方卓如's 的頭像

《信報》專欄作家

徬徨之刃

《信報》方如玉帥:又有兩隻股票一日內被停牌,兩日內共3隻,朋友謔稱這是抄家滅族,醫療系統崩潰。停咗牌嘅股票好難復牌,基本上投資者係被判死刑,唔使旨意可以攞番錢。通常停牌前證監都會發信畀公司,要佢回答,回答唔到就停牌。但聽聞而家答問題只有24小時,星期四俾信你,星期五要答,答案唔滿意,星期一就停。如果屬實,基本上唔會有公司可以24小時內完美回答一封千錘百煉、用不計其數人力時間寫成嘅問題信,淨係去搵律師幫手睇答案點止用你一日?簡單講,收到信嘅公司等於推緊上刑場,等死。為咗股民着想,交易所應該要求收到信嘅公司出公告,話畀全世界知自己只有24小時命,要掟貨嘅股民好快啲打電話走鬼。咁嘅情況,跌九成都要沽,否則連嗰一成都收唔番。

2017年大牛市,但係殼股就係死市,全部等死。證監而家做緊嘅係一步步鍊死殼股,因為佢哋係眼中嘅邪惡源頭。停牌係一刀封喉,即時死亡;禁止賣殼係阻止你續命求醫,唔畀你由殼股翻生變回活潑,要推你向死亡邊緣進發;供股設定攤薄比率25%,唔可以防止向下炒,反而令唔畀錢供股嘅股東幾乎可以同等享受畀錢供股嘅股東投入資源嘅回報,係攤薄咗供股股東嘅新資金回報率,令殼股失去價值,殼主失去熱誠,讓佢自然死亡。三管齊下,殼股除非由本業浴火重生,否則只有死路一條。

(節錄)
 

所有評論

黎自立 - 2017年11月28日 09:02

交易所應該把關,確保資料屬真實,而且要追究保薦人責任。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。