網站編輯's 的頭像

網站編輯

內地蠱惑房產經紀 賣樓滿布陷阱

《信報》偵查報道:過去十多二十年,相當多香港人都在內地投資房地產,但在內地卻是買樓容易賣樓難。內地地產經紀良莠不齊,損害香港業主利益,現存二手房的交易模式對香港業主的產權毫無保障。本報記者過去兩個月跟進張小姐出售內地一個物業的全程,發現內地房地產經紀以拙劣的手法食價,交易過程又陷阱處處【表】,本來「方便」的交易公證委託方式,更可能令香港業主損失整個房產而無法追討。香港業主出售內地房產物業時千萬要小心!

張小姐四月通過番禺的地產中介(經紀)公司把當地物業出售,但在交易過程中卻出現糾紛。過程更顯示有香港數一數二的大型地產代理在內地的分行「冇王管」,經紀做私單,小型經紀行則壓價和食價。

要求重新簽訂買賣合同

在國十條出台前,內地房地產市場熾熱,張小姐本來把自己在番禺的物業獨家交予香港一家很有名的地產代理公司,並說明其意向價,但有關代理數月來沒有帶一名客人看樓。反而其他經紀每天數個電話,說有客人願意以較接近張小姐的意向價買入。其中一位小型地產公司的經紀更指出,該買家已經看過同一户型的單位,可以不用再看,並馬上簽約。經過磋商後,張小姐遂決定通過該小型地產經紀出售物業。可是簽訂三方買賣合同後,連串麻煩隨之而來,經紀不斷更改交易安排甚至合同。

本來三方已經協定買家在國內付大訂,待張小姐償還按揭貸款,取得房產證(樓契)後,雙方在香港簽訂委託公證委託代理辦理過戶手續,張小姐也在香港收取房款餘額。

在簽訂買賣合同並收取二萬元人民幣小訂後,張小姐已經在辦理銀行提前還貸,但地產經紀卻變卦,要求張小姐在內地辦理過戶手續和支付房款餘額。

當張小姐與買家和代理一起到銀行收取大訂當日,地產經紀突然帶了「買家的姨仔」,並要求重新簽訂一份買賣合同,寫上「買家姨仔」的名字,其他條款不變。

張小姐覺得事有蹺蹊,拒絕簽署新合同,堅持執行第一份合同。最後經紀強搶張小姐的合同,雙方不歡而散。地產經紀隨後不斷致電張小姐要求取回已經支付的二萬元人民幣訂金。張小姐惟有尋求內地律師代為善後。
(節錄)
全文

所有評論

揸FIT人 - 2010年05月31日 09:21

文中所讲的漏洞是真的。我自己都买过都好有体会。基本上要讲个“信”字!

aglam - 2010年05月31日 15:30

文中的經紀比較大貪,但更常見的是小貪,不理業主意向亂咁來真係好多…例如為了租金(即佣金)多幾百而應承租客全新傢俬而實際上業主話過唔換的,到簽咗合同至話你聽,重覺得自己同你「爭取」到高啲嘅租金好威威,你應該感激佢咁滯…真係完全當你死嘅!

揸FIT人 - 2010年05月31日 15:40

小贪的收你介绍费(银行)和评估费。 哈!

aglam - 2010年05月31日 16:37

Fit 兄:嗰啲算中貪啦,我講緊嘅畸屎係將租金提高兩舊水咁大把而屈個業主換全新傢俬呀!

咦,乜評估費唔係銀行收嘅咩?銀行咁多點解要介紹?

揸FIT人 - 2010年05月31日 17:23

我都以为评估费银行收, 但银行调二打六又叫我直接比中介,你话古唔古怪! 介绍费当然系好似我呢D唔系好qualified 去买楼的人比中介“介绍”相熟银行做mortgage. 不过阿爷要打压所以去年秋季后都无呢支歌唱咯。

aglam - 2010年05月31日 17:56

咁可能銀行仔同中介夾埋 mark up 你都唔定,走又唔會走咗你的,因為全部落格要問你攞多次也…

咁即係話你唔止一套?但四月出咗政策之後好似話深圳都重有外資銀行肯同你側側膊上會喎…而且啲銀行呢輪同中介一齊食西北風,你 walk-in 佢都不知幾開心,有中介賣到樓介紹俾銀行,應該佢俾介紹費就差唔多啲…你係樓市好熱時買定嘞…

揸FIT人 - 2010年05月31日 18:16

哈哈,内地楼市, 就算一线城市都种有好多水位o架, 系谢国忠呢D学术派先日日话泡沫楼市末日。 具体就唔方便呢到讲啦!

aglam - 2010年05月31日 19:02

咁謝國忠又真係講咗好耐…不過唔及我舊老闆,由2006年中一味話 A 股隨時崩盤,講到 2007年尾我走人重講緊…問你服未?

咁佢地講嘅都係真理,一定會發生,不過好似曹 Sir 話八萬五咁,在錯誤嘅時候出現啫…

中介搵笨不限於賣家…順便睇埋宋有財呢單…
連宋有財都差啲俾經紀昆咗…

揸FIT人 - 2010年05月31日 23:15

哈哈, 财哥有命离开算佢走运!

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。