新加坡早前有兩個會議，一個係財富管理，另一個係blockchain。新加坡嘅財富管理接收晒內地人嘅資金，以前嚟香港嘅錢，而家走咗去新加坡，原因係香港在他們眼中已經唔安全。

香港同內地無縫融合，內地人唔再覺得放在香港嘅資產係境外資產，隨時可以被內地起底。唔單止資產，個人身處在香港，亦唔似係身處境外，隨時可以在公園被請走。新加坡正好接收晒呢批人同資金。香港什麼都同新加坡鬥，內地人嘅財富管理，隨時唔夠鬥。