方卓如's 的頭像

《信報》專欄作家

股市未冧樓市唔會冧

《信報》方如玉帥:恒生指數周二收報28173點,怒升618點,成交1031億元。股市未冧,樓價係唔會冧。縮表同加息未推冧樓價之前,應該先推冧股市,因為股市比樓市更加敏感同liquid。如果你見唔到股市會冧,你亦唔應該預期樓市會冧。過去10年最大嘅一課,就係課室書本教嘅理論,在現實世界完全唔係同一回事。認為縮表加息會令樓價下跌嘅專家,首先解釋唔到點解美國加息嘅同時美股可以屢創新高。經濟學係有關人類行為嘅社會科學,以前嘅理論唔足以解釋今天嘅行為,因為世界變化係前人預計唔到。所以,天水圍嘅師奶叫專家去吃廢物係好有道理,因為專家坐响冷氣房係唔知民間疾苦。而家咁多炒家變專家,講咁多預測,其實佢哋唔一定醒過你。

下星期《施政報告》,究竟林鄭政府如何推展首置買樓?林鄭做過社會福利署,又做過發展局,佢係知道貧苦大眾面對嘅住屋問題。但係知道問題同有辦法解決問題係兩回事,如何令年輕人可以首置而唔會淪為社會福利?如何幫助年輕人上車而唔會令佢哋喪失向上爬嘅動力?點可以令到首置唔會變成高級公屋?我都想知道有什麼妙計。房屋問題,特區政府從來未試過有成功對策,莫說完全問題解決。林鄭一上場就用高難度動作作為施政頭炮,果然係官到無求膽自大。

《全美一叮》剛剛結束,由超級大熱12歲腹語美少女Darci Lynne勝出。佢成季嘅比賽只係唱咗4首歌,但係呢4首歌聽完又聽,聽極都唔厭。Darci嘅成功話你知二十一世紀教仔方法。Darci在教堂首次見到腹語,就向父母表示想學。10歲時父母送隻木偶作為驚喜,自己玩咗兩年,Darci就技驚四座贏冠軍。除咗分40年攞100萬美元獎金之外,最重要係可以响Vegas有自己嘅Show。究竟12歲是否就要以Vegas做Show作為終生事業?可能佢同佢父母都唔肯定,但可以肯定嘅係,Darci可以用自己興趣作為終生事業,是為人類最大嘅奢侈品其中之一。

(節錄)
 

所有評論

PBrega - 2017年10月05日 09:06

哈哈哈哈哈哈!
家徒四壁?窮得只剩下樓?
抵死了!

PBrega - 2017年10月05日 09:08

股市好易冧,一加息即垮。

PBrega - 2017年10月05日 09:32

另外,美國缩表擴債,利息必然抽升,如果缩得太快,升得太急,股市都受影響。
樓市?啞巴吃黄蓮了。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。