方卓如's 的頭像

《信報》專欄作家

貿易戰整窮鄰居

《信報》方如玉帥:於1985年簽訂的《廣場協議》,而家大家攞番出嚟講,因為美國逼人民幣升值,自然有人會用日本當年嘅死因嚟比較,預計萬一中國被迫推高人民幣滙價,就會學日本一樣迷失20年。2015年是《廣場協議》簽署30周年,當年有唔少學者研究文件提及《廣場協議》是否日本一沉不起嘅原因。研究指出,在《廣場協議》簽署前,圓滙已經升緊,協議落實之後,其他歐洲貨幣一樣有升,只係日圓升得最多,又唔見其他歐洲國家迷失20年?結論係,唔可以話《廣場協議》害了日本。

呢類哈佛大學研究報告,只係片面描述吓30年前嘅歷史,絕對唔能夠應用在今日環境。今時今日好難出現當年G5聯手干預市場去達致經濟目的,尤其美國而家要勝者全取,唔會讓其他國家有甜頭。全世界只有美國買晒全世界嘅貨物同資源,唔找數仲欠債,自己經濟活力強勁足以加息,貨幣升值因而影響出口,卻指摘其他國家貿易唔平衡、操控貨幣,要逼其他國家貨幣升值。

經濟良好、加息、全民就業、貿易逆差縮減,仲可以貨幣貶值,讓國外資金調回美國嘅時候,可以換多啲美金。咁完美嘅經濟環境,教科書都不能解釋,只能說是美國霸權嘅巔峰,純粹係政治操作結果,與經濟學無關。特朗普就係要全部着數攞到盡,要天下人為美國服務。所以,蘋果公司市值可以升至一萬億美元,騰訊(00700)就向下尋底。...(節錄)

全文

所有評論

PBrega - 2018年08月07日 04:58

無人強迫你一定要賺美元?
無人強迫你一定要賣嘢去美國?
無人強迫你一定要移民美國?
你自己自甘墮落,自投羅網,與人何尤?

黎自立 - 2018年08月07日 09:07

玩財技,所有人都要輸給猶太佬,而猶太佬是美國政府的幕後掌權者。唯一贏猶太佬的人是畢菲德,他不玩財技,好股票就永不沽出。

6

658 - 2018年08月08日 00:40

方魚肉碎粥:

我希望你嘅分析正確,我等緊700(香港股市的代表)和香港樓市仆街,但我等到頸都長,就好似電影[Big short]的獨眼龍一樣,問我自己的分析是否出了問題,雖然各種指標告訴我香港的經濟出了大問題(特別是樓市),但佢就偏唔爆,而我就激到春袋都爆!!!

路唔發謹上

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。