方卓如's 的頭像

《信報》專欄作家

用人工智能設計人工智能

《信報》方如玉帥:騰訊(00700)終於識跌,但係大市並冇跟住跌,仍然微升。股票市場恍如意大利海邊,可以自由踩單車冇人理,毋須着全身裝備,遇上意外傷亡率甚高。過去一個月,被狙擊而停牌嘅公司,不尋常地經常出現。呢類停牌股先係真正嘅老千股,佢哋扮良家婦女引投資者注意,安心瞓身。當你瞓醒,先發覺原來良家婦女經過整容,要停牌逐寸驗身。就算驗完你可以接佢返屋企,你副身家肯定唔見一大截。呢啲停牌股先至害死人,氹人買停牌股嘅就係千古罪人。

圍棋神人大戰又開始,人類先輸一局。但係呢場比賽,未賽已經知人類必輸,因為人類嘅世界第一會有壓力;而神,即係電腦,係無壓力、無情緒、無疲勞。三無之下,無得輸。輸埋呢場,人類正式宣布智力唔及電腦,而差距只會愈嚟愈遠。最恐怖嘅係,人工智能下一個任務,係開發人工智能,即係機械工智能。由人工智能設計下一代嘅人工智能,我有點亂,但表示人類用腦嘅獨家地位都可以被取代。

人工智能可以大大提升生活質素,但前提係你仲有本錢去生活。人類社會靠工作嚟分配資源,所以人類十大恐懼之首,係冇咗份工。人工智能同機械人愈嚟愈勁,先係製造業唔再需要大量員工,連鴻海都可以搬去美國,用真正機械人,而唔係由人類機械式工作。下一步係連用腦嘅專業工作,都由人工智能代替。10年之內,再無人有工作安全感,每個人都可以被裁。

嚴格嚟講,專業工作唔係純粹賣腦,係賣時間。醫生診症固然之係要動用佢嘅專業知識,但更重要係你買緊佢嘅時間,佢幫你診症嘅同時,唔可以幫其他人診症。律師一樣,佢做嘅文件工作,同一份做了幾十次幾百次,唔使諗,只係花時間為你修改及填充,又係買佢時間。

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。