畢老林's 的頭像

以洞察的眼光,發掘市場背後有血有肉、有啟發的人和事。

聽美國佬講經濟真係火都嚟埋

《信報》投資者日記:7月5日,周四。本文見報日,中美兩國將對數以百億美元計進口貨互徵重稅,貿易戰正式打響。環球股市近月因應trade war消息上上落落,相對而言,美股表現稱得上十分硬淨。

這是否意味市場悄悄告訴大家,美國將成為貿易戰的贏家,對只投資港股的朋友並非重點;解鈴還須繫鈴人,勿輕信美國佬話股市升跌不會左右狂人的貿易政策,應該諗嘅反而係,11月美國中期選舉之前,「白宮群英」對跌市的容忍極限在哪裏,一旦觸及這條底線,殺氣騰騰都會變成有商有量。美股率先喘定,包括港股在內的環球股市才會真正見底。

首席顧問顛三倒四

這條線落在什麼位置?知道就發達了。不過,所謂見微知著,若非美國商務部長羅斯(Wilbur Ross)來個溫馨提示,說了一句:There's no downside level in the stock market that would change Trump's trade policy,市場還真不曉得決策官員心中原來存在這麼一個股市水平,羅斯愈是否認,愈顯得特朗普班子此地無銀。

退一步說,「白宮群英」如果不是極度在意市場對貿易戰升溫有何反應,主管經貿的大將也不會上財經台勤力過返工,溫和派與強硬派輪流登場解畫,出鏡率跟美股調整幅度成正比。股市downside level若真不足以改變狂人的貿易政策,咁緊張做乜?醒目的投資者該運用逆向思維,睇吓班友幾時收口,以此作為撈底訊號,成功機會分分鐘高過依賴技術指標。

講開又講,先兩日看白宮首席經濟顧問庫德洛(Larry Kudlow)【圖】接受霍士財經台訪問,真係聽到老畢火都嚟埋。在節目中,此君揚言美國財政赤字正在急速下降(coming down rapidly)。在下所以無名火起,跟親特/反特立場無關,而是不明白庫德洛作為「侵侵」身邊第一經濟謀士,對美國財政部每月公布的聲明竟可顛三倒四,把白紙黑字顯示大幅上升的財赤,反過來說成急速下降。.....(節錄)
 
 

所有評論

james bond - 2018年07月06日 08:44

(中美)走到山窮處,(我哋)坐看雲起時。依排中国官方社評日日罵美國佬搅貿易戰和保護主义。正所謂講多無謂,行动最实制。日日得個罵,更顯底虚。

e

eddybb - 2018年07月06日 09:13

顛三倒四指鹿為馬,一直是鹵味語言偽術,睇吓壇友低P仔,豉油瘋,支那文,星君.....,便一清二楚。

PBrega - 2018年07月06日 12:16

滷味國債違約延期,你有抛售咩?你有抛美元救人仔咩?
講乜撚賊?成班混尻吉!

L

Liberphile - 2018年07月06日 15:17

愛滴蟲五毛好誠實,唔會指鹿為馬,佢只會指住自己嘅老母,然後大聲講:乜咁大隻雞呀!

Daniel - 2018年07月06日 21:35

【聽美國佬講經濟真係火都嚟埋】

火嚟埋,有X用咩?底線係邊囯(PRC或美)有冇出超?幅度如何?有冇得代替?答案係PRC全在下風,PRC勞動密集優勢不再, 勞動密集工業 ,大把發展中国家可替代喎!
P R C冇得打,因為美國佬買多過賣(大入超),而同PRC買嘅,卻随時有其他發展國填上,好清楚。ZTE 单野,可以睇到大陸冇得揮,美人不供應必需晶片,PRC大广極都死。

Daniel - 2018年07月06日 21:39

【eddybb - 2018年07月06日 09:13顛三倒四指鹿為馬,一直是鹵味語言偽術,】
駛x指鹿為馬,駛x語言偽術,PRC冇得打,鬼叫自己有著数咩?
 
 

Daniel - 2018年07月06日 22:07

大陸佬为求自保,亦無得擋Whatsapp, Skype, Twitter, Facebook, Paypal .. ...唯有反自由贸易,違反WTO, 禁在大陸操作,而Wechat , QQ,Alibaba, Alipay.......  卻任在先進国美国做生意,優劣立見!..............點解要禁止Whatsapp, Skype, Twitter, Facebook, Paypal , US banks........在大陸做生意呢?

Daniel - 2018年07月06日 22:08

美国佬聽倒,咁唔公平,就真係火都離埋!

Daniel - 2018年07月06日 22:17

大陸佬同習帝都冇腦,以为死保住D低B工業有著數,其實猪到冇倫!

如同港政府,如果死保住膠花工業,死X梗!

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。