大陸13性病電台狂轟新界北區 - 狂洗腦

FM 頻道 88-108MHZ 竟然可以裝得落20個電台, 其中大陸性病台佔了13個, 7個是本地台,大陸性病台24小時不斷疲勞轟炸, 瘋狂洗腦, 播放性病醫療廣告無王管, 香港政府採取放任態度, 但民間電台向政府爭取申請一條頻道多年, 政府竟然竟然說FM頻道已經滿額, 真是荒謬. 九龍部分地區是收唔到大陸性病台的, 因此無理由唔發牌給民間電台.
在北區大陸台經常干擾有RDS功能的收音機, 而且北區是收唔到香港電台普通話台和香港五台.

內地大部份電台一到晚上就講兩樣野,不論國粵語都係架啦 1. 肝、2. 性病,洐生出黎的是..商業到不能商業的醫院和一系列搵笨的義診。

英治時期都講過架啦,香港因為多山,不能夠用一兩個發射站就覆蓋全港,所以要依據山頭分佈來分,但如果統一頻道,即係全香港聽商台就88.1MHz啦,咁樣會發射站之間會因為相同頻率而有機會互相抵消信號,所以先至一個電台佔好多個頻率。這個是合理的。然而,正正就係因為多山,先至可以方便一些小社區做社區電台,皆因這些電台個發射攻率唔會大得去邊,幾十W左右己經好大,況且D山都都阻晒啦,例如在香港仔整個社區台,銅鑼灣已經收唔倒架啦。況且,你可以在一些社區重用原來只有市區先收到的頻道架嘛,例如88.1MHz,商業一台只能在港九市區收,新界收就要88.3Mhz,咁樣,在新界咪用番88.1MHz做其他電台囉,只要個發射站不要太近市區就Jam唔倒架啦。技術上無問題架,係政府玩野乍嘛。稍為讀過一兩年電子文憑都知道電波常識啦!

大陸13性病電台狂轟新界北區 - 狂洗腦
在此輸入主題
在此輸入主題

所有評論

地球生物 - 2009年12月10日 15:58

我唔係住係北區,

但都收度三個廣東話大陸台,

華夏之聲,珠江經濟台同廣東音樂台!

訊號好強,對香港d台有干擾!

地球生物 - 2009年12月10日 16:01

而真係大陸台有唔少時段係做賣藥節目!

應該話係賣膏藥節目!

信渠半成就真係有病呀!

地球生物 - 2009年12月10日 16:04

最好笑係

phone-ind聽眾,即係有病者(扮做?),

來來去去都個幾個人呀!

講來講去三覆被!

Ng Chun Hing - 2009年12月10日 16:13

唉!係唔係華人特別容易賴到性病?四十幾年前,臺灣廣播電臺廣告一開聲就係“淋病梅毒,請用XX米仙”,認真嚇死人!依家大陸又係一樣!

SIMPY - 2009年12月10日 19:11

有一個共通點, 講者都是帶廣西聲, 係我耳背, 還是巧合?.....只要你睇過佢哋一次電視宣傳嘅研討會, 仲睇埋嗰D騎呢老番所謂專家, 跟住聽埋非常學術權威嘅二次性發育理論, 基本上係唔使幫趁, 細佬都自然俾佢吹漲...紅綠晚報嘅南宮夫人的良心遠俾依班騎呢醫生高幾層.

SIMPY - 2009年12月10日 19:13

有理由相信, 嗰班友會係將來話:[性病會透過北風吹過嚟, 北區居民, 小心....哈哈哈.

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。