方卓如's 的頭像

《信報》專欄作家

2017年運程預測

《信報》方如玉帥:2017年,係香港轉運嘅一年。先有特朗普坐正,再有特首換人,「雙特」先後在年頭年中埋位,香港條命會唔同晒。

只係講出轉運,而講唔出會轉什麼運、轉成點,轉出乜嘢後果,會讓人覺得你冇料到,廢話。本欄絕對唔會浪費大家閱讀時間,亦唔會浪費本人時間寫作廢話,預測未來少不免。2017年復稿,作全年預測在所不辭。

加息不會推跌樓價

樓價係唔會跌,就算你加幾多次息都唔會跌。按揭利率同樓價從來沒有直線關係,供樓兩厘息樓價升,但廿幾年前供樓十幾厘息,樓價一樣有得升。從來要樓價跌只有一個原因,就係香港經濟玩完,香港失業率攀升,香港人冇嘢做、供唔起樓,甚至要賣樓套現,咁就樓價跌。而家嘅樓市,同創業板嘅股票一樣。點解創業板股票可以上到幾百億市值仍屹立不倒,個個都話佢冧,佢都唔冧?只要揸貨嘅人冇諗住沽,再上一千億市值都仲可以。你以為終有一日要散貨,火箭上升始終抵受唔住地心吸力?但其實佢哋係哈勃望遠鏡,從來冇諗過返落地球,價錢又點會重歸起點?

樓價被辣招夾到市場冇貨,全部業主都唔想賣,樓價又點會下跌?2017年除非香港玩完,業主要賣樓套現,否則想賣樓嘅人仲少過創業板股票嘅沽家。橫睇掂睇,香港人可以玩完,但香港唔會玩完,因為大量有銀紙嘅大陸人想代替你香港人。全中國有邊個一線城市,冇霧霾、食物冇毒,唔可能輕易地在機場畀人帶走?香港唔只係中國境內嘅美元區,仲係中國境內唯一可以住人嘅安全城市,大陸人唔知幾想香港人走晒,佢哋落嚟嘆世界唔使咁逼。香港人假如移民或玩完,要沽售手上嘅優質樓盤,自然有人接。冇能力爭贏優質樓盤嘅香港人,走晒去接啲二級樓盤、大陸人唔識嘅地段。

(節錄)

所有評論

巨浪 - 2017年01月03日 05:26

文末 : "...2017年又係大時代,唔趁大時代博一博,將來你只可以選擇匿埋廁所食鮑魚。"

 

這正正是香江人的下場。請參看鄙人今天博文。

 

巨浪 - 2017年01月03日 05:45

文中 : "....,仲係中國境內唯一可以住人嘅安全城市,....."

 

香江可以住人!?劏房。

 

james bond - 2017年01月03日 17:48

依个過街老巨·鼠的策略就是週圍潦是斗非,令回應他的点擊率高,咁佢才有存在價值,否則佢老板必炒他。所以没有小他理他,他就會慢慢自動消失。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。