方卓如's 的頭像

《信報》專欄作家

抄得叻都係本事

《信報》方如玉帥:話口未完,貿易戰果然只係一日貨仔,道瓊斯指數從低位反彈700點,一啲都唔見貿易戰嘅影響。大家同樣收關稅,大家都開出500億元,即係大家都係咁高咁大,唔怕你。牌面上好似美國佔優,因為美國5000億美元貿赤,大把項目可以徵收關稅。

但事實上,5000億美元貿赤,簡單講即係代表你有5000億資本賬盈餘,此乃balance of payment,唔會無端端進口多過出口可以唔使找數。咁美國出口了什麼?就是美債與美元。美國要滅貿赤有兩個方法,一係多啲美國貨出口,最有機會係高新技術;又或者減少消費,勒緊褲頭,使少啲錢。但以浪費資源見稱嘅美國人,相信節儉係冇乜可能。結論係,美國要中國停止侵權,要真金白銀買技術,唔准抄。

《經濟學人》前幾期已經講中美正開始科技戰,中國抄得快學得速,加上世界交流無障礙,要獨霸技術等收錢好困難。就以Blockchain為例,在此技術伸延嘅專利申請,數量最多係中國,其次先到美國。特朗普封殺Broadcom收購Qualcomm,原因係怕Qualcomm以後科研資源減少,會讓中國技術趕過了頭。呢個世界,原創未必致勝,抄得叻都係本事。貿易戰目的係阻止中國再抄,相信唔會成功。在中國,維他牛都可以面世,抄嘅基因在全部中國人血液裏,而且國家唔阻止你抄,國民寧願市面大豆加價,都唔願意見到抄襲致富嘅財路被封。況且大豆加價更好,可以出假大豆發財。

(節錄)
 

所有評論

i

invu - 2018年04月06日 07:27

係喎,边樣野有好價錢,好快就有假貨出,咁就叫假貨共和国喇。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。