方卓如's 的頭像

《信報》專欄作家

做生意同打工係兩類人

《信報》方如玉帥:MotoGP,賽事中馬坤斯被罰要回到龍尾,佢為咗追趕前車,逢車過車,不顧危險駕駛,還令羅斯跌車。馬坤斯成為罪人,尤其是羅斯粉痛斥,但佢鬥心之強,無可置疑。曼城對曼聯,曼城贏波就攞聯賽冠軍,上半場已經領先兩球,主場球迷,仲唔瘋狂準備慶祝?但係摩連奴在半場休息時同球員講,唔想在人哋慶祝派對做小丑。陣中球員畢竟有名有姓,即時俾佢嚇醒,下半場鬥心返晒嚟,反勝3︰2,搞到曼城今晚歐聯鬥利物浦,信心大打折扣。哥爾夫球大師賽,神童Jordan Spieth在最後一輪比賽,鬥心大爆發,打出低九桿,追平領先嘅Patrick Reed。可惜最後一洞打出超一桿,最後跌返落第三。

See?呢啲頂級運動員,日練夜練,技術唔再係致勝因素,最後都係睇你鬥心,鬥心先會提升競爭力。否則,同一班波,點解上半場同下半場唔同晒?逢車過車,點解跌嘅係人哋唔係你?同一個場地連打4日,點解最後一日先打低九桿?同一個人,想贏定唔想贏,決定了結果。

做生意一樣,想贏先有錢賺,得過且過就輸梗。做生意,賺十元八塊夠食夠住,遲早連十元八塊都賺唔到,輸埋。一定要永遠覺得唔夠,去諗點樣賺埋你褲袋裏面嘅散紙,咁你就贏。換着係輸梗冇錢賺,你都要想破腦袋,諗計點樣贏返轉頭。舉手投降,咁就一世。

(節錄)
 

所有評論

w

wyap8993 - 2018年04月10日 09:37

[一定要永遠覺得唔夠,去諗點樣賺埋你褲袋裏面嘅散紙,咁你就贏。]

呢啲咪係叫做食能到盡,香港人叫做好"能醒目"囉!

樓主唔能使講我哋一早都知啦!

侈哆 - 2018年04月10日 15:17

[[[...一定要永遠覺得唔夠,去諗點樣賺埋你褲袋裏面嘅散紙,咁你就贏...]]]

 

假若明白損人以利己,謀別人的雪中炭以替自己的錦上添花是大不對,又知道自己患上發錢寒渴財熱而怨恨屢醫無效,那還不太泯滅人性;如果認為那才是謀事待人「一定」「永遠」的正途、「贏」道, 竟又光天化日大庭廣眾侃侃而談沾沾自喜,那就病入膏肓.

 

Barwon - 2018年04月10日 16:31

樓主與強國人做生意肯定輸梗,強國人做生意先要有錢賺,交貨得過且過,因蠢人多不需要望做回頭生意,清垃圾都要賺埋你褲袋裏面嘅散紙,係強國生意人話我知嘅。

w

wyap8993 - 2018年04月10日 16:32

[[[一定要永遠覺得唔夠,去諗點樣賺埋你褲袋裏面嘅散紙,咁你就贏。]]]

唔單只做生意係咁;一定要贏能晒!即使辯論一個小小議题,香港人都係
[[一定要贏能晒]]㗎啦。講民主?講你老母!

w

wyap8993 - 2018年04月10日 18:03

https://youtu.be/NxHrKctATmo

我要贏能晒,我要民主! 我有權!我要報警!

w

wyap8993 - 2018年04月10日 18:10

https://youtu.be/_s1sCB1K1zA

一老一嫩。
連呢個伯嘢婆都識話; 我要贏晒!

侈哆 - 2018年04月10日 20:09

有鬥心力求上進不等同貪得無厭.

 

對方吊煲吊頸只是他失敗,不等於是你成功;你令他囊空如洗甚至令他因此燒炭跳樓,不是你生意做得好嬴了甚麼,只是你收買人命這宗買賣得手了.(職業殺手則屬例外)

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。