方卓如's 的頭像

《信報》專欄作家

最難答嘅時事問題

《信報》方如玉帥:DSE放榜,記者喜歡問佢哋時事尖銳問題,目的梗係刁難佢哋,等佢哋顯出高分低能,或者膽小冇骨氣。其實好多時事問題,連大人都唔識答,何苦為難小朋友?

例如聯儲局縮表,响中環行走想响朵嘅基金經理,在傳媒大嗌恍如世界末日,縮表究竟有幾恐怖?縮表即係早前買入的債券,到期後唔再續期,即係唔再到期還款再認購新發行債券。未來5年聯儲局手上到期的債券總數1萬億美元,等於一日10億,濕濕碎。還有,2014年中打後,聯儲局手上嘅資產冇再大幅增加過,維持4萬幾億;但係2014年到而家,貨幣供應M2仍然保持穩定上升,未停過。

就算係香港,2008至2016年,M2由6萬幾億升到12萬億,足足一倍;但係由2000到2008年,M2由3萬幾億升到6萬幾億,都有一倍。即係無論有冇QE,經濟好定唔好,銀紙都係有增無減。印銀紙係全世界推動經濟嘅唯一方法,唔會有國家主動減少貨幣供應。縮表與否同市場貨幣供應,並冇一個縮表幾多銀紙減少幾多嘅必然關係。不過,唔需要多加解釋,聯儲局而家轉軚,唔會做一啲推冧市場嘅動作,大家又要搶樓搶股票。

又例如樓市辣招,政府話先買後賣申請退回辣稅唔應該延長半年期限。究竟如果而家撤辣,樓價會升定跌?如果冇3年限期,冇外地人重稅,冇一人一樓限制,樓價係咪飛升?答呢條問題,招數唔係重點,時間先係重點,好比問騰訊(00700)280蚊應唔應該買?如果一口氣由180蚊升到280蚊,忍唔住想沽嘅人一定較多,想買梗係可以等等;但係如果係早前跌落260蚊之後反彈到280蚊,即係要沽嘅人走晒,想買嘅人搶貨回到原價,咁你就唔怕買。

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。