余錦賢's 的頭像

《信報》香港脈搏作者

泛民奉勸林鄭 填海勿跳Step

《信報》香港脈搏:為期5個月的土地大辯論雖已落幕,但由於行政長官林鄭月娥三個月前已搶先表態撐在維港以外填海,坊間循此方向的支持聲音及造勢力度愈見強盛。最新一位「有心人」是「民間特首」劉德華,義務為前特首董建華牽頭的團結香港基金短片配音,片中更公開附和基金會建議,認為東大嶼大規模人工島計劃「睇來較為可取」。片段一出立即引起熱議,估不到劉德華會如此緊隨官方口徑。

林鄭下周三發表任內第二份《施政報告》,幾可肯定會因應土地供應專責小組的「初步觀察」順勢而為,對填海多加着墨。消息透露,林鄭屆時將進一步闡述對如何填海的看法,包括回應部分環保人士的反對理據,亦期望社會大眾對應否填海已有答案。至於政府東大嶼都會計劃的重要一環──中部水域人工島的研究撥款(當局建議規模約1000公頃,較基金會的倡議為小),預料將重新提上議程。有關撥款申請於上屆立法會兩度受拉布阻撓,目前仍屬發展事務委員會的待議事項,政府原定今年第三季討論。

有泛民中人指出,土地小組尚未提交正式報告,林鄭若然在《施政報告》實牙實齒敲定填海,等於承認歷時5個月的大辯論只是「門面工夫」,「她當然可以講一些看法,但無可能走出來宣布已經決定在哪裏填海、填幾多,咁係跳晒Steps,連大辯論台戲都唔做埋?」該人士認為,任何具體建議如東大嶼發展等,起碼應留待明年第一或第二季展開討論才合理,又質疑團結基金之類的「偽民間組織」旨在配合政府宣傳填海,提出「巨型人工島」方案,目的是讓政府原本的計劃顯得溫和。.....(節錄)
 

所有評論

trybest - 2018年10月04日 15:23

正常嚟講,港人要有心理準備,林鄭港共政府跳硬step,十之八九夾硬嚟,本來中共已經係10個煲,6個蓋,現在美國再掀貿戰,搞到中共的經濟發展竉氏騙局斷了資金鏈,等於少了兩個蓋,10個煲得4個蓋,game over!

中共都發晒窮惡,已經發晒茅到處搶錢,數數手指, 中共已搞了演藝偽人界, 即使搞埋"偽"學術界,睇怕都係杯水車薪,而搞私營企業總不能太心急太大啖,因為會牽連就業問題,咁香港庫房咁大舊肥肉,中共此等強盜無理由唔流口水,無理由會放過,實霸王硬上弓,香港人又吹得佢漲?既可以解決中共大陸部分就業問題,所以填海,香港除了帳面失血,恐怕就業方面都無甚得益,會請好多大陸勞工.

按程序,或者中共會指令港共盡快急速填海,講唔定,一出施政報告,3-6個月內就決定進行.

咪以為5千至1萬億就可以收尾,講唔定,中共及港共會拖長嚟食, 反正風災,水災, 人為失誤,理由可以多多,你估填海真係為你班奴民著想?只係為了掠水, 盡量填耐啲,超支再超支,延期再延期,反正港共政府講咩都係完全無保證,謊言滿嘴又無政治後果,隨口應承,甚至白紙黑字都可以當無到.所以話,填海多了地就一定可以大大增加房屋供應,滿足港人住屋需要,就真係太天真.

除了香港庫房現有,仲發債透支,總之想法吸你港人2-3代人血,就好似供樓咁,搞到以為供完成世樓,終於可以從此嘆世界的上一代,又要為下一憂心,變相又要再供樓,死都唔放過你地.

不如泛民及港人自問一下,林鄭港共政府真係跳晒step,夾硬嚟, 可以有咩辦法?而港共政府夾埋垃圾會內的民賤聯狗賊,再運用之前的種種蠻橫無理手段,趕泛民出議會,動用警力..........,等等, 無所不用其極.

香港都係等死,除了望天打救,做唔到咩.總之,林鄭港共政府一決定填海,港元資產恐怕都要走資或對沖,免到時大幅貶值,一殼眼淚.

杜蘭卡 - 2018年10月04日 15:27

該人仕只是阻住地球轉,既然填海可行,為何不可以講?應該大講特講,唔明講到明。

v

viv020185463 - 2018年10月04日 22:43

This is the best source

Ac market download apk

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。