畢老林's 的頭像

以洞察的眼光,發掘市場背後有血有肉、有啟發的人和事

新年大計 做個儍仔

《信報》投資者日記:1月4日,周四。道指剛升破二萬時,有個show代表好多錯過牛市的人問畢非德,現在入市是否太遲?股神答自己唔知,相信其他人亦沒有答案,但投資股市乃長遠贏面高的遊戲,因無法知道何時入市最好所以放棄,那就大錯特錯。

畢翁接着重複其千年advice,分段買,分散投放一批優質股,把入市時間誤差與買錯股的風險降低,最重要當然是持之以恒(按股神time frame,「恒」嘅意思係至少十年八載,甚至一生)。

一年過去,道指二萬五都嚟緊頭,唔聽話的投資者如果現在遇到畢非德,恐怕又要問相同問題,股神又會給出一樣的答案。

長遠贏面高

想具體感受一下何謂「投資股市乃長遠贏面高的遊戲」,建議你做一個簡單練習,用手抄一抄近40年道指年終收市。你會發現,指數大部分時間都好似個電錶,數字一直往上跳,有時候快,有時候慢,開倒車的時候有,惟發生次數有限。

以一年為期,未計股息,四個10年中,道指按年下跌比率約三成半,如果將時限拉長到10年(1967年底至1977年底,1968年底至1978年底,如此類推),期內就只有五次要輸錢,而且虧損百分比最多不超過2%。如果肯睇20年,百分百賺錢,所以股神話你永遠無法預知明天股市如何,but you do know what it's going to do over 10 or 20 years.(換作港股,做相同統計,結果差不多。)

(節錄)
 

所有評論

k

kinneyking2964 - 2018年01月05日 06:58

今日優質股,可能明日變劣質股

海嘯前邊位有咭士話citibank 與AIG唔係優質股?

如果真係唔好彩係歷史高位買入citibank 與AIG, 到今時今日離高位還有十萬八千里。當然,唔排除佢地某年某月某日會破歷史高位嘅

遠嘅唔講,講近嘅,例如General eletric , 是不是入貨良機?定係一沉不起?將來嘅事 無人知。

就算買入現在如日方中的F.A.N.G股 ,誰敢保證佢地永不沉没呢?正所謂十年河東 十年河西 

我覺得買入而又保證無事,又無需看財務報表,又無需預測未來產業趨勢,只有一個方法,就係買入指數股,例如DJA

 

k

kinneyking2964 - 2018年01月05日 07:01

我打錯,唔係DJA,係DIA

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。