方卓如's 的頭像

《信報》專欄作家

下年現金大晒

《信報》方如玉帥:「方帥,咁耐唔見,最近有乜得着可以分享吓?」

「草蜢仔,唔好諗咁多,走去放假happy吓先。你今年賺咁多,唔好喺臨尾呢兩個禮拜做錯嘢輸番轉頭。2017年同2016年完全唔同世界,兩個月前仲話而家係低息嘅世界,走去收兩厘息已經開心到震。眨吓眼,由今日開始,世界踏上加息周期,你要預計息口會節節向上。兩個月前估嘅嘢,今日完全錯晒,反應慢啲都輸錢,問你怕未。」

「人哋話加息香港可以唔跟,唔使驚啩?」

「不過市場一早跟咗,只係喺新聞唔會俾你睇到。HIBOR供樓嘅已經加咗息,仲話冇跟?企業發嘅債券價錢骨牌冧檔,再發新債就要畀多幾厘息,冇跟?2017年你就會感受到加息嘅效力,投資環境完全唔同晒。如果你睇通銀紙都係資產類別,過去幾年銀紙一直冧市,愈嚟愈唔值錢,寧願要啲負回報嘅債券都唔要銀紙。今年年底開始逆轉,銀紙作為資產升值,揸現金好過亂買其他資產。當然,銀紙都有好多隻,正如股票債券房地產都參差不齊。2017年難玩,係你要揀啱邊樣資產落注,唔同以前,眯埋眼借錢買任何嘢都贏。」

「唔使咁複雜嘅方帥,而家揸現金持盈保泰啫, 講到咁高深。揸現金又唔係高息,叫人乜都唔好買,似乎你冇乜料到。」

(節錄)

所有評論

PBrega - 2016年12月16日 09:28

未必!主要睇癫佬的經濟政策。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。