方卓如's 的頭像

《信報》專欄作家

摩天輪之後先係大新聞

《信報》方如玉帥:恒生指數最多跌291點,其後低位回升,收報27740點,跌212點,同我昨日講嘅跌二三百點一樣。美國話要加強制裁北韓,包括同北韓做生意嘅國家在內。查實同北韓最多生意貿易來往嘅就係中國,唔通美國可以制裁埋中國?北韓嘅石油靠中國輸入,除非中國停止供油,北韓就即刻跪低,但同時等同宣戰。所以制裁北韓都只係搞到北韓市民,係動搖唔到政權。玩沙蟹大家鬥大,始終要開牌見人,終有一個要跪低認輸。美國同北韓只有一個會贏,北韓贏就維持現狀衝破制裁,美國贏就係金正恩下台停止核試。牌面似美國會贏,只係美國要贏嘅代價太大。

不過,都係嗰句,狼來了隻狼始終會來,只係想狼來嘅時候唔好大開殺戒。

林五十早前講土地供應,唔覺意洩漏了國家機密。佢話土地供應唔大幅增加的話,香港年輕人窮一世之力都上唔到樓,香港唔會係一個宜居地方,佢哋一定生活得唔開心,係時候要諗其他地方養妻活兒。

香港人返祖國已冇競爭力

但係佢講印度、越南,反而冇講祖國。照計任何叫年輕人離開香港嘅老年人,都係一開口就叫佢哋返大陸,住大灣區,或者而家新增嘅「一帶一路」國家。林五十真心勸戒年輕人,冇將祖國放在還有上流力國家之列,證明佢都知道,香港人回到祖國係冇競爭力,更加難以養妻活兒。

其實林五十作為靠分析成名嘅上一代,佢講嘅句句真話,只係真話通常都唔啱聽。香港土地供應唔夠,樓價持續飆升,拉高香港生活成本,有樓冇樓在手嘅人都受害。

(節錄)

所有評論

PBrega - 2017年09月05日 09:09

中國停止供油,北韓即刻跪低?
若果唔跪低,中國自己跪低?
流氓國家的反應,你能十拿九稳?

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。