方卓如's 的頭像

《信報》專欄作家

微利收手 返去早唞

《信報》方如玉帥:嗱,冇呃你,閱文(00772)收市都仲係紅底股。報紙都只係話挑戰紅底;電視分析員話暗盤價太興奮,唔可以當真,真正開市未必咁瘋狂;又有分析員話100蚊係阻力位,挨近100蚊要沽。我好簡單,話明叫你瞇埋眼買,一定過100蚊,講完。

其實,你只要睇頭半小時成交,嚇死人,我上一次親眼目睹同樣快速成交的震撼場面,就係差唔多20年前,政府入市打大鱷,响市場不問價錢掃貨,出現成交狂跳嘅奇景。昨日閱文最高價110蚊其實算少,仲有力再上,但係110蚊有成200幾萬股「行」住,表示市場有力量要股價收斂,可能是怕升得太多引嚟證監要求停牌,證明閱文團隊有留意證監過去毫無邏輯嘅人治手法,所以一日限升一倍,實行自制A股式升勢封頂,仲話唔係港股A股化?

港股A股化,即係閱文仲有得升。A股升到封頂停牌,第二日再升再停。閱文俾人捏住條頸截住度氣,第二日鬆綁,仲唔報復式再上?唔好忘記,你成世人冇機會55蚊買番閱文轉頭,但穩定市場操作員仲可以攞啲55蚊平貨,氣勢咁勁,易鑫(02858)跟尾,「港股通」還未開始,閱文升一日就玩完?香港人你實在太香港了,仲未知A股化是什麼一回事。電視分析員又叫你有糊唔食罪大惡極,我就話微利收手,返去早唞。

你仲唔明?而家嘅世界係唔同思考方法,我諗咗成年,最近先至明白。我哋年紀太大,唔明白點解而家喺個電話面前直播,一個月就收幾萬;網紅推銷自己買衫心得,一個月生意額多過香港上市公司全年;賣一件十幾萬名牌精品賺10萬,倒不如賣1億件10蚊嘅垃圾賺9億。

(節錄)
 

所有評論

投資初學者 - 2017年11月09日 09:34

唔好累死人啦, 叫人用理性去理解唔理性...你咁同叫人去買比特幣接火棒有乜分別?

JKwok9 - 2017年11月09日 10:07

又係short左。
貪字令人迷失本性。
人家大陸人,過去數十年,經歷無數過山車大上大落,
如今還留在A股巿場的係乜人,
自己諗諗!

拿,自甘大陸化,有事就唔好赖共產黨了!

靜靜一天 - 2017年11月09日 15:21

理性乜嘢,人家話同買六合彩中四奨一樣,你中不中?有無運?

靜靜一天 - 2017年11月09日 15:27

我諗方卓如真是有點老,被時代淘汰了?希望你可以走返入時代洪流。

 

而家很多商業都是在網進行,生活就是網路游走,咫尺天涯。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。