方卓如's 的頭像

《信報》專欄作家

無現金城市害了一般市民

《信報》方如玉帥:恒生指數是否向三萬點進發?如果你相信騰訊(00700)賺錢能力仲係升到唔識停,咁冇理由會覺得現水平係大市見頂。

指數係汰弱留強,邊隻股票跟唔上大隊,指數公司就「換馬」,換上有增長動力嘅,咁大市點會唔係長遠上升?大時代之後,恒指剔除了利豐(00494)同康師傅(00322),加入了瑞聲科技(02018)同吉利汽車(00175),兩隻都係增長股。指數經常換血,仲用新指數同舊指數比較,冇乜意思。恒指就算超越了大時代水平,其實都冇乜特別意義,單憑數字你都唔可以話係高定低,平定貴。

無現金城市究竟係先進定落後?大陸人對於全面支付手機化非常自豪,覺得係世界之先,一部手機走天涯,斗零都唔使帶喺身。

另一方面,你响大陸無一部有支付功能嘅電話,開始生存唔到,例如遊客。沒有滴滴打車,你一部的士都截唔到,惟有在飯店叫櫃枱幫你滴滴打車,然後你畀番現金佢。你叫導遊買了張入場券,你要打電話叫大陸朋友用微信支付幫你過數,返香港再同佢計數。一個封閉生態嘅無現金城市,叫外來人生存唔到,分唔清係先進定落後。

手機變成了流動銀行,你隨時可以使錢過數,究竟係幫你定害你?新鮮出爐嘅諾貝爾經濟學獎得主Richard Thaler,佢最出名嘅唔只係不理性經濟行為,仲有mental accounting(心靈賬簿)。每個人腦入面有幾本唔同賬簿,使錢嘅時候會用唔同賬簿記數,拼埋一齊比較,你會發覺人類使錢習性唔係睇絕對銀碼。4000蚊嘅吸塵機平1000蚊,大把人願意通宵排隊,但係4000萬嘅樓平1000蚊,唔會有人覺得着數。1000蚊嘅酒升值到一萬蚊你都會開嚟飲,但你唔會用一萬銀買同一支酒嚟飲,雖然兩支酒都係值一萬。更明顯嘅係,用現金付款你會用錢好小心,但係網上購物,手機或者碌卡付款,你會鬆手好多。

(節錄)
 

所有評論

JKwok9 - 2017年10月10日 11:34

[無現金城市究竟係先進定落後?]
我自己亦不喜歡手機支付。因為覺得不安全。
本來互聯網就是不安全。但全人類都好像不介意。都要趕潮流。
無現金城巿是先進或落後都唔重要,
重要的是近廿年大陸在軟硬件都急速改善,
步伐一直未停過。

三十年為一個世代.  新一代人可以完全脱胎换骨。
港人如果因為反共而把對大陸人的認識停在上世紀,只會成為自悲的駝鳥。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。