今日張總晌《毋枉管》又試笑壞人!

 
呢條友除左拉雜調侃上古「大一統語言」之外,就只有東拉西扯吹下民國中共,然後忽然無厘頭嗌「如今快100年了,有了普通話,人人方便,方言消失了嗎?全國都沒有消失,香港怕什麼?杞人憂天。」作結。呢條友究竟知唔知咩叫「官話」,即係北方京師一帶既方言。冇錯!係方言,唔係語言,因為佢只流行京師一帶,而且朝代唔同,官話亦異。最重要係官話係行政語言變體,佢既流行全靠政令支撐,即係靠官府迫你用,或者你想升官先學!唔似經濟、學術、宗教既語言變體咁,有龐大既民間誘因引你學。至於溝通問題,唔知張總係咪咁有餘力餘暇,遊遍大江南北,我只知漢語一直以字符多過音符黎溝通,書面漢語先至全國通行(唔係統一,統你條命!)既語言,否則中國要晌中共強推普通話到佢地全國之後,PRC先至首次統一全中國。
 
Okay, 你要學普通話冇人會阻你,學多樣新知識點都係好。但點解要迫細路用外語學習?語言對個人黎講,只有母語同外語。前者係你一出世就接觸,持續用到長大,用來思考認知周圍環境既語言,其餘既都係外語。有d人生晌多語言地區,咁邊d係你母語?簡單!你發夢入面聽既講既,就係你既母語。既然思考以母語為基礎,母語對學習過程至關重要,你張總居然覺得唔用母語去學習冇乜大不了?退一萬步比佢,《基本法》入面已經列明普通話既法律地位,你張總重有咩唔滿意,係要迫香港社會環境轉用北方官話?覺得唔方便既,請回你心愛既北方大地,我地土生土長香港人一d都唔覺晌呢度唔講北話有幾唔方便。

所有評論

Big Mac - 2016年08月24日 10:32

以後要這些推廣普通話,普教中的"老師",X 頭,有病睇醫生或做手術時只可以揀講普通話醫生,講廣東話和英文的醫生不是你們的選項。

Spa - 2016年08月24日 16:18

張總主題多是:中國必勝,美日必敗。

L

Liberphile - 2016年08月24日 17:16

脹腫成日認屎認屁,以為自己打咗外資銀行幾十年工,就等於係一個出色嘅領導人,其實呢條粉腸淨係識啲辦公室政治小道,瞞上欺下同見風駛艃佢就好在行,最好笑嘅,就係佢仲夠膽學人教EMBA班,扮晒魚蝦蟹,將啲中國舊書堆裡面講嘅所謂帝王之術當正堅料教人哋點做現代企業揸弗人。

真光仔 - 2016年08月24日 19:57

多謝Liberphile嘅出手,呢位賬總早就該抦。再謝!!!

L

Liberphile - 2016年08月24日 21:05

真光仔壇友唔駛客氣,脹腫呢挺廢料盤踞信報已久,但時至今日依舊也文也武,可惜練生就被封殺,真係天理何在!

 

順提一筆,聽講九月中練生將會開始喺壹週刊寫評論,我猜測可以喺該刊嘅網上版睇到佢嘅大作。

Don - 2016年08月24日 22:43

100% agree with Liberphile

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。