畢老林's 的頭像

以洞察的眼光,發掘市場背後有血有肉、有啟發的人和事

財息兼收好盞鬼?

《信報》投資者日記:6月4日,周一。投資者大都記近唔記遠,去年個市係點可能已印象模糊,遑論前年。老畢卻清楚記得,2016年初新興市場走資潮比眼前情況嚴重得多,好多朋友坐住人仔定期,驚貶值要錢唔要息,未到期已走唔切,十足十殺到嚟咁款。油價最差時連30美元都跌穿埋,市場擔心大量美國頁岩油商違約,銀行不論關唔關事都被拖落水,滙控(00005)一度跌至四十幾蚊,股息率去到8厘以上。

老畢想起,兩年前股市、油市氣氛惡劣時,徐大俠問過我,滙控股息率咁吸引,即使衰嘢未見盡,股價斷估唔會跌到渣都冇,作最壞打算,收息12年,唔理股價幾殘都攞得番本;更何況,衰嘢未反映得十足,七八成總有吧?別人恐慌時貪婪,博得過也。

擦身而過

現在回望,大笨象股價從兩年前低位回升七成,股息率跌番落5厘水平,當時老徐若坐言起行,鎖定8厘息之餘,連價都賺埋,財息兼收好盞鬼矣。不過講就易,當時滙控班國際同業如德銀,一個二個跌到阿媽都唔認得,睇個勢,大笨象8厘息隨時變10厘,股民諗嘅唔係12年收番本,而係出年有冇息派都成問題。

雨過天青睇番轉頭,什麼決定都好似唔使用腦,身處當時環境卻完全是兩回事。隔咗咁耐,老徐自己恐怕也把這個跟他「擦身而過」的good idea忘記得一乾二淨。老畢所以提及此事,全因早兩日於美國投資網站發現花生友熱議一個與通用電氣(GE)有關的留言,personal得嚟好有啟發性,值得跟大家分享。

初看這段話時,老畢還以為留言者在「晒命」,後來發現在下犯了一個低級錯誤,愈想愈心寒,忽然醒覺好多嘢睇番轉頭,並非想像中那麼「唔使用腦」。

留言者說,其父乃GE員工,持有公司股票約值180萬美元,佔投資組合九成。她曾力勸老爸分散投資,惟沒半點用處。父親現年67歲,一年後想做都冇人留,好彩仲有退休金頂住。說到此處便停下來,顯然在徵求網友意見。.....(節錄)
 
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。