方卓如's 的頭像

《信報》專欄作家

成名愈嚟愈早

《信報》方如玉帥:《全美一叮》最新一季去到準決賽,今年多人留意因為有名9歲香港小妹妹參賽,下星期在準決賽下集亮相。睇呢個節目,其實係上了社會學重要一課,睇到好多社會現象。

首先,而家嘅年輕人比上一代叻得多,其實唔可以話係年輕人,嚴格嚟講係小朋友。準決賽嘅參賽者,9歲嘅都有兩個,另外兩個係12歲同13歲,佢哋做到好多大人都達唔到嘅水平。以前話經驗好緊要,其實可能只係一年經驗已經足夠,大人只不過係將一年經驗重複20次,未必係與時並進。所以年輕人唔好妄自菲薄,唔使見到中年人就以為自己必定係技遜一籌,不過相信而家啲年輕人都唔會有呢種思想包袱。

小朋友咁勁,香港嘅係靠父母催谷,外國係靠一股興趣蠻勁。香港嘅9歲代表,父母出名在於係歌唱訓練員,訓練出歌唱機械人。美國嘅9歲代表,父母亮點只係母親捐了個腎俾個女,係咁多;13歲嘅代表,住响亞利桑那州一個連士多都冇嘅小鎮,父親癌症末期;12歲嘅頂頭大熱Darci仲勁,因為天生內向,在教堂見到有人玩腹語,就希望學習,借助木偶表達自己,10歲時父母送了她第一個木偶,只學兩年,上到台技驚四座。歌唱機械人擘大口唱出冇感情嘅歌,Darci合埋口唱歌聽到全場起立鼓掌。12歲嘅佢比9歲嘅香港代表更有童真,參賽原因係想推廣腹語,多啲人認識。係真係假都好,你見到嘅係一個漂亮人類表演,而唔係一個披住人皮嘅歌唱機械人。

(節錄)

所有評論

橫眉 - 2017年09月08日 15:28

方少, 其實鬼佬好多都係谷出嚟。君不見D醫生,老豆係John就同個仔John Junior 一齊執業。尤其D律師、會計師一樣係咁。最絕莫過於父子一齊做總統。所以話香港就靠谷,外國就靠興趣。好似偏見左D。

Celine 個 case,你話佢自己冇興趣就假,小妮子自己行行吓都唱歌啦。佢老豆為人嘛嘛啫。佢同馮寶寶個case 唔同,個D困住係片場冇得讀書,呢個讀國際學校架。其實Celine 行都咁遠,係香港人就應該自豪。如果九歲似番九歲就唔係got talent 啦。

話香港靠父幹,外國一樣,不過我都係鐘意Darci 多D。

 

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。