星斗市民's 的頭像

香港是我家 We, the people

機場小風波

【聲明-舞台劇故事全屬虛構,如有雷同,實屬巧合】

第一幕-地點:機場

狼女【叉住條腰,態度傲慢,沖沖走到某航空公司櫃台前】我留低嗰名牌黑色手提袋係外面,你可唔可以同我攞返入嚟?

航空公司地勤:小姐,對唔住,我哋唔能夠同乘客攞嘢嘅。

狼女【不悅,面色難看】咁叫負責人嚟講。

航空公司地勤【急Call經理到來處理】

經理:【瞭解件事後】小姐,我哋唔係負責呢啲嘢,安檢係機場保安部負責,麻煩你再行多次,自己出去再經檢查,對唔住,我哋冇能為力。

狼女【不悅,面色更加難看,用手機打電話,將整件事告知老父,然後將電話遞給經理】經理,我爸有話跟你講。

經理:【聆聽對方講話】我當然知道狼生係邊嗰啦,之但係我哋要按本子辦事,唔係老頂會怪責落嚟,我哋連工都冇得做。……………….喺喺,我等老頂電話。

【之後,有一航空公司職員雙手捧住嗰黑色手提袋,然後交給狼女。】

狼女【面色轉為喜悅,單手搶回手提袋,得戚地說】嘥晒我啲時間,第二時做嘢最好醒定啲。

第二幕-地點:記者會

狼特一【面帶笑容,額頭乾爽無汗】我今日好高興咁多記者關心我嗰女啲雞毛蒜皮嘅小事,我其實並無特登講我係邊嗰,我只係話我係狼女阿爸啫,之不過嗰經理好醒目,一聽就認出我,佢好有前途,可能係我Fans都唔定。

記者A:唔係喎,狼生,我哋訪問過當值經理,佢話你表明你係狼特,唔通佢講大話?

狼特一【立刻收起笑容,額頭即時流汗】當然係嗰經理講大話啦,我最憎人哋講大話,係就係,唔怕認,我都唔明啲人點解咁中意講大話,紙冚唔到火咁簡單嘅道理都唔識,點做大事㗎,係咪?

記者B:狼生,點解你流晒大汗嘅,係咪有啲唔妥?

狼特一【下意識抹一抹額頭,真係流緊汗】啊冇嘢,我亂噏就………唔係我緊緊張啫。

記者C:狼生,有咩嘢咁緊張呀,我哋又唔係賣魚蛋嘅小販,我哋係記者嚟架,而家嗰記者會氣氛好平和啫。

狼特一【汗越流越多,唯有打完場】我流汗係緊張你哋捱肚餓等開呢嗰記者會,我約咗人,第二日再傾過啦,你哋都要返屋企食飯架,係咪,屋企人等緊你先至開飯,拜拜。

第三幕-地點:某酒樓貴賓房

狼特一【笑口噬噬】老機,好耐冇見,老同學真係夠義氣,出句聲就同我搞掂我女嗰單嘢。

老機:老狼,唔好話我噚氣,你應該收歛吓,而家嗰位係萬人之上,處事要緊慎啲,呢度唔係大陸,乜嘢【我老豆係邊嗰】就甩身,你睇吓韓國間航空公司總裁嗰女,喺自己飛機鬧事都被檢控,所以我勸你公私要分明,唔好被人揸住【濫用特權】嘅把柄。

狼特一【雖然不悅,但仍笑口噬噬】老機,我教仔女有我一套,無需麻煩你操心。嚟嚟,食飯先,飯菜凍咗冇益,第二時再同你傾過。

此劇完,落幕。

【鳴謝各位台前幕後義工傾力演出,制作成本五百元,比影片【十年】經濟好多。特別多謝飾演狼特一嘅義工,其演技維肖維妙,與真人騷冇疑。】

所有評論

靜靜一天 - 2016年04月14日 00:52

面相篇:顴骨橫張

顴骨左右橫張的人一般不以富貴而論,但是不可否認顴骨橫張的人多數都有成就。這種人個性霸道、侵權霸占、自私、外向,易和別人爭權奪利,愛耍奸詐,若眉骨又高者,更是無理霸道,他們的性格注定了他們的大起大落,多成多敗的人生。

 

靜靜一天 - 2016年04月14日 01:00

龍蝦

 

Daniel - 2016年04月14日 01:34

成单野,最恐怖係好多環節,人人由上到下都識做,大陸咁!

硅谷子 - 2016年04月14日 02:42

-- 你可唔可以同我攞返入嚟?

點會咁客氣。係:即刻同我羅入黎。

 

無求劍客 - 2016年04月14日 05:20

The story is OK. But I prefer Alice in Wonderland and Lion King.
.
Not quite sure why people in HK are so addicted to reality shows. Sure it is still better than TVB and ATV.
.
Sorry not ATV.

Daniel - 2016年04月14日 06:14

〘 硅谷子 :-- 你可唔可以同我攞返入嚟?
點會咁客氣。係:即刻同我羅入黎。 〙
曾德成咁有红底子都被郁,低D嘅点會吾識做,六八九人仲吾用到盡咪?

Daniel - 2016年04月14日 06:15

六八九仲吾用到盡咩?

周天逸 - 2016年04月14日 08:40

樓主職業係編劇?此問並無貶意,我感覺頗為專業,欣賞!雖已聲明「如有雷同,實屬巧合」,但相信劇情與實情相去不遠。

亞難 - 2016年04月14日 09:04

我相信:

1. 689 沒有主動去擺平航空公司, 安檢人員等等, 是因他不知民航安全條款, 那敢亂指揮呢. 但他知所有高層都會識做, 不用上身. 中國人都夠可悲.

2. 梁家上上下下都相信靠關係可以處理急事和/或重要事, 真是從小都耳濡目染. 大家可以想像 689 是靠什麼可以上位, 當然不是正當的工作能力啦. 得的話, 當年都可以考上港大啦.

亞難 - 2016年04月14日 09:54

所有上機行李一定要安檢, 這點不用說, 民航處長祇說這點是誤導大家, 手提行李是否一定要其主人親自過安檢, 明文上不會這樣說, 因為發生事之前, "主人" 是誰很難說清楚 (老公幫老婆拿都得). 但出現問題時, 安檢人員一定會先問, (1) 這行李是你的嗎? (2) 這行李是你自己收拾的嗎? 這兩個問題可以是生死攸關.

我相信, 現時機場工作人員不滿民航處長的主因是, 在不公開的指引內 (很多指引不公開, 是因為不想有人知所迴避或找到空隙, 行內人一定知道), 一定有這位處長不說的內容, 但他和 689 一樣, 運用語言偽術來欺騙大眾.

遊民 - 2016年04月14日 10:41

68呢隻狗若成功連任, 下任經機管局CEO...劇中機場經理囊中物也!

t

tcc8004054 - 2016年04月14日 13:41

睇video 咪清楚啦。Hand carry 遗失,有冇lost and found log book 纪录啊。

y

youhuo1235686 - 2016年04月14日 17:18

(網站編輯已删除此違反版規留言。)

萬古刀 - 2016年04月14日 18:32

呵呵,希特拉都知有李剛,就黎輪到梁特揚威海外。

附Link︰中文等級考試

https://www.youtube.com/watch?v=2oT-ao8T04Q

萬古刀 - 2016年04月14日 18:35

呵呵,希特拉都知有李剛,就黎輪到梁特揚威海外。

附Link︰中文等級考試

https://www.youtube.com/watch?v=2oT-ao8T04Q

萬古刀 - 2016年04月14日 18:36

啊,重發了,煩請網編刪去冗餘,謝。

S

Shizuka - 2016年06月20日 22:59

很有創意,維妙維肖的舞台劇可媲美專業製作。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。