方卓如's 的頭像

《信報》專欄作家

第二波去除中間人

《信報》方如玉帥:委內瑞拉出了隻官方加密貨幣,叫石油幣,每一粒幣等於一桶石油,價值約60美元。有資產支持嘅加密貨幣,仲要係官方發行,全世界只此一隻。但係委內瑞拉出品,冇人有信心。政府一時話係Ethereum blockchain嘅ERC20代幣,一時又話係NEM嘅代幣,即係早前日本coincheck話畀人偷咗5億美金的那種加密貨幣。發行1億石油幣,等於賣咗1億桶油,是60億美金。美國對委內瑞拉實施石油禁運,搞到這個盛產選美皇后的國家民不聊生,預計通脹以千倍計,銀紙急速貶值。有石油支撐嘅加密貨幣是否可以幫委內瑞拉打破制裁,重新建立一套令人有信心嘅貨幣體系?

石油支持下 虛幣仲保值

加密貨幣係泡沫,但係背後技術Blockchain係結實。唔係我講,係英倫銀行行長Mark Carney講。佢話Bitcoin唔符合傳統貨幣定義,唔可以保存價值,又唔可以作為交易工具。但事實上,傳統貨幣都唔一定可以保存價值,你睇委內瑞拉貨幣玻利瓦爾!反而石油幣因為有石油支持,可能比起委內瑞拉銀紙更能保存價值。至於交易工具,委內瑞拉銀紙每秒都在貶值,已經冇人肯收,反而石油幣仲可能成為交易工具,因為佢等於美元。所以,英倫銀行行長嘅批評,要睇吓放在什麼時空,有機會加密貨幣比起法定貨幣更接近佢心目中嘅貨幣定義。

委內瑞拉示範了Blockchain同加密貨幣嘅未來應用,內地叫做場景,英文叫做use case。委內瑞拉用加密貨幣突破封鎖,賣唔到石油就賣貨幣。而一隻有錨嘅加密貨幣,就會接近Mark Carney認為可以使用嘅貨幣形態。委內瑞拉示範了如何將資產代幣化,未來一定有更多花款嘅資產代幣化,這是大勢所趨。

(節錄)
 
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。