方卓如's 的頭像

《信報》專欄作家

一心賺錢已經過時

《信報》方如玉帥:平安好醫生(01833)上市,愈有錢嘅人愈要輸錢。你借足錢入頭槌飛,就算你頭5分鐘夠快手沽晒,都唔夠利息。新股上市係唔會天然上升,必定要有人維護市場,原因唔係定價平或貴,係因為上市一刻已經係公司最風光嘅時候,下一輪刺激股價嘅催化劑要時間出現,加上要買貨嘅已經買了貨,買唔夠貨嘅亦唔需要急於再買,因為捧場原因買貨嘅又正待計數。種種原因,新股上市如果係無人駕駛,股價必定向下跌。

平安好醫生唔能夠讓人賺錢,對未來小米上市有影響,因為小米賣得更貴。對小米上市評論最到肉嘅,係內地網文,直指小米扮自己係amazon而唔係蘋果,務求攞一個更高估值。

而家上市用1000億美元估值,係蘋果市值八分之一,但小米有冇蘋果八分之一嘅實力?如果冇,點解值1000億美元?雷軍話硬件淨利潤率唔會超過5%,究竟係唔會還是唔能夠?有邊個上市公司高層會拒絕提升公司利潤率?要限制利潤率嘅公司,股票買唔買得過?

最搞笑係,寫咗封董事長的公開信。招股書係法律文件,逐個字要對,全部要有事實根據。稍為有啲訊息令人有誤會有聯想,都要解釋查辦。無情白事一封主觀情感公開信,引申好多校證工夫,咁麻煩都要放落招股書,證明要說服投資者小米唔係手機製造商,係互聯網服務公司,牙血都出埋,全方位要迷暈投資者。數字不會說謊,硬件佔收入近九成,一封信就可以轉型?

同股不同權其實只係以往香港AB股嘅翻版,唔係新鮮事物。咁點解以前取消AB股係進步,而家恢復AB股又係進步?點解科技公司創辦人就必定要有控制權先對股東有利,地產公司創辦人又唔可以享受同樣對待?地產係資本密集生意,創辦人容易集資後令股權下降。但地產公司創辦人嘅眼光更重要,睇啱市可以為股東增值,咁點解地產公司又唔可以同股不同權?

(節錄)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。