿個西洋鏡 -

 

港鐵為何不用650億元封頂,不用715億元封頂而用844億元封頂?至今真相大白。因為正如馬時亨所說,港鐵有信心在844億元預算內完成,所以風險微乎其微。但這個假封頂對公眾的傷害還不止此,因為這會對港鐵造成一項變態誘因:既然香港人必定全額支付844億元,即使項目可用700多億元完工,港鐵自然樂於做「大花筒」,與承建商合力把錢花光,只要完工時稍為低於844億元,市民還要多謝港鐵替他們省錢。

 

高鐵的兩項重要資產

 

不過以上一切對港鐵來說還不夠保險,所以在844億元的假封頂之上,說明任何「不可抗力」事件,或政府一旦要求停止承建商合約引致的開支,均全部由政府承擔。更有甚者,雖然張炳良說政府會保留追究港鐵責任的權利,但若一旦提出仲裁,又可能令所謂封頂的條款失效。簡而言之,整份協議的設計就是要政府作繭自縛,市民承擔所有超支費用之餘還要感激港鐵和政府官員。

 

可能政府害怕戲碼不夠刺激,記者會上張炳良提醒立法會議員不能讓工程停工,因為停工會爛尾,要多花幾十億元。可惜這種說法毫無事實根據。

 

如果今天政府宣布停工,不等於撒手不管放棄項目。高鐵工程至今形成了兩項重要資產:一是西九龍市中心的地下空間,二是石崗菜園村27公頃已平整的地皮。前者可用作全球最大地下商城和市民中心,後者可用來興建過萬單位公屋居屋。根據政府資料初步推算,假如將西九總站已挖掘的38萬平方米樓面面積改作地下生態商城,光是六成面積的50年商舖租金收入已達1800億元,高於營運高鐵的經濟效益780億元,尚未計算其他公共空間、創意空間和石崗地盤改作房屋用途的社會效益。

 

停工改建 非丟空爛尾

 

由此觀之,高鐵工程停工是用作改建成為對社會更有價值的資產,而非丟空爛尾。為何政府不敢委託獨立顧問進行客觀研究,讓市民和立法會議員多一個清晰的選項?

港鐵派發特別股息只是趁大龍鳳的一場煙幕,小股東可能短期受現金派息的利誘,但200多億元債項的長期利息成本必定對港鐵盈利帶來負面影響,所以如意算盤難以打響。

 

香港人不想成為羊牯,不想為了「一地兩檢」而犧牲一國兩制,高鐵停工改建是唯一選項。

 

http://news.mingpao.com/pns/dailynews/web_tc/article/20151202/s00012/144...

ray1129 - 2015年12月03日 15:57

大家不妨比較一下印尼政府如何應對中共死纏爛打要幫佢哋起高鐵的「熱情」。
 
印尼那條高鐵全長150km,預算建設成本是55億美元;香港的高鐵長度只有26km,現時的所謂封頂價已經是108億美元,每公里成本是印尼的十倍有多。
 
其次印尼政府毋須承擔財政負擔與債務擔保,兼且要中共包底;而港共政府除了要孭起所有財政負擔與債務擔保之外,重要負責包底埋尾。
 
為求保住經濟,消化沒有出路的基建產能,為自己奄奄一息的政權續命,中共會不惜四處貼錢做凱子,求人讓自己幫他們做基建,偏偏反過來在香港就擺起官大爺臉孔,趾高氣揚地說:「你不高價請我們來做,我們就把你邊緣化」。
 
中共在自己地方就天下無敵,出到外邊就只能做凱子求存,這已是不爭的事實。再看到那些愚蠢得無藥可救的愚民,還在拼命為港共這個高鐵爛攤子堆砌各式各樣藉口的滑稽相,真係非常好笑。
 
天生蠢材無所用,千金散盡尚痴呆。貼首鄧寄塵的《呆佬拜壽》送畀呢班痴痴呆呆,坐埋一檯,畀人搵完笨仲會想盡辦法幫老千脫身嘅蠢材。
 

View on YouTube

QQKK - 2015年12月03日 19:10

會長 題目侧張相車頭相太细睇唔到呀, 可唔可以post 多次呀?

QQKK - 2015年12月03日 19:17

嘩......嘩..............嘩.........超豬唔磅水 ?
炳焗腸:唔做......縫合唔到條鐵呀 !!!
 
咁似嘅 !!!!!!!!!!!!!
割緊包皮屈追加手術 醫生:唔做縫合唔到
 

QQKK - 2015年12月03日 19:27

睇吓 燒財子翕乜 :
1 )高鐵超支問題解決,因一地兩檢問題已拍板

http://www.memehk.com/player-6926-%E8%95%AD%E9%81%99%E9%81%8A-%E7%AC%AC2...

 

2) 港鐵派息與人大釋法,一次過解決所有政治問題
http://www.memehk.com/player-6926-%E8%95%AD%E9%81%99%E9%81%8A-%E7%AC%AC2...

李思行 - 2015年12月03日 20:19

QK bro,  唔好意思,我舞佢唔掂,佢只可以用(電)腦裁相,android  唔得,好鬼煩(我依家甚少用腦㗎喇),兼又(好似)只俾四方相度。(>﹏<)

你想睇真啲,去我 FB 專頁喇,唔該。

 

https://m.facebook.com/思行思語-349247198508841/?ref=bookmarks

李思行 - 2015年12月03日 20:22

咦,乜依家 click 將大頭相都唔會彈出嚟嘅?QK bro,  你都唔好用手機睇,買塊大啲嘅平板喇!

李思行 - 2015年12月03日 21:14

放呢度唔駛四方度,或者會好啲。

李思行 - 2015年12月03日 21:15

OK, 得咗。

3

37 - 2015年12月03日 23:16

思行兄, 儂(香港)本佳人, 如今(after to be adopted) 似被熱毒上身, 塊面爆出咁大瘩膿瘡, 將來就算點醫番好, 睇怕都會留低很大嗒迹?! 雖則卿(香港)不致於須以色事人, 但终歸有碍觀膽, 有損生計(計旅遊業一瓣如非主業亦属不可或缺?), 更令人擔心嘅係, 此等属永久性的形毀似乎正在陸續有來?!

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。