方卓如's 的頭像

《信報》專欄作家

未到埋單計數未知勝負

《信報》方如玉帥:希瑪(03309)超購千幾倍,但係孖展比上次閱文(00772)易借好多。上次閱文可以有一倍升幅,希瑪唔會有同樣水位。根據以往呢類名人效應特別企業嘅前科,超購是前菜,上市日有錢賺是常識,但之後無以為繼股價下跌是結局。醫藥股可以有爆發力,但醫療股可以點爆發?除非醫生手術途中,可以轉去第二間房同時做兩邊手術,又或者病人瞓响輸送帶,好似汽車零件裝配一樣,由醫生機械化地分開做每個工序。靠手作仔賺錢嘅生意,就算雙馬任何一個入股,目前都冇可能用科技戲劇性地提升賺錢能力。

精英唔肯入政府

不過,炒股票唔係齋睇盈利,所以我都入咗張接近頭槌飛,原因係林醫生以前都幫我做過手術,支持捧場是應該的。林醫生以前曾幾何時在中大係眼科第二把手,邊個係第一把手?就係今朝在紐約提堂嘅何醫生。一個將會係上市公司主席,一個在美國祈求保釋候審,人生未到埋單計數,都未知誰勝誰負。

新任律政司司長僭建事件,傳媒唔似會鬆章放過佢。律政司加上佢老公係工程師,如何開脫說服市民佢哋不知情?點解上任前唔處理?可能精英心態同樣存在支持人大常委一言九鼎的一方,唔覺得擔任政府高位要如履薄冰,要比紙更白。林鄭係唔會畀輿論拉司長落馬,因為難得有個心水人選可以過到中央一關,轉頭被轟下馬,未來4年還點能夠同阿爺伸手攞嘢?呢鋪最頭痕嘅唔係司長,反而係佢老細。

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。