方卓如's 的頭像

《信報》專欄作家

選人唔去選邊個人

《信報》方如玉帥:「方帥,聽講你下星期開始要停稿4星期,趁而家見到你,講啲嘢嚟聽吓?」

「草蜢仔,聽嘢?做嘢喇!Donald Trump做總統,一定世界大亂,你大把世界。唔好見股市報復式反彈就以為大家歡迎Trump,剛剛相反,做生意尤其是做廠嘅,所有計劃暫停,睇定啲先,因為Trump話要撕晒所有前朝簽嘅貿易協議,將來唔知係乜嘢世界。」

「唔係喎,方帥,英國脫歐之後,又話經濟好唔掂,但係英國股市升喎。Trump上場,股市又係升,係咪你過慮呀?」

「如果你識得睇銀紙都係資產類別,你應該知道,英鎊呢隻資產,跌到而家都未停。脫歐如果只係睇股市,你會以為世界冇變。Trump上場,股市升,但債市跌,10年期嘅yield彈上兩厘。股市係泡沫,但債市係超級泡沫,俾聯儲局呢個大莊買到天咁高。而家股市冇冧,但債市微冧。Trump做生意都唔係叻,逃稅就叻。世界金融經濟形勢咁兇險,佢識條鐵咩!佢又唔會甘於做個傀儡總統,唔通4年任期都唔會搞出個金融危機,4年都保持經濟繁榮?讀過書嘅都唔選Trump,只有被遺忘嘅一群先至投佢票。佢上場之後,2017年,一定有事發生。趁而家報復式反彈,逢高儲定淡倉。」

「Trump總有啲好嘢可以學習吓啩?話晒人哋咁醒可以選到總統。」

「有!你記住,選舉千祈唔好講咁多又長又譖嘅道理,重覆講幾句入腦嘅說話,口號又好,soundbite又好,空頭支票都好,最緊要人哋覺得清晰易明。Trump辯論嘅時候輸晒,講來講去三幅被,正經嘢一句都講唔到,仲衰過香港啲小學雞議員。但你咪理,佢建圍牆,趕走移民,殺IS,啱聽。希拉莉一心係真做總統,將真做嘅治國大事慢慢講,鬼得閒聽你。

你睇而家走去選選委嗰啲,當正自己係去選特首,有政綱,笑死人。記住,唔係真係畀你有得選特首,假㗎!邊個可以做特首,有最高領導指示,唔通真係畀你香港人選?你只可以令多啲人有得走去一齊選,希望參選人互相揭破謊言,唔好俾下屆特首咁容易呃到香港人。上屆唐唐本死踢爆「你呃人」,我哋先可以咁快就知道中伏,4年嚟靠自己頂完一次又一次咋。如果唔係,可能老早俾人氹咗,唔見咗身上最寶貴嘅嘢。」

「方帥,咁選選委嗰啲應該點去選?我係話真係要選嗰啲,定晒人數數晒飛嘅,無謂多講。」

(節錄)

所有評論

無限感恩港人 - 2016年11月12日 06:58

來自:降誕於60年代英治時空的港華族

...她為自己的這個發現而沾沾自喜,從此之後,她便經常逃票上車。 她還找到了一個寬慰自己的理由:自己還是窮學生嘛,能省一點是一點。

「不、不,女士。我不同意你這種解釋,你在懷疑我的智商。

一、你不尊重規則。你擅於發現規則中的漏洞並惡意使用。

二、你不值得信任。而我們公司的許多工作是必須依靠信任進行的,

無限感恩港人 - 2016年11月12日 06:59

一切都被約翰連儂看透,可惜中國人的骨子裡是沒有幽默感的 Rosina 08/11/2016主場博客

聰明是挽救不了缺道德的底線

全球瓦解共產組織系列2

她才是首位美國女總統?/費特10/11/2016     主場博客

美國共和黨與民主黨的價值分歧 曹長青 撮要

全球瓦解共產組織系列1

梁振英為下台鋪路了/ 徐少驊 31/10/2016 主場博客  Part I +II

世界經濟大崩潰(四)—美國經濟“社會主義化” 撮要  生於0715

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。