方卓如's 的頭像

《信報》專欄作家

唔勵志嘅現實故事

《信報》方如玉帥:小劉說話又成為金句,其實有睇那個節目的話,會戥佢唔抵,本來節目要為佢上次說話平反,點知道又一句更勁嘅令佢再次被人拿出來祭旗。節目本來講年輕人借錢容易,跟手講理財。原本話應使則使,應慳則慳,跟着才有10萬蚊呢個例子,只係銀碼大得誇張,本來成段說話都好正常。試諗吓,中產父母,要試驗子女如何用錢,可能會畀一千幾百,睇睇個仔如何花費。但小劉,一千幾百,點試得出理財態度?

被問到當有花不盡的金錢,理財又有何用,佢話理財是紀律,就算身家沒有多幾個零,至少冇人想失去幾個零。本來有10萬蚊在手,只數不用,已經說明了紀律。但冇用,說話由佢口中講出,好難令人啱聽,正面教材都變成反效果。

呢個節目最發人深省是什麼?愈有錢嘅愈唔想使錢,愈窮愈想消費。年輕人借錢容易,社會鼓勵消費,反正有如小劉所講,去少次日本旅行,點儲錢都買唔到樓,倒不如玩完先算。年輕人要由冇到有,靠嘅唔係儲出第一桶金,因為你永遠冇可能儲出一桶金。反而,你兩萬蚊開檔,可能變出一盤獨角獸生意;無聊買吓Bitcoin,可能變咗幾億身家;走入深圳一間通訊軟件公司打工,迷迷糊糊咁就變咗千萬富翁。

而家發達,唔係以前死慳死抵,儲筆錢開檔小生意,愈做愈大變成上市公司的勵志故事。由冇到有,而家係講時來運到。...(節錄)

全文

所有評論

養珠樓主 - 2018年09月03日 07:38

十歲親戚小學生說:小劉父母可能很討厭他,希望有人見財起心,劫財劫色。

 

 

侈哆 - 2018年09月03日 07:40

*...兩萬蚊開檔,可能變出一盤獨角獸生意;無聊買吓Bitcoin, 可能變咗幾億身家:走入深圳一間通訊軟件公司打工,迷迷糊糊咁就變咗千萬富翁...*

 

偏偏就是這些"時來運到一朝發達"怪念才害死那些入世未深的人.那不是”勵志故事”,只是鼓吹不腳踏實地的假大空謊言.

Barwon - 2018年09月03日 10:17

去少次日本旅行,雖然點儲錢都買唔到樓,但起碼可以同周公捉住棋 keep the dream alive,要是玩完先算,周公都費事睬你。

 

今天科技發達,很多死慳死抵的人,已不用數銀紙、打簿仔,上網看看在銀行存款多少最興奮、安心。

侈哆 - 2018年09月03日 15:12

財閥人家,港元八萬十萬連小菜一碟也算不上,零錢十萬可能只是實數百分千分之一.開聲說「十萬」已經忍口、謙遜,我等尋常人家不與體諒不為欣賞,以為是「誇大」也可能只是不識地有幾厚天有幾高他荷包裏零錢有多少.但我等尋常人家卻不明白誰決定把那不識冬寒的夏蟲一而再推上台去做箭靶?

 

或者上天也算公平,有權牽線的人沒有腦,太有錢的人也是.

Barwon - 2018年09月03日 16:30

搞節目無非係為有人睇有人聽,搵個語不驚人嘅悶蛋上節目,又點會引得人聲「頂肺」,雙雙走紅。

侈哆 - 2018年09月03日 17:13

一報大號已有人爭崩頭撲埋身,要如此「囉彩」乞罵犯賤?

老范 - 2018年09月03日 22:21

早已說過不少回,凡事不宜過份,否則好事也變壞事.窮得過份固然慘不忍睹,錢多得過份也會變成負累,令當事人淪為城中笑柄.

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。