方卓如's 的頭像

《信報》專欄作家

股東喜歡回購多於派息

《信報》方如玉帥:恒生指數昨天最高升至28772點,然後掉頭回落至最低28219點,前後五百幾點,收報28340點,大市成交額904億元。你話大市氣氛差?但都有接近1000億成交,即是買股票嘅人沒有消失。騰訊(00700)被北水沽貨?但都有90億錢肯買佢。炒股票為生嘅人,市差都要炒股票,你以為好市升市先要開工?淡市跌市都要搵嘢買。

股市通常係大多數人睇錯,睇啱嘅人係少數,而家行出街個個都話係淡,市況差,有排跌,佢哋唔一定啱晒。業餘嘅你當然可以唔睇股票,疊埋心水去同屋企人旅行。專業理財嘅你,就應該睇吓有冇股票跌到殘,跌到你以前唔敢買嘅價錢。

麥樸思(Mark Mobius)話中國股市(應該包括香港)要跌三成,而家已跌咗兩成,即係仲有一成跌。港股由高位跌去兩成,個別藍籌已跌超過兩成,是否跌多一成見底?留意,有錢嘅香港人大把,大媽沽貨,仲有好多港爸手上有錢等撈貨。上年升市嘅時候,賺得最多嘅係被迫追貨嘅職業炒股佬,佢哋愈升愈要買,愈買愈賺得多。佢哋賺錢,要買中,買得多,仲要坐得定。去年雞犬皆升,個個都贏。今年連「股王」都跌,追求絕對回報嘅,好難賺錢。沽到七七八八,靠炒股為生嘅就要買番。除非出現股災,否則更差嘅市場氣氛都有股票升。上年冇贏大錢嘅有錢之人,冇樓可以再買,跌番落嚟嘅港股其實最吸引。唔係太多人擔心跌市,相信唔少人樂於見到跌市甚至冧市,等佢哋可追回入市機會。唔相信港股會直線向下,到時到候自然有人撈底。...(節錄)

全文

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。