方卓如's 的頭像

《信報》專欄作家

今星期睇真啲

《信報》方如玉帥:曹星如打到21連勝,佢都可以話係少數可以團結香港嘅人,入場睇拳嘅大部分係斯文人,唔好話未打過拳,相信睇都未睇過,能夠有咁多人哋嘅偶像入場捧曹星如,當佢係偶像,唔單止係佢好打得,亦唔只係佢夠大器識講嘢,更加唔單止係佢靚仔(打拳嚟講佢梗係算靚仔,仲要成日俾人打花塊面),最重要佢係香港人。

但凡有香港人做得好,夠毅力,自然有人尊重,大把人撐。好難怪,呢幾年見到啲香港人普遍都係契弟居多,見到個細細粒打不死嘅男子漢,難怪今人瘋狂。

加息在即,好快就可以測試股市是否對加息免疫,恒指今年首兩個月內推到兩萬四,絕對有本錢在高位殺落嚟。業績公布期快將完結,無任何憧憬可以炒作,加息後仲可以再上嘅話,咁就真係大時代重臨。巴塞反勝嘅奇蹟係廿年一遇,大時代一年一次更加難過巴塞反勝。

A股自從去年冧完之後冇升過,港股係A貨嘅A股,中資企業佔咗一半比重,有乜可能走勢會跟美股而唔係A股?早前成日話什麼養老金、保險金入市,但睇大市成交又唔似有資金湧入股市。上到二萬四入市,你估乜金物金會否愚蠢地同你接貨?最多股票喺手嘅人,最近做嘅事情係不斷想用折頭散貨而唔係密集收貨。我傾向相信加息之後,股市令你恐懼多於貪婪。

樓市理應比股市更加息口敏感,唔多人買股票只係一心收息,但係買樓嘅人十居其九都要畀息。加一次甚至三次息,供樓人士一定比買股票嘅人更關心自己蝕咗幾多,如果加息又對樓市冇影響嘅話,代表供樓嘅人非常疊水,供多幾千蚊完全唔係問題。

不過,唔係話而家啲納米樓係用嚟吸乾剩餘購買力咩?剩餘購買力點會係疊水?

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。