方卓如's 的頭像

《信報》專欄作家

驚嚇過報紙標題

《信報》方如玉帥:睇報紙嘅標題有時會嚇死你,睇完內文先會定一定神,例如《金融時報》有篇文章,題為「特朗普能夠糾正美國貨幣政策」,你話驚唔驚?睇完之後,發覺原來文章作者係特朗普陣營嘅人,咁就明白點解。

有睇過特朗普辯論嘅,就知道佢講得出稍有內容嘅,都係阿媽係女人,鬼唔知咩。正如特朗普能夠糾正貨幣政策,鬼唔知而家嘅金融環境扭曲晒,問人借錢唔單止冇成本,仲可以收錢。股市被推到一個人為境界,沒有基礎支撐。狂印銀紙令有錢人有大量廉價融資方法購買資產,但正常人借錢做生意就成本高昂。

以上全部問題人人都睇得出,同樣覺得唔對路,但你又可以點做?如果特朗普有心臟病,隨時會猝死,唔通你會叫佢嗱嗱聲自殺,咁就唔怕心臟病?你都係會叫佢小心啲,捱得幾耐得幾耐。特朗普可以糾正貨幣政策,佢咁醒一早就係世界首富,唔會搞到Trump Tower係成個Vegas最核突嘅一間酒店。

(節錄)

所有評論

文見亂 - 2016年09月29日 07:56

哈哈!
依的就叫專欄作家。
而家真喺比你驚嚇到。

黎自立 - 2016年09月29日 08:05

最唔對路的是內地樓市;內地樓市真真能夠產生真實的利潤?

黎自立 - 2016年09月29日 08:09

如果內地樓不能產生真實的利潤去支持樓價,這就是泡沫,泡沫越吹得大,爆破時就越慘,這爆破時刻近在眉睫了。

JKwok9 - 2016年09月29日 08:41

[你都係會叫佢小心啲,捱得幾耐得幾耐。]
咁即係實死。
不過現代醫學最拿手製造活死人。插晒喉,毫無知覺。不過部機一日未停,都未算死。

JKwok9 - 2016年09月29日 08:45

弊在有太多未能受惠於現今政策的人。

就算「特朗普未能糾正美國貨幣政策」,這些人都不會支持讓這遊戲繼續。

Daniel - 2016年09月29日 08:59

【黎自立 - 最唔對路的是內地樓市;內地樓市真真能夠產生真實的利潤?如果內地樓不能產生真實的利潤去支持樓價,這就是泡沫,泡沫越吹得大,爆破時就越慘,這爆破時刻近在眉睫了。】
人幣可以任印,無人可以聲,聲親打到又崩又爛,一線城市樓,供應卻有限,吾係個個大陸人可以買港樓(等同美金),兩種資産,優勝劣敗!

Daniel - 2016年09月29日 09:12

http://forum.hkej.com/node/135418#comment-1499273

 

信報專欄作家被刪除??????

Barwon - 2016年09月29日 11:28

「白話文」縮骨成「白話」,咁嘅專欄,寫嚟做乜,噏吓就得。

PBrega - 2016年09月29日 12:11

嘩!這就叫「專欄作者」?

真是每況愈下,狗屎垃圾。

Barwon - 2016年09月29日 13:19

讀番書學校,中文不大好,會考得個 'D' 也算比及格好少少。寫文如此,肯定肥佬,今天卻成專欄作品,是文筆難求?低價濫做,甚或買專欄?

QQKK - 2016年09月29日 13:36

" 文見亂 - 2016年09月29日 07:56
哈哈!
依的就叫專欄作家。
而家真喺比你驚嚇到 " 
 
驚嚇到..................................死

QQKK - 2016年09月29日 13:42

財演貼錢...........冩專欄 添!!!

XDDDDDDDDDDDDDDDDDDD !!

道然 - 2016年09月29日 15:09

聼說大V博主方卓如真人是香港有名的金融才俊神童輝, 是嗎?

QQKK - 2016年09月29日 19:01

某人巧似和 女主播爆房被攝!? 
 
XDDDDDDDDDDDDDDD
 
去 google 吓

QQKK - 2016年09月29日 19:09

某人巧似被証監停牌, 所以停寫了一段時間? 
去 google 吓
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。