方卓如's 的頭像

《信報》專欄作家

愈沽愈高準備推冧大市

《信報》方如玉帥:姚松炎輸了個九西議席,唔止係一個議席咁簡單,最傷嘅係輸了口實,被演繹為市民支持,或至少唔反對DQ。作為DQ直接受害者,只有佢唔能夠勝出地方直選,仲唔係市民支持DQ?佢直接承認自己唔夠勤力,啟德新屋邨佢甚少落去企街站,輸得無話可說。如果恃住民主派必定有過半數支持,DQ有同情票,就唔喺短時間內將勤補拙,有咁多街站就去足咁多街站跪票,咁同選舉當日同個仔去畫畫嘅另一候選人冇乜分別?只係但求一選,沒有非勝不可。缺乏必勝心嘅身體力行,浪費了選票,打沉了市民僅餘的DQ怒氣,確立了拒人入閘可以為所欲為,你話係咪輸到貼地?

港元跌到接近弱方兌換水平,金管局總裁話不用驚慌,跌到7.85自然會做嘢。換着20年前,佢就唔會咁輕鬆。

1998年8月,正是政府入市打大鱷之年,好多而家教人炒股票嘅寫手當年仲係小學生。港元向下尋底,會衝擊聯繫滙率,金管局要挾高拆息增加炒家借港元成本,捍衞聯繫滙率,但挾息後果係會推冧股市,大市下跌,大鱷在期指淡倉賺錢。

當年政府用1200億港元入市,據聞令到財爺喊成晚,總裁落車腳軟。而家外滙儲備資產超過3萬億港元,大把子彈,要支持聯繫滙率冇難度。最重要係,環球市況欣欣向榮,你試吓大鱷走去沽騰訊(00700)推低大市,我保證跌一成之後,北水南水都衝出嚟搶貨,唔使政府入市。因為底厚,面對港元貶值,而家嘅總裁就可以氣定神閒,招積地話冇有怕。

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。