方卓如's 的頭像

《信報》專欄作家

歷史會記得2017年

《信報》方如玉帥:2017年本來驚係災難嘅一年,逢七必災,股市實冧,大家都嚴陣以待,留住銀紙做子彈,一心執平貨。點知2017年將近完結時,先知道不單唔係災難嘅一年,原來係大旺嘅一年,買乜都升,連頹廢咗好耐嘅油價都升,唔少人大叫錯過了大好時辰,沒有乘勢大賺一筆。

2017年仲係叫人有希望嘅一年,因為過去十年都冇乜生意好做,泛濫嘅銀紙都只係用嚟炒賣資產,冇人夠膽或者有興趣真正做生意。

科技生意有得做

今年開始,大家又見到科技生意有得做,短短兩三年就有本事超越冇用科技嘅同行。當同行用塑膠啤隻滑鼠出嚟,你做一隻打機專用嘅滑鼠,咁你就可以跳上一層,成為電競行業嘅先行者。有腦嘅,應該識得把傳統網吧,裝修靚啲,變成電競訓練共享基地,做多一百幾十間,橫跨幾個國家或地區,咁你就夠本錢出去籌個C輪融資,準備朝電競股上市。未來嘅主題,不外乎電競、共享、人工智能、FinTech、同Blockchain。你要發達,自己揀一瓣。

頭兩樣,科技含量較低,唔係太識科技嘅,搞電競同共享仲可以有空間攝位,網吧升級做電競訓練共享基地,應該唔使科學學位都搞得到。反而其他真係真材實料,呃唔到人。講到人工智能,你連點解電腦識諗嘢都諗唔通;FinTech如何接合payment gateway,如何防止賊人入侵,完全唔可以出錯;至於Blockchain,大概你連個原理都唔明,點解可以全世界都有份數簿,一改就全部改晒,令你想去暗中修改都做唔到,除非你嘅運算能力比全世界總和還要厲害。2017年無錯係令你覺得原來有生意好做,但最後你都會發現未必夠級數去做。

(節錄)
 

所有評論

PBrega - 2017年11月07日 20:50

這個才是災難的凶兆,1929年前,有誰不相信股票的魔力?

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。