Chan David's 的頭像

獨立財經觀察兼操刀人。

中亞經略 (續昨陶尚兄的"邊個最樣衰?")

昨晚陶公一文引起小弟興趣,唯因小弟實在太累,待得三位巴打討論時,已經找周公吹水了。

小弟愚見:現在問題已經不是伊朗,也不是其他任何一個國家,而是美國自己。

布殊政府當初開戰時既不肯和人分贓,又不讓別人中立,更不見好就收,轉用外交和銀彈策略,至現在已經把美國國威和這場戰爭的成果糾纏在一起,政治問題軍事化,完全削弱自己的環轉空間。而且,今時今日油元和美國國威有相當緊密關係,一旦國威大減,美國要維護油元就會相當吃力。

有論認為現在和越戰差不多。對美國來說,就打不出勝果而言,的確是一樣。不同的是那時候中國和東南亞都弱,歐日聽話,中東被以色列壓制得毫無脾氣,拉美是後園。雖然有損國威,根基仍然穩陣。

如今中國企硬,俄國仍然強大,東南亞和印度有點錢,歐洲經常抬槓,拉美“采你都儍” ,日本腳軟,以色列被種種條約縛著,無法幫拖,連加澳都因為有天然資源都唔係下下跟到美國實,此仗的成敗,能不能捉到和殺死拉登,就成了美國維持國威和油元的關鍵。

或曰此乃美國轉移國民對內政的不滿。這是有可能,不過現在就等於搬石頭打自己的腳。把美國的政治押在軍事冒險上。而打仗,從來就充滿變數:就算掌握到自己的行動,敵人的選擇卻掌握不了。把美國國運押在軍事行動上,已經不智;更何況明知自己打不慣這種沒有固定戰場的戰爭,還是勉強為之,就更加愚蠢。

美國打仗的兩大特色是: 1. 缺乏對敵人的了解,不喜歡也不擅長以夷制夷;2. 而且除非壁壘分明的大戰,不然在第一次調兵時都非常吝嗇,造成首數戰有擊潰無殲滅,無法徹底消滅對手的有生力量。因此,一旦對手在政治上能成功動員國民憎恨美軍,將之視作侵略者,並且利用較惡劣多變的環境做掩護,化整為零和美國週旋到底,美國碰釘子的機會就極高。

更要命的是,美國軍部極受制於華盛頓的政客的制肘,連戰略撤退與否都要看總統和國會議員的民望來決定。更不用說實實在在增撥具決定力量的人員,裝備及補給。這就更進一步削弱美國在軍事上的可行性。

邊個最樣衰?
今天信報林行止前輩撰文《債仔威猛犀利 國際局勢高危》,論及諾貝爾和平獎得主奧巴馬總統發動戰爭的可能。諸位才高八斗或自以為IQ過人的信博才子佳人一定估到最樣衰嘅非伊朗莫屬!要以打杖解決國內外大小矛盾,一是發動戰爭,二是制造緊張氣氛。

制造緊張氣氛乃所謂美國版「不戰而屈人之兵」是也。美國佬要「屈」嘅唔係波斯兵,而係渠附近的美國嘅阿拉伯襟兄弟阿拉四大護法科威特、阿拉伯聯合酋長國、卡塔爾和阿曼嘅大食兵。皆因奧巴馬政府正在悄悄加快對大食諸國軍售(包括彈道導彈防禦BMD及相關配件),並迅速升級防禦石油碼頭和其他重要基礎設施,以阻止未來波斯兵的攻擊。2009年10月,美國與以色列進行了其有史以來規模最大的軍事演習,稱為Juniper Cobra。此操練可謂替G.I. Joe試試新裝備效果如何。

那麼波斯兵應該如何應付呢?

回應:
paul_ng:
<彈道導彈防禦BMD>???防誰?? 2月4日 16:39

羅友恆:
陶公,要準備打場仗,點都要半年,較大型仲唔止。即係話,在宣戰之前半年,文宣已經開始吹風。

昨晚睇電視,有條唔知乜水(無去記)在國會之類地方話,基地會在半年內在美國本土發動恐襲。此公肯定係先知!

也們以經在月前被宣判為罪人,如果要郁也們,幾個月後就做得野。假如配合本年內美國本土有恐襲,國會肯定alright總統開戰的。

中東就係中東,不過係依朗門口似d。 2月4日 16:45

陶尚:
在中東裝備的彈道導彈防禦BMD主要由原愛國者防空系統PAC-3(Patriot Anti-aircraft System)和神盾/標準導彈 3(Aegis/Standard Missile-3 SM-3)所組成。原來的愛國者防空系統,在第一次海灣戰爭其導彈防禦能力未如理想。於是,美國和以色列發展Juniper Cobra彈道導彈防禦攔截器和傳感器系統。上述美國與以色列的軍事演習正是要試驗Juniper Cobra的可靠性。 2月4日 17:17

陶尚:
在2010年1月27日的國情咨文中,和平總統奧巴馬在外交政策上放風,若伊朗繼續其發展核武器政策美國或會有所行動。而新的BMD據稱是針對波斯人的伊朗流星-3(Shahab-3s)中程彈道導彈的打擊,但據稱BMD是否真能打擊波斯流星仍然存有疑問。 2月4日 17:25

paul_ng:
我有感覺.美國的彈道導彈防禦系統.在數學運算有漏洞.到現在仍未解決.中國數學家.似乎佔了先機. 2月4日 17:28

陶尚:
paul_ng兄可否解釋? 2月4日 17:30

paul_ng:
我憑直覺.共產黨最近推崇數學家.而自力發展的超級電腦可以運用.激光干擾衛星.定位擊落衛星.運行中攔截.都是快速精密運算. 2月4日 17:44

paul_ng:
或者看看得獎數學家.研究項目 2月4日 17:47

陶尚:
同意。我國在激光技術上,一向居領先地位。而上月又成功試射反彈道導彈。當然,要能完全成功欄截尚須時間。但似乎指日可待。 2月4日 17:56

陶尚:
昨晚睇電視,有條唔知乜水(無去記)在國會之類地方話,基地會在半年內在美國本土發動恐襲。此公肯定係先知!

此乃為官之道。冇都話有。之後冇,係俺成功瓦解;之後有,係俺有先見之明。仲有,煲得大,才可以申請撥款。如果俺中情局,老虎都唔希望拉登死。咪點作大攞錢益自己友。誇張點,即使是拉登之烏虛有,又如何?吹咩? 2月4日 18:04

Chan David:
小弟估計開新戰場倒未必,集中精力駐在阿富汗更上算。 2月4日 20:03

陶尚:
唔知。其實而家打緊杖嘅仲有巴基斯坦北部,巴國陸軍動員近五萬大軍清除境內塔利班。增兵阿富汗是否項莊舞劍呢? 2月4日 20:12

羅友恆:
巴打,伊朗剛試射了運載衛星火箭,用之於彈道彈頭承載的話,老美都幾頭痕,而伊朗盟國又剛堵截了疑似可用於製造核武的水泵,看來伊朗會步北韓後塵,越有料到,越無人敢逗。

相反,老美在巴基欄坦最近越瓜越多人,CIA在欄坦地頭放遙控機多過宅男打飛機,欄坦人民非常反美,militants周圍做野。恐怕欄坦會出事早過也們。 2月4日 20:16

羅友恆:
一個在領和平獎的得獎人在領獎時大談戰爭係爭取和平論,好明顯果個爛鬼和平獎已經收買唔到個傀儡。

一個近代唔打仗的老美總統仲罕有過熊貓,班馬仔change又change唔到,唔打仲做乜野好? 2月4日 20:29

陶尚:
那麼波斯兵應該如何應付呢?波斯兵也非省油的燈。二次大戰後,美國取代英國成為波斯巴列維王朝的大佬。豈料在1979年伊斯蘭教宗教領袖賽義德•魯霍拉•霍梅尼發起伊朗伊斯蘭革命,巴列維政府被推翻。自此美國與伊朗交惡。於是在1980年9月22日,伊拉克總統兼CIA首席海外無間道薩達姆在美國支援大量武器下發動了兩伊戰爭。自此直到1988年8月20日停火,伊朗與伊拉克更被這場戰爭拖得民窮財盡。查實,兩伊戰爭也許就是美蘇兩個冷戰期內嘅代理戰爭。 2月4日 20:43

羅友恆:
阿拉伯人好似打仗唔係好掂果喎,禾淨係知道老候被閹之前,出鏡時被軍人前呼後擁,高舉AK做勢,觀乎此,已經知道班兵係有乜料矣。

第一次海灣戰,老候班兵走哂;第二次(按小弟計算老美用左既聰明彈數目),老候班兵應該係,死哂。 2月4日 20:50

羅友恆:
老美點會打伊朗唔嬴?開玩笑了。只係老美知道,打嬴又點,如何去佔領?唔通交俾以色列?無甘老襯也。

老美再打的地方,一定要係打嬴左,有擦鞋仔去跟手尾的,先會郁手。欄坦近磅好多,有阿差也。 2月4日 20:54

陶尚:
羅剎紅毛與中國一定唔會俾老美吞(伊拉)克滅(伊)朗,於是老西都要撐拜火教嘅小昭。為了對付老美這個超級敵人,波斯兵一於發動Poxy戰爭兇大衛星以牽制老美。渠嘅契仔包括在伊拉克、波斯灣和黎巴嫩等地什葉派(Shiite)。此外,尚有伊朗伊斯蘭革命衛隊(IRGC)招攬的巴勒斯坦解放組織(PLO)。巴解從良後,則由黎巴嫩真主黨(Hezbollah)頂上。傻仔布朱西到係阿富汗另開戰場,此正中波斯兵、羅剎紅毛與中國下懷。因為阿富汗一倒並由老美成立Forward Command Post成立喀布爾都護府,到時不單止伊朗,連阿富汗的北部眾中亞斯坦:(哈薩克斯坦、土庫曼斯坦、烏茲別克斯坦以及塔吉克斯坦),東部的中國以及部分巴基斯坦控制查謨-克什米爾地區都盡在老美坦克可及範圍之中。

為了令老美掉進泥漿不能自救,伊朗、羅剎紅毛與中國絕對有理由要G.I. Joe葬身沙漠。還有,在老美契弟巴基斯坦北部嘅瓦濟里斯坦(Waziristan)己落入塔利班之手。瓦濟里族人(Wazir Tribe)只係識做土匪同打杖,你話大唔大檸樂? 2月4日 21:54

陶尚:
羅兄所言甚是。今天的阿拉伯人基本上可以用一個字來形容:廢!仲有,所謂阿拉伯人或伊斯蘭世界與地球人一樣空泛。 2月4日 21:58

陶尚:
David, agree no more! 2月4日 22:04
邊個最樣衰?

所有評論

陶尚 - 2010年02月05日 11:41

不如腦震動一下。

羅剎人立於不敗之地,有石油、有Reserve,但受制於白俄同烏黑蘭、波羅的海四國及其他正在分離中的加盟共和國。短期難以發動大規模戰爭。但可以發動Poxy戰及銀彈。

Why?EU金融風暴爆發在即,波羅的海就快收皮。羅剎紅毛一定會買起渠。

陶尚 - 2010年02月05日 11:48

俺不太同意今期經人批評中國金融政策。雖然中國金融問題多多,但應該沒有歐美的差。而且渠行金融中央集權,最近幾次先知先覺急剎車。成效如何?俺不知道。但有危機感,輸極有個限度。
中國財政實力正處見龍在田之勢
中國金融霸權崛起?

陶尚 - 2010年02月05日 11:52

EU會否爆發金融風暴?俺不知道。但據說上次次按風暴後,個別歐美大行市值甚至超越法國。美國大行倒下有中美利加救,若果歐資大行福街,邊過可以救?

陶尚 - 2010年02月05日 11:55

CDS Spread、VIX、VIX遠期權權、S&P Volatility Surface會否是煤礦烏?

Chan David - 2010年02月05日 12:05

陶兄:俄國動歐洲不如動中亞。波羅的海三國一旦被吃,波蘭能不心寒哉?波蘭已加入歐盟,再加上三國,結果引起歐洲重新倒向美國,北約又可以加強矣。美國人求之不得也。現時三強的情況,已頗有劉備兼得荊益又尚未上演"分荊州"時的三國形勢也。美國為曹魏,中國為劉蜀,俄國為孫吳也。俄國現時寧肯坐看成敗,向中亞務實,向歐洲務虛,再等時機玩野。

Chan David - 2010年02月05日 12:08

陶公:小弟認為老外評中國金融,始終沒有包括資本賬未開放,中國政府可以打茅波這兩大因素。

陶尚 - 2010年02月05日 12:10

Lunch, back in the afternoon!

Whitby - 2010年02月05日 14:04

會不會打到月球上,開展星球大戰,又或者看誰首先殖民火星?

高渣 - 2010年02月05日 14:31

Whitby妹﹕唔係講笑,老八肯定係未來十年第一個在月亮上插旗嘅國家。要知太空科技同軍事有十分直接關係,更可帶動其他科研,老八有米,最適合用在此處,分分鐘比買美債實際也。所以小弟不太明斑馬仔為何仍要放棄登月計劃。

羅友恆_13284 - 2010年02月05日 14:40

高渣兄,你咪自己講左原因囉。老美掌握的太空科技,已經夠用有突,唔洗再養肥nasa班卡哪騷,留番d水去養大兵好過。老美登月,一d意義都無,若果話將人類移居月球,只係nasa班大帝為了自肥的天方夜譚。

羅友恆_13284 - 2010年02月05日 14:45

巴打,你話﹕小弟認為老外評中國金融,始終沒有包括資本賬未開放,中國政府可以打茅波這兩大因素。

其實老外精甩鞭,經濟學說金融理論也以老美最架勢,你話班友點會唔知???

唔講,只係想普通精仔唔知,將精仔既思維帶去陷阱誤區而已。

高渣 - 2010年02月05日 14:46

羅友兄,咁又係,小弟都係鍾意住殖民衛星多過月面城市,除非地面d乜礦物礦採哂至要打月球主意。

Chan David - 2010年02月05日 14:50

高渣兄:這個嘛,美國現時外憂內患,已無餘力兼顧。剛從雅虎讀到新聞,美國防部剛撤換監造F35戰機的主管,並延遲向洛歇馬田購買2500台F35的訂單。雖云該戰機尚有不足之處,然而以美國一貫之大洗,又豈會為此小事而延期炒人?蓋非莫財美國不會如此手軟也。單是開設工作職位和增兵至阿富汗已經夠煩的了,又哪有興趣開發太空?

羅友恆_13284 - 2010年02月05日 14:53

巴打,禾從前知道書越讀得多越蠢呢個尋常道理,不過都係近來,才領悟到以前d人點解會上山淨修,與世隔絕。原來,完全唔閱讀任何噪音文章一段長時間,個腦可以將用曲線諗野既能力排放出來,反為越讀多睇多聽多,思巧養成線性習慣。

小弟唔係叫你疏懶,不過,如果你夠膽冒“乜都好似唔知和跟唔上”的風險,可以試下半年乜野財經文章都唔去睇,淨係睇電視新聞,睇下有乜變化。

Chan David - 2010年02月05日 15:10

羅兄:同意!查實國內金融體系設計係以鬼佬果套做根基。而且只學到下乘之法矣。

忽發奇想,當日鬼佬教授死都唔肯收小弟為徒讀PhD Econ,卻又常常和小弟醫貓論金融,除了小弟心野,莫非尚有其他原因?一笑。

paul_ng - 2010年02月05日 15:11

羅兄 這很危險.

羅友恆_13284 - 2010年02月05日 15:14

波大,危乜能野險?願聞其祥。

羅友恆_13284 - 2010年02月05日 15:16

巴打,教授唔收你,係為你好。禾見過好多pizza hut delivery,因為背負個“朵”,成日逼自己好有睇法,好有見地,唔接納非主流意見,睇唔起無學術既智者,卒之變成孤芳自賞。

Chan David - 2010年02月05日 15:24

羅兄:小弟會盡力減省是也。其實小弟看雜誌,看完標題就好少跟。看新聞,也沒有細看。讀書,不求甚解,甚至近來連書也少看。但是非但沒有脫節,反而感覺更強。

paul_ng - 2010年02月05日 15:24

羅兄 成日唔蒲頭.無人識你.

羅友恆_13284 - 2010年02月05日 15:26

巴打,小弟睇法和你唔同。從前,當中國人經濟實力雄霸全球時,紅毛鬼仲住緊山窿,中國人點會唔明經濟係乜?

紅毛鬼果套,係用黎講的,小小事幹都要搞d乜野搏弈論來嚇你餐死,去街市咪又係果幾味!仲有乜叉交易成本,禾都無氣去講。

中國人無法去跟,但其實好了解,經濟學係用來解釋已發生現像,並非用來解決未來問題的。經濟,說穿了,就係存亡大事,唔死得,你講乜都得,亦“唔需要去交待你做過乜”!呢個係重點。

羅友恆_13284 - 2010年02月05日 15:35

波大,識禾把能咩?

paul_ng - 2010年02月05日 15:46

係既..真係把能用的時間盡用.一笑

Chan David - 2010年02月05日 15:55

羅兄:同意你一半。同意既係經濟係存亡大事,最緊要做得掂。唔同意,係始終到現在為止中國係玩唔好金融遊戲。冇錯,理論係死理論,不過唔到過彼岸就單靠感覺經驗,好易流於盲動。

Chan David - 2010年02月05日 16:03

波哥:你好!

羅友恆_13284 - 2010年02月05日 16:04

巴打,中國搞唔好金融,個道理係大學教授都講唔出口的。

舉個粗疏例子,日治期間,軍票係金融工具,換而言之,金融背後其實係軍力也。

假如中國軍力今天可以打到去火星,你話人仔值幾錢?要搞到鈔票值錢的事,就係金融也。鈔票一文不值,國家金融就無從說起。

中國唔係唔明,就係因為明,所以先要跟在老美背後。唔夠人打的國家,係無金融政策的,就正如日本。

paul_ng - 2010年02月05日 16:10

hi Chan David .一笑

paul_ng - 2010年02月05日 16:13

[係始終到現在為止中國係玩唔好金融遊戲。]慢慢來...

paul_ng - 2010年02月05日 16:16

看多一點歐美金融敝處.比較穩當.

羅友恆_13284 - 2010年02月05日 16:18

巴打,分析就如打功夫,慨念越簡單越好,越複雜化只淪為表演。李小龍大師的武術哲學就係越少動作越有效。

禾以前在壇好多財經野講,因為當時乜都諗,係諗明天會點這種無聊事。現在知道係多餘的,在時勢中抓住中心幾個就夠,雖然可能係好耐之後先發生,但係知道會係點的話,則一兩個重點就乜都夠用了,其他的每天起跌升降噪音,通通唔理就是。所以,現在唔會講財經野了。

美匯有排強,歐羅唔夠砌,黃金係夢幻,人仔越唔值錢就越值價。就係知呢幾樣野,其他一慨唔知了,當然,美股和美匯背馳等等的濕星野,跟住做就是了。88

Chan David - 2010年02月05日 16:21

羅兄:你講呢點我都一直好同意亦好主張wor。然而小弟認為除外因,內部自己缺能力制度玩轉金融亦都係另一主因。等於有人日日怨自己冇李嘉誠的錢所以做唔到生意,但係對呢類人來講就算俾佢有誠哥副身家都係敗左去。副身家只係一半的原因,自己的本事係另一半。

非常對不起,羅兄,小弟始終只能同意一半也。

Chan David - 2010年02月05日 16:25

美匯有排強,歐羅唔夠砌,黃金係夢幻,人仔越唔值錢就越值價 -> 羅兄:小弟都一向係咁主張wor。再加一條,加紙頂得緊。哈哈,差別唔係好大jer。

守真居士 - 2010年02月05日 17:05

David兄:你的大作,我missed了好多篇,只有他日回Chick island再看貴blog,now just say hello, as limited by time.

羅友恆_13284 - 2010年02月05日 18:45

巴打,小弟從兩年前財演在油價147叫上,澳紙97叫一算,到去年黃金未到千二就睇兩千,澳紙上90就叫一算。化了,呢班卡喇騷,分別只係在國際傳媒和地檔經紀之分,底子係一樣的。歐羅見150時,大叫美匯玩完,叫人買金,如金歐羅135,又話歐羅有危機。

你知點解禾而家唔睇財經。睇黎其實係浪費時間,讀的人以為越讀得多就越博覽,原來只係慢性服用忽得cocktail。

中國經濟(金融),個人覺得,根本無從去睇,因為,這個實驗場從來未有出現過,唔能夠用過去經驗或現有知識去分析的。唔分析總有分析,也只能從文化、歷史、國際局勢中去探索。個人堅信,西方(老美)出現過的“把戲”,只會在中國老番一次,場景唔同,但腳本一樣的。

小弟見過百家樂連開四鋪“和”,亦見過有條傻仔真係連買四鋪中哂。世事野,無理由會被禾地估得到的,既然如此,就用感覺去處理好過了。

Chan David - 2010年02月05日 19:50

守真兄:多謝支持,and hello to you too! Look forward to further talking! Which city of China are you in?

Chan David - 2010年02月05日 20:10

羅兄:同意!小弟在舊年收爐果篇文章解答一些讀者的醫貓時提過:小弟不看大行報告,不理其他文章,就是不想受影響。正如你提起他們對貨幣的評論之亂龍,小弟聽到外行人提起D鐵礦價會受需求下跌而下跌一樣把火。那些看法忽略邊個係玩家。

陶尚 - 2010年02月05日 20:48

撞鬼,忙到而家…

看來,都係呢邊禾口言皆點…

陶尚 - 2010年02月05日 21:11

大為兄:

'...俄國動歐洲不如動中亞...'

俺的意思是一旦波羅的海三國出現財困,羅剎人或會有條件出手。雖然羅剎人船堅炮利,但以武力揮軍中亞他們似乎有點顧慮。

'...美國為曹魏,中國為劉蜀,俄國為孫吳也...'

好句!但中亞有油礦,歐洲有油管。油礦羅剎人大把,但其油管主要由東歐輸出。故其焦點可能仍是歐洲。

'...始終沒有包括資本賬未開放,中國政府可以打茅波這兩大因素。...'

好句!換言之,香港仍有優勢。

'...美國現時外憂內患,已無餘力兼顧。...'

在歷代大帝國中,美國的武功應是最屎。真的冇奶油!也許這是無力再戰的理由罷!

'...同意!查實國內金融體系設計係以鬼佬果套做根基。而且只學到下乘之法矣。...'

俺以為近年老八嘅金融政策不錯。其最大優點是知恥近乎勇,及有危機感。不要忘記,紙幣和匯款是中國發明。

'...當日鬼佬教授死都唔肯收小弟為徒讀PhD Econ,卻又常常和小弟醫貓論金融,除了小弟心野,莫非尚有其他原因?...'

有趣,世事嘅嘢有好多內情如果知道會好攪笑!

'...小弟會盡力減省是也。其實小弟看雜誌,看完標題就好少跟。看新聞,也沒有細看。讀書,不求甚解,甚至近來連書也少看。但是非但沒有脫節,反而感覺更強。...'

好讀書,不求甚解!

'...美匯有排強,歐羅唔夠砌...'

俺正研究EU的材料…

Russia Oil Geopolitics

陶尚 - 2010年02月05日 21:20

友恆兄:

俺只回應一句:友恆的看法原來大有來頭,牛津大學創校時代有個神哲學家Ockham講過一句剃刀理論:

entia non sunt multiplicanda praeter necessitatem!

Ockham's razor

羅友恆_13284 - 2010年02月05日 21:32

陶公洗唔洗出埋牛精大學既剃毛刀來對乎小弟呀?小弟只得中五程度,唔洗甘刮,求其吉列白金刀片就得喇。

羅友恆_13284 - 2010年02月05日 21:44

巴打,早兩年爆煲之前,有間現在被人買左既大行首席分析員俾份報告禾睇,禾口窒窒問左條友幾條拒答唔出既問題。幾個月後,有間拒睇會升幾成既基金跌淨十個巴仙,偏偏就係當天小弟細路仔唔識世界差論住拒果間。

早幾天袋鼠麥記有個電視訪問,如今震動全球,皆因在proprietary trading room裡面,有條trader係到睇鹹相,個景像直播左出街。麥記幾經考慮,剛剛決定唔炒條友(因為國際網民大力支援)。但可想而知,班友係幾斷估。

投行係賺錢專家,而非經濟行家。此言非虛也。

Chan David - 2010年02月05日 21:51

陶兄:俄國佬輕易不會和美中搞和也。要知道現在大家鬥耐性,看誰先打破遊戲規則也。你亦說起過兩儍。兩儍不儍,歐洲在等三強誰先沉不住氣,誰先惡貫滿盈,誰先攻打其他人。

羅友恆_13284 - 2010年02月05日 22:16

巴打,早兩天居然有萬幾人集會叫普京下台,你話乜料?

Chan David - 2010年02月05日 22:22

羅兄:哈哈,我地經歷好相似!三年前有基金公司向小弟兜售原材料基金。佢地雖然識得三大,但係人地真係有幾把炮佢地真係唔知。居然在買左唔夠半年叫我賣,那時才起了10-20%。佢地夠膽話因為阿爺係大客,所以談判會有優勢。小弟熟知餅仔會操作方式,采佢都儍,揸多十五個月,賺約250%。之後到小弟要轉入parking fund時,佢地又叫小弟唔好,話美金跌會升,完全冇留意餅仔會的情況,所以小弟再次采佢都儍,結果保住賺到既錢。

Chan David - 2010年02月05日 22:24

哈哈!羅兄,有人做緊野wor!

Chan David - 2010年02月05日 22:40

"拿,依家禾同人講緊數,唔好lum住玩野攞jetso。My eyes are on you!"

陶尚 - 2010年02月05日 23:04

政治好玩嘅地方係冇得估…

陶尚 - 2010年02月05日 23:10

Risk! Risk! Risk!

Risk

陶尚 - 2010年02月05日 23:14

有冇玩過?
Axis & Allies

Axis & Allies

羅友恆_13284 - 2010年02月05日 23:24

無得估?百家樂兩隻牌,唔洗估,無得吹,無謂頂,無須mit,有路定無路,全憑感覺,個一刻,好玄的。

晚安,88

Chan David - 2010年02月05日 23:36

Risk,board game玩過,太易玩。So does Axis and Allies。

吴清心 - 2016年03月19日 00:33

(此留言己被博主刪除。)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。