方卓如's 的頭像

《信報》專欄作家

狂人唔係金正恩而係特朗普

《信報》方如玉帥:美國同北韓會否開戰?《經濟學人》洞悉先機,一早已經分析此戰必須避免,佢哋都見到唔對路。北韓指特朗普為人唔理智,不能夠坐埋枱談判。由美國總統代替了北韓領導人不理智同不能談判嘅位置,都算諷刺。《經濟學人》話北韓核武問題,只可以冰封,維持原狀,有待他朝由理性嘅領導人上場先可以解決,證明而家嘅局面係僵局,邊個沉唔住氣,撕破了面,就會開拖。

最驚係兩邊開拖就一定係核戰,因為美國唔會派兵去北韓,北韓亦唔會用戰機去打美國,必定係互射飛彈。北韓受唔住飛彈攻擊,惟有出核彈同全世界同歸於盡,至少係攬住南韓一齊入火海。世界共識係,如果兩邊真打就非常大鑊。北韓唔會主動攻擊,因為知道佢哋係唔可能夷平美國,先出手必定招致滅國,《經濟學人》都睇穿金正恩想劃地為王嘆世界,唔會令自己冇命。反而特朗普說出要北韓嘗試fire and fury,世界將會前所未見,怕佢講得太盡令自己冇得返轉頭,真係撳掣射核彈,北韓一片火海係燒唔到佢一條頭髮,而家世界害怕嘅狂人唔係金正恩而係特朗普。

(節錄)
 

所有評論

w

wyap8993 - 2017年08月11日 09:00

"狂人唔係金正恩而係特朗普"。
可以再說多一萬次而無誤!
自從韓戰、越戰以來,佢老味在小小的地球
上發動過多少埸戰爭了?!

靜靜一天 - 2017年08月11日 11:36

要智取,派出兩頭蛇俄仔游過鴨綠江再爬過長白山從北面潛入朝鮮偷襲肥金。

周天逸 - 2017年08月11日 15:09

一個是瘋狂, 一個是癲狂, 不相伯仲吧! 

周天逸 - 2017年08月11日 15:12

兩狂互毆本是死不足惜, 最好是不要禍及無辜。

PBrega - 2017年08月11日 17:49

Tango一定要两個!
拍掌一定要两只手!

Daniel - 2017年08月11日 19:58

 
兩狂互毆本是死不足惜,直至现在, 兩者只得把声!
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。