方卓如's 的頭像

《信報》專欄作家

耗盡青春都未必換到500呎

《信報》方如玉帥:Anthony Bourdain自殺,61歲。佢食勻全世界,唔淨只食好嘢,仲食街邊嘢。最多人睇嘅,除了同奧巴馬食越南粉,就係去食壽司之神Jiro。他是幸福的,佢可以一件件細意品嘗,難得Jiro還會對佢笑。我哋一介平民百姓,食慢啲都會被溫馨提示。但我最有印象的一集,係佢去檳城後巷食nasi lemak,我都有走去試過,絕對平民草根。身體病痛未必致命,情緒問題隨時更要命。Anthony Bourdain食好住好,全世界好嘅餐館都畀面,仲一定保證有好嘢食,結局都係因為活得唔開心而結束生命。

所以幾時都話,做最有錢嘅窮人最開心,生活一啲都唔拮据,又不失生存動力,子女又未至於為家族財產同老母打官司,呢種狀態先係最幸福。

地鐵剪短鋼筋事件,最肉緊嘅係班唔搭地鐵嘅代議士,反而日日逼地鐵上班嘅市民冇反應,中港終極融合終於完成,豆腐渣工程終歸出現。有豆腐渣工程未最嚴重,如何處理先睇得出是否淪落到底。政府深明時間是最好的補救方法,任何醜聞,兩星期後自然丟淡。假如將來剪筋事件又係當冇事發生,咁你就清楚自己係住响大灣區。

望發達也盼樓價跌

新樓盤推出繼續快速沽清,被指揸乾了的購買力依然深不見底。樓市同市民購買力脫節,但沒有同能夠買樓嗰班人嘅購買力脫節。買樓成為貧富懸殊嘅元兇,有樓揸手變成最唔使用腦嘅脫貧方法。....(節錄)

全文

所有評論

黎自立 - 2018年06月11日 08:01

『任何醜聞,兩星期後自然丟淡』。但是種下的禍根郤不『丟淡』,終有一天建築物的天花板像城市大學的天花似地掉下來,旦願此事此刻有一個像城市大學的管理員警告人群離開。

黎自立 - 2018年06月11日 08:34

方卓如指出;『耗盡青春到未必換到500尺樓』。羨慕新加坡,任何人都買得起1000尺的蝸居,而且門檻不高,相當富裕也可以購買,新加坡能使人安居為什麼香港不能??非不能也 是故意不為也。無地?放寬舊飛機航道上(九龍塘的樓只有二層樓高)的高度限制有何難度?

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。