方卓如's 的頭像

《信報》專欄作家

互聯網治國妙極

《信報》方如玉帥:互聯網無遠弗屆,邊個最受惠?你估都估唔到,其實係統治者最開心,原來互聯網有助統治,方便監控,更可以鞏固政權。其他唔使多講,而家用網誌施政,比以前要見記者方便得多。

什麼是自媒體?自己就係傳媒,講乜都得。位高權重嘅自媒體講完,傳統媒體都要轉載。你睇特朗普,運用Twitter出神入化,一邊在自媒體鬧傳統媒體,傳統媒體一邊轉載佢鬧自己。用你隻手摑你幾巴,爽歪歪。

香港一樣,官員用網誌推銷政策,舒服。連唔做官嘅都照學,白頭任冇做香港第一能吏咁耐,重出江湖做一個行會非官守議員,都寫網誌,幾乎做埋影子金管局總裁。其他行會非官守成員冇咁勤力,最多接受傳媒訪問,但威力當然大減,傳媒寫多寫少控制唔到。寫網誌,再經由傳媒引述,拳拳到肉,一流。政府高層唔搵金管局總裁去推銷新意念,反而由前總裁出馬,得嘅就照行,唔得嘅就當冇講過,仲唔係互聯網治國妙極?

傳媒報道上市改革可能原地踏步,證監唔做前線上市審批,繼續由港交所(00388)負責。其實使鬼諮詢通過,而家同完成改革有乜分別?據傳媒報道,證監唔係已經叫停咗一啲佢唔喜歡的上市申請?批准咗嘅上市申請,上市日證監唔係已經試過要人停牌?停咗牌嘅,證監唔係已經要公司董事下台,否則唔使傾復牌?連證監主席都話而家監管要主動啲,例如券商點借孖展都要管,行得好前嘅監管,好難再前多步。

(節錄)
 
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。