方卓如's 的頭像

《信報》專欄作家

電話公司

《信報》方如玉帥:蘋果係全世界唯一一間公司,發布產品也會成為新聞。最奇怪是並非劃時代產物,只係舊款升級,羨煞不少生意人。蘋果次次有發布會,例牌都係被批評冇新意,股價都係會跌一跌,最後又係大賣,市值仲超越埋一萬億美元。證明產品千祈唔好行得太前,只要進步少少,永遠在凡人觸手可及,又感覺到稍為改善了生活,就足以令人有意欲購買。

蘋果手機貴到離譜,等於一部MacBook,貴過好多電腦。其實iPhone就係一部小型電腦,寫字樓員工日常工作對住部電腦不停咁撳,攞住部iPhone其實已經可以開工。用iPhone寫稿已經多年,由倉頡打字時無法思考,變成而家用倉頡打字已經不用思考。返工有大部分時間是覆電郵,而家可以用手機覆電郵、WhatsApp、WeChat等等。用電腦嚟睇股價同落盤,而家用電話一樣做得晒。

所以,iPhone賣一部電腦的價錢,是絕對合理,佢唔單止提供了電腦嘅功能, 還有電腦先天缺乏的靈活性。iPhone愈出愈勁,寫字樓都要思考未來運作模式,是否要一人一張寫字枱,甚至是否要一個辦公室。

一機在手就可開工

當人人都攞部手機開工,寫字樓可能係擺幾張大梳化,讓員工半坐半躺寫電郵。既然搭巴士都可以用iPhone,咁上班時間並非9點正返到寫字樓,而係9點就要用iPhone打卡,開始開工。電話會議唔再需要發出dial-in number,知道對方手機,躺着都可視像會議。未來虛擬貨幣必定係可以付款嘅找數媒介,你搵外國人幫手做事,用iPhone聯絡,用虛擬貨幣付款,一人公司都可以係跨國企業,視線唔只放响大灣區,你能夠接觸的,是全世界。...(節錄)

全文

所有評論

YuMoBor - 2018年09月14日 07:43

the monitor is too small for productive work

YuMoBor - 2018年09月14日 07:44

拿着個LV手袋有大媽味, 拿住個iphone Xs max, 個客會對你增加信任. 

Ah_Kwan - 2018年09月14日 09:10

Yes , Apple is changing the world.  Do Asia have any compay like Apple?

 

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。