最有良心的發展商

2017年04月23日 00:35 (財經)

1.3k

新盤近來以高價開售，反而華懋的九龍塘賢文禮士，首批平均折實呎價兩萬元左右，低過同區新盤三至四成，為近期罕有低開新盤，實地參觀，樓盤環境及用料都不錯，難怪華懋近年被投資者私下稱為最有良心的發展商！

去年9月3日華懋旗下將軍澳海翩匯出售了單日差不多500伙，有一個地產代理說﹕「連華懋樓都搶，個市真係好恐怖。」由於過去華懋樓的質素實在太差，所以當它成為銷售冠軍，也令人很驚訝，淡友則認為，最劣質的樓也熱賣，可見樓市快要到頂了。淡友又找錯借口了！

其實，自從龔如心死後，華懋已經轉型，有誰想搞一間劣評如潮的地產公司呢？任何一個人接手華懋，都想把品牌搞好，自己攞威啦！所以，如果還用以前的眼光去看華懋，這便落伍了。大家以後反而應該多買它的樓才是。

反觀，新紅雞果啲，食水好深，喺公廁放件A貨就當正蘇富比貨咁定價，溢價往往三成以上。係啲大媽同樓奴先會給地產代理洗腦當正新紅雞係香港房產LV!

正道 - 2017年04月23日 00:41

將軍澳海翩匯去年9月3日開賣平均價不到11000，今日同區藍塘傲最便宜的單位也要平均折實15800，大家以後應該多買華懋樓。

石亦云 - 2017年04月23日 07:20

正語錄 : “大家以後應該多買華懋樓”

---

石仔批曰:

正阿哥好人,教識時下啲後生仔女舊陣時嘅嘢.

(舊版告白懷古)

號外! 號外!

***本報記者好介紹***

今晚乜乜酒家劏大鱔,省炩招牌益食家!

補血補腎,抵食大件,真係誇啦啦!

唔食走鷄呀!

快去幫襯啦!

記得一定要揾乜乜記,千祈咪去錯第二家!

正道 - 2017年04月23日 08:40

自從小甜甜親人同律政司打輸官司，香港政府才是小甜甜遺産的真正受益人，華懋管理層祇是遺産受托人，是問管理層有何動機好似其它發展商赚到盡？反而樓盤平靚正，借此提升華懋聲譽，更符合管理層自身利益!

正道 - 2017年04月23日 08:48

當然，買樓除咗要貨比三家，也要講求時機及自身實力，如果你囊中羞澀，條「大鱔」再抵食，你还是幻想不到其美味!

石亦云 - 2017年04月23日 14:49

正語錄 : “如果你囊中羞澀,條「大鱔」再抵食,你还是幻想不到其美味!”

正阿哥只知石仔莫財,唔識鱔稿係乜.

睇嚟正阿哥年紀輕輕,舊日無乜睇新聞紙.

真係唔好意思.

正道 - 2017年04月23日 16:04

石伯，你是古希之年，還是耄耋之年？在信壇賣老你不是第一個，大有人在，所以「老」不值多少錢!

華懋賣樓要出動鱔稿，你唔係腦退化症嘛？

侈哆 - 2017年04月23日 17:38

[[[...舊版告白懷古...]]]

令人記起昔日「平霸」「人人(搬屋) 」電視廣告.