方卓如's 的頭像

《信報》專欄作家

熱門股比大市跌得厲害

《信報》方如玉帥:恒生指數昨收報30180點,升86點,成交1166億元。美國跌400幾點都冇令香港冧市,證明市場信心充足,未驚大跌。但個別熱門股份已經從高位跌近兩成,例如騰訊(00700),而家係高位85折;港交所(00388)82折;平保(02318)81折;舜宇(02382)83折;瑞聲(02018)77折。但係恒指只係從高位跌去一成,如果你炒股唔炒市,可以輸得比市場厲害。

熱門股比大市跌得厲害,在你還未搞清股票是否出現基本變化,價錢已經可以跌兩成,證明你唔貼市的話,最好預一筆輸咗唔肉赤嘅錢先好入市,否則你好易瞓唔着覺。

最近多咗人講收息股,但係買股票為收息,唔同買債券同買樓。債券收息之後仲可以收返本,買樓收完租仲可以賺埋升值。股票派息,會除淨,除淨跌完價,唔一定升返派息前嘅價。股票派息其實係將股價一部分搣畀你,如果你唔將收息加碼買股票,又或者公司派息後依然繼續賺錢,買收息股隨時輸。買收息股重點唔係派息,係佢可以長期賺錢兼穩定派息,代表賺錢係真正堅實,並非紙上富貴。買收息股其實都係買增長股,唔信的話你可以睇睇電能(00006),真金白銀買落去,特別息已經除淨,末期息仲未,你試吓一年後連埋派息,你究竟賺定蝕。

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。