方卓如's 的頭像

《信報》專欄作家

林鄭唔見得比梁特有計

《信報》方如玉帥:果然是反高潮,首置上車盤吹到咁行,點知林鄭只係有1000個單位做先導計劃,細節完全欠奉。

要知道首置最重要關節在於點處理補貼問題,轉讓有什麼限制,如何避免成為免費午餐,又唔會令首置變成夾屋,跌市時令業主焗輸。冇自由市場嘅置業安排,需要超級智慧同強大政治能力,仲要市況配合,先做到成績而唔會爛尾收場。一啲細節都冇,證明林鄭都未諗掂點搞,同地產商都未傾掂數。

又或者,首置的確有如市場預期,未益中產先利地產商,所以唔想主動由佢一手一腳提出,最好先由土地供應專責小組,大辯論之後得出加快農地補地價會係增加土地供應嘅社會共識,有呢個擋箭牌先至搞公私營合作,咁就唔可以話佢官商勾結。明年中先有細節,明年底先用農地補地價,有足夠時間畀專責小組做嘢。首置是否就此完結,未可以咁早定案。

綠置居、白居二恒常化係今次《施政報告》比較實在嘅方向,但呢兩樣置業方法都係梁特提出,即是代表林鄭都冇梁特咁好計,再諗唔到新橋去解決房屋問題,只可以繼續追隨上屆政府嘅方法。但係綠置居同白居二如果係可以解決房屋問題,咁梁特一早就可以完成任務,唔使林鄭出嚟沿用舊橋。

綠置居其實係叫公屋富戶買入公屋長期居住,正路應該係叫有能力嘅公屋居民出去居屋甚至私樓市場,等公屋資源可以留畀有需要嘅人。綠置居係讓部分公屋居民可以永久住公屋,排隊上公屋嘅人照係排長龍,沒有改善草根階層住屋問題。

白居二證明會推高居屋售價,引發樓價連鎖反應。38萬間居屋就算可以一次過推晒出嚟白居二,市場都唔會突然多咗38萬間二手樓供應,賣咗居屋嘅業主都要搵屋住,賣咗居屋嘅走去買私樓,居住條件隨時差過居屋。

(節錄)

所有評論

PBrega - 2017年10月12日 07:10

傀儡正苦,有計都不能施了。

c

chancameron6796155 - 2017年10月12日 14:25

鄙視涼鷹!
更鄙視鹵鵞!!

PBrega - 2017年10月12日 16:20

很簡單的事實,香港每天人口增加150個,每十年就增加50萬,一個將軍澳的人口。所以香港每十年,需要新建一個將軍澳。但是,97回歸後到現在,共20年,香港有無多建兩個將軍澳?肯定沒有。所以房屋問題肯定很糟,加上支那污水外流,香港房屋金融化。加上官商鄉政黑和獨裁極權的腐敗,營商環境倒退,評級下降,任何不是問題的問題,都變成死結。
為甚麼星加坡能夠解決房屋問題,而香港不能。
答案很簡單,中共根本不讓香港去解決問題,何來問題的解決?

PBrega - 2017年10月12日 16:29

香港房屋問題,如果要立竿見影式的政策,就是要將居住用房屋和金融化房屋,明顯分開處理。
如果繼續混而一潭,只有全民炒樓,仆街早透。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。