方卓如's 的頭像

《信報》專欄作家

中國人最有智慧

 
《信報》方如玉帥:萬達願意提供接近一半嘅短期融資,畀融創(01918)收購自己嘅資產,代表賣家非常想賣。萬達由房地產公司變成輕資產公司,減產行動總共出售八成土地。中港網上已經有大量評論關於萬達減產,究竟中國首富有乜諗法?

中國首富將資產移向海外,唔止海外地產,名畫都有兩幅、一隊西甲球隊、院線、電影公司。中國首富買嘅唔係全部硬資產,大部分係要經營嘅生意,經營不善係會血本無歸。名畫更加唔使講,可以有價冇市。

中國首富唔係為咗保護身家而向外投資,係為咗擴張版圖先東征西討。做生意嘅人,邊度搵到錢,就邊度投放資源。睇唔通,就放手給別人。萬達嘅債務水平比融創低近一半,減產後債務並沒有大幅下降。融創夠膽買入比自身市值更高的資產組合,冇理由中國首富冇膽繼續持有。

富不與官鬥

有人將早前萬達海外收購受查,同今次減產一同聯想。窮人係唔會知道有錢人資產太多要如何處置嘅煩惱。你諗緊買樓定唔買樓之際,人哋係諗緊資產應該放喺全世界什麼位置。最有錢嘅有錢人,資產有時都未必係自己可以話晒事,如何處置都有國家力量左右,以免你影響國家經濟。所以你最幸福,你副身家政府睇唔到,讓你自由慢慢嘆。

(節錄)
 

所有評論

w

wyap8993 - 2017年07月12日 07:34

中國人最有智慧--走資!

黎自立 - 2017年07月12日 08:01

想起來我必然是思覺失調病患者;我聽到大陸樓價很高,什麼恆大升到阿媽都認唔出。另一方面,有上海姑爺之花名的香港佬272瑞安,在上海玩了幾十年地產,股東仍然雞毛鴨血,我們的超人在大陸玩地產玩到 “別讓李嘉誠跑了” 。

我的思覺失調應該病入膏盲了。

有哪位高明的網友解我茅塞?

w

wyap8993 - 2017年07月12日 08:48

“別讓李嘉誠跑了” 。

"有上海姑爺之花名的香港佬272瑞安,在上海玩了幾十
年地產,股東仍然雞毛鴨血。"
玩唔贏共產党!

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。