風, 林, 火, 山

 660  徐如林-疾如風

前天竹本兄在信壇 shameless 聚餐會上, 講題中有“ 風,林,火,山”, 珠玉在到前, 小弟來個狗尾文, 望竹本兄不要見笑 !

其實 “ 風,林,火,山” 同我地投資係有緊密關係.
技術分析中 “ 陰陽燭 “ 的始創人”本間宗久 Sokyu Honma “ 生於日本17世紀( 約 1724年), 佢出生於日本洒田市 (亞信的故事—亞信的家鄉 ),當時日本係處於一個經濟繁榮期, 洒田市在17世紀時是收購同銷售大米的集散地,因此洒田市成為大米的最大交易場, 本間宗久一生致力於米價行情研究, 包括行情波動, 大米季節性變動, 天氣變化如何影響大米行情, 打仗, (即係fundamental analysis) 大戶造市心理 ( 原來17世紀己經有大戶做市 ), 投機因素 等等. 經過40多年研究, 本間宗久為了有效傳遞訊息, 派人上屋頂以旗號傳米價消息, 由大阪傳至洒田市, 由於本間宗久膽色過人又有做基本分析又掌握技術分析, 因此名燥於洒田市米市交易所. 其後本間宗久進軍大阪堂島米市交易所 ( 當時最大的米交易所), 同時將訊息傳遞回洒田市. 後來本間宗久更前往江戶, 所到之處萬人空巷, 由於預測準確, 人們叫佢做 “ 市場之神 “

當時日本已出現 “大米倉庫票據” 形式交易制度, 其實第一張期貨合約應該在17世紀大阪堂島米市交易所出現,

由於本間宗久預測準確, 晚年時幕府天皇請佢做財政首席顧問, 封武士稱號, 於享和三年 (1803年) 去世, 享年79
本間宗久作咗本 “本間宗久翁密錄 “密錄有100多條有關條文式的記載, ( Technical analysis ) 後稱 < 酒田五法 >同 <風,林,火,山 >, 並無圖形版本. 圖形版本幾時先有 ? 經過考究, 第一本圖形版本 “ 證券買賣秘寶 “應該係在1949年 ( 昭和24年).出現

< 酒田五法 > :
1) 三山
2) 三川
3) 三空 ( 裂口)
4) 三兵 ( 三個白武士, 三只烏鴉 )
5) 三法 ( 買, 賣, 休息----非常重要, 即不適當時候不做買賣, 唔好磨爛蓆)

<風,林,火,山 >
1) 疾如風 : 行動要迅速, 如疾風掠過, 以迅雷不及耳狙擊敵方
2) 徐如林 : 部置行動時猶如靜止的森林, 步履要肅穆, 嚴整, 不驚動敵人, 不打草驚蛇.
3) 掠如火 : 狙擊敵方時如同燎原烈火, 要銳不可當排山倒海一舉攻破.
4) 不動如山 : 場外觀望時, 靜止猶如山, 嚴陣以待, 做好隨時狙擊的準備

由本間宗久事績來看其實基本析及技術分析是可以互相配合

 20100801-DJ 掠如火
 20100801-HSI 掠如火
阿信的故事 翁倩玉

所有評論

Wisely - 2010年08月02日 00:50

QQKK兄,『不動如山』,好。

BooLoo - 2010年08月02日 00:56

還有孫子兵法啊!

竹本疋虫 - 2010年08月02日 01:21

QQKK兄:
My version:
疾如風:見機會一出現,計過risk/reward ratio制得過,就要立即計trade size同set order(但未必係現價trade,唔好搞錯),唔好十五十六 procrastinate。贏錢都驚,就冇錢去填D 「試水bet」同outright losses,遑論賺錢。
徐如林:除咗broad trading-range break-out,永不追高。市場係以短期樂觀/悲觀交替運行,zig-zag-zig-zag-zig-zag,好似鐘擺咁,其實好少上唔到車。「追高」祇係「怕蝕底」心理作祟耳。等個市去我個心水價,好過我慌失失追個市價。A gentleman never hurries;響《黑天鵝》Taleb都叫人無謂追巴士。
掠如火:Dead sure自己啱;及對家係錯時都矇查查時,就要用leverage博盡。Soros狙擊英磅,同Paulson bet against sub-prime都係咁。
不動如山:冇嘢須做時,就由得佢冇嘢須做。武田信玄唔開片時,都會返甲斐/諏訪嘆世界同生仔。
My two cents;獻醜。

多謝關於本間宗久嘅有趣故事。本間さん有D似Nathan Rothschild同範蠡D人。

Wisely - 2010年08月02日 01:34

竹本兄,佩服。謝謝分享。

葉永昌 - 2010年08月02日 08:02

QQKK兄﹐shameless 聚餐會重有mut堅料﹖

陶尚 - 2010年08月02日 08:03

Any book on 本間宗久?

陶尚 - 2010年08月02日 08:09

陶朱公范蠡可謂其中的表表者。其助越王勾踐復國一事,更是顯出其為大政治家中的佼佼者。當勾踐復國之後,他了解勾踐是一個可以共患難但不能同安樂的人,於是他以六十八歲之高齡毅然棄官而去。他到了當時的商業中心陶(即今山東的定陶縣)定居,自稱「朱公」,故人稱他為「陶朱公」。他根據市場的供求關係,判斷價格的漲落,即「論其(商品)有餘和不足,則知(價格)貴賤」,且以「賣賤取如珠玉,貴出如糞土」投機炒賣,在十九年內有三次賺了「千金」之多。但陶朱公仗義疏財,從事各種公益事業,使他獲得「富而行其德」的美名。

陶朱公經商秘訣在於掌握經濟周期。他生長在農業經濟時代,明白農業有很強的季節性,每年氣候不同,產量了就不同,對市場價格有重大影響。以「六歲穰、六歲旱,十二年一大饑」這個規律,他豐年就大膽收進;在大旱年物價上漲時,他就盡量拋售。這樣陶朱公不但自己致富,也為平抑物價、避免豐收年穀賤傷農與飢荒年民不聊生做出了積極的貢獻。

加客 - 2010年08月02日 09:41

可惜,小弟未能參與盛事,年中唔見不少。

金木水 - 2010年08月02日 10:11

good! thx QK bro~

j

jesang - 2010年08月02日 10:20

蕉!我地中國人仲叻,三個字講晒:快狠準。

H

HSLAM - 2010年08月02日 10:30

師兄們,咁"蔭"同"雷震"又點解?太唔啱音,唔放埋一齊?

H

HSLAM - 2010年08月02日 12:10

Sorry, 喺D網cut and paste 錯字,係"雷霆"。

筆非得 - 2010年08月02日 13:30

小弟巧多年前睇的第一本Technical Analysis的書,是William O'Neil的“how to make money in stocks”,仲有John Maggee,John Murphy等等,當然還“研究”過兩本Japanese Candle的書。不過,呢D野都系,講就天下無敵,做就無乜能力。可能小弟悟性不高吧。

筆非得 - 2010年08月02日 14:05

O'Neil話,他的CANSLIM要在牛市先有效,還要結合基本分析先得,這點很重要。不過,好多人系去到牛三先確定系牛市架。

竹本疋虫 - 2010年08月02日 14:28

筆非得兄:O'Neil本書上週六小弟都有帶去大食會畀壇友揭。其他兩會係Reminiscences同Stanley Kroll on Strategic Futures Trading。

捉市底係純憑經驗:低成交、悲觀情緒、panic、forced liquidation、「斬頭」同壞消息但唔跌等等,無書可教。

trashtalking - 2010年08月02日 14:36

竹兄,多謝週末賜教,尤以按性格執行投資決定直頭扑到小弟個腦應一應......言下之意,個人性格跟個人如何選取經得起長期考驗嘅可信指標係咪大有關係?

A

Adic - 2010年08月02日 14:46

書一定要睇,經驗可能更重要.祇不過好多人炒賣多年仍然輸多嬴少,因為佢地只有經(過)而冇驗(體驗),如竹本兄第一年炒賣輸錢而冇去好好思考點解嘅話,又如何可以以後做長勝將軍揸大旗呢.

竹本疋虫 - 2010年08月02日 15:00

trashtalking兄:Scalping、短、中、長線;「價值投資」、「技術投機」本身無inherent好壞。贏錢與否係trading system、自己性格同財力配合嘅function。想象一個劍客同自己把劍夾唔夾已差不多。
Adic兄:輸錢係痛苦嘅。多數人輸完就想盡快忘記個experience,唔肯回頭諗佢,何況dissact佢嚟搵自己錯響邊?

A

Adic - 2010年08月02日 15:20

的確好多人輸完痛完都唔知發生咗咩事,下次個市興烚烚個陣又中個头落去

筆非得 - 2010年08月02日 15:28

竹兄所言甚是。書一定要多看,但”Learn by doing“是唯一的有效途徑。這是O'Neil也推崇的Gerald Loeb的名言。Leob的“The Battle for Investment Survival”相信竹兄早已看過,小弟認為很值一讀,小弟一看過多遍,實戰中和Graham/Dodd的“Security Analysis”一起運用,很有幫助。拔,Learning by doing至關重要。

trashtalking - 2010年08月02日 15:39

小弟又受多竹兄一掌,經脈又通番,係時候研究點樣打好套拳......

筆非得 - 2010年08月02日 15:49

Adic兄,股市沒有長勝將軍,輸少贏多已算成功投資(機)者。(一笑)

A

Adic - 2010年08月02日 16:02

筆兄,非常同意,我指嘅長勝將軍當然唔係話次次都嬴,神仙都唔得啦,祗係係一個時段內let said one year中的最後結果係嬴,而又能連續個十年八年嘅話,我就當佢係長勝將軍啦

陶尚 - 2010年08月02日 16:33

小弟有幾樣嘢唔電:其一炒金…

陶尚 - 2010年08月02日 16:33

五行欠金!

陶尚 - 2010年08月02日 16:34

其二Technical Analysis…

trashtalking - 2010年08月02日 16:37

陶兄,禾阿媽成日話禾五行欠鬧......

陶尚 - 2010年08月02日 16:43

俺是樁大畢業…

QQKK - 2010年08月02日 16:47

陶尚 兄 今日事忙, 現在才浦頭.

本間宗久書, 中英文都冇! 日文就揾到本本間宗久(そうきゅう)翁秘録, 可能要揾竹本嫂幫你翻譯.
マンガ相場の神様本間宗久(そうきゅう)翁秘録 酒田罫線法の源流

相場の神様本間宗久(そうきゅう)翁秘録

QQKK - 2010年08月02日 16:49

下次去日本都要買番本 ! 唔識睇都要放係書架 !

QQKK - 2010年08月02日 16:55

竹本兄果眞利害, 小弟的 "風,林,火,山 " 係停留在- 戰術 level ( 睇陰陽燭的形態 ), 竹本兄己經係 戰略 Strategy 層次運用"風,林,火,山 " !!!!!

QQKK - 2010年08月02日 17:16

小弟二十多年前係在信報學技術分析, 果陣信報會教 MA,RSI, MACD, Stochastic.....及陰陽燭..., 小弟當時對鬼子佬DMA,RSI, MACD, Stochastic..冇興趣 ( 覺得冇乜理由 ) 但一接觸 "陰陽燭", 覺得對口, 開始跟信報學, 重眞係買 GRAPH paper 自已畫, 畫到眼都濕, 工程重大, 每一只畫一卷紙 ( 只可畫10多只), 但跟圖買又眞係揾到食, 記得有只72号跟圖買升咗十幾個巴仙, 個個都話要走, 但我話跟圖, 未出訊號唔走, 結果升咗7X 幾個巴仙出個個穿頭破腳才走. 二十幾年前升7X巴仙係好利害. ( 果陣東亞, 5號仔每日都冇乜波幅 ),

所以兄弟們想學好技術分析, 我介紹你一個方法, 去書局買D graph paper 番嚟, 畫乜呢 ? 畫 RSI, 揾恆指 畫 RSI畫二年日線圖 ( 要自己用 RSI formula 自己計, 再畫圖,)包你有得著 !!!

守真居士 - 2010年08月02日 17:25

QQKK大哥:共产党都有風林火山絕招,運動如風,条例如林,收費如火,架構如山....

竹本疋虫 - 2010年08月02日 17:46

Let me venture a summary:
「本間さん、Nathan Rothschild同範蠡」用現今眼光去睇,係天生嘅commodity speculator。

Re trashtalking兄:「個人性格跟個人如何選取經得起長期考驗嘅可信指標係咪大有關係?」
當然!奀挑鬼命公點拿青龍偃月?李小龍亦大概學唔到太極劍。
以小弟為例,我鍾意閑暇最怕緊張,若用密密出signal嘅indicators日日炒實自取其辱。我用RSI同MACD祇係因為佢哋條formula夠問單、夠robust,佢哋遲但唔曉出D無稜兩可嘅signal。我仲要將佢哋校到死咁長……
若可能,小弟梗希望憑「價值」尋寶。但如今因為周街fake liquidity,bargain如何搵?唯有用T.A.投機賺price changes。

竹本疋虫 - 2010年08月02日 17:50

筆非得兄:坊間有大把paper trading「大賽」。Jesse Livermore 對呢吓嘢有以下睇法:

I have heard of people who amuse themselves conducting imaginary operations in the stock market to prove with imaginary
dollars how right they are. Sometimes these ghost gamblers make millions. It is very easy to be a plunger that way. It is like the old story of the man who was going to fight a duel the next day.

His second asked him, "Are you a good shot?"

"Well," said the duelist, "I can snap the stem of a wineglass at twenty paces," and he looked modest.

"That's all very well," said the unimpressed second. "But can you snap the stem of the wineglass while the wineglass is pointing a loaded pistol straight at your heart?"

QQKK - 2010年08月02日 18:03

守真兄眞對, 老八我等廠佬簡直掠如火, 取我財則疾如風, 要佢做嘢佢就徐如林, 唔濕水則不動如山 !!!

竹本疋虫 - 2010年08月02日 18:03

QQKK兄:Stanley Kroll話響「一流預測系統加九流戰術」同「九流預測系統加一流戰術」之間揀,實揀後者。因為若戰術九流,水晶球畀我睇到下月HSI 23,000,我都可以左一巴右一巴勁輸。
但一般小投都係「第三者」:「貼士預測系統加『零』戰術」。

BTW,廿年前仲有poster咁大本嘅Knight Ridder期貨十年圖時,小弟都係每週用手update。對圖對得多,習慣咗個ebb and flow,會開始有「第六感」—— 其實祇係因為以前見過。(笑)尤其是牛熊陷阱。
另,睇慣期貨圖D變態volatility,睇返股票圖就會覺得“piece of cake”……

QQKK - 2010年08月02日 18:05

typo : 老八對我等廠佬簡直掠如火

QQKK - 2010年08月02日 18:08

竹本兄 冇錯自己畫圖就係要得到D「第六感」

陶尚 - 2010年08月02日 19:18

老八培養不少企業家…

陶尚 - 2010年08月02日 19:19

更正:老八不能培養企業家…

BooLoo - 2010年08月02日 19:34

QK哥, 關於音洋棍, 小弟傾向相信相反理論, 即係大洋棍出貨大音棍入貨十字星睇戲, 即係基本上只會響收市前才動手. 還有日高比日高或日低比日低來估走勢. 拔, 紀律唔巧, 盈埋唔夠輸無謂錢呢. 哈

BooLoo - 2010年08月02日 19:38

paper trading? 噢. 小弟認為勝負的關鍵在心理素質多個技術質素. paper trading無痛無癢, 只會令人變痴呆吧? 哈

陶尚 - 2010年08月02日 20:38

紙上談兵,天下無敵。同意BooLoo哥!

竹本疋虫 - 2010年08月02日 21:29

Heads up, folks. Just completed my homework.
By today we got a classical retail tip-sucker trap at hand. Time to be "still like a mountain."

From what I remember from 20 years in the markets, I'm willing to bet my reputation on a fast, nasty bull-squeeze of at least 5%, designed for clueless retails buying from what they gathered from friends and the media.

Wisely - 2010年08月02日 21:40

竹本兄,『nasty bull-squeeze of at least 5%』,收到。謝謝。

QQKK - 2010年08月02日 22:20

BooLoo 今時今日D音洋棍得番幾種值得留意...

祖以斯 - 2010年08月02日 22:24

謝謝QQKK兄,竹本兄,同咁多位嘅分享,又學到嘢喇! :-)

QQKK - 2010年08月02日 22:28

睇緊明珠台講紅酒, 眞係無商不奸, 加咁多毒物落紅酒, ....大獲, 前晚吹完水返屋企先開咗支嚟飲 !

祖以斯 - 2010年08月02日 22:39

QQKK兄,不如飲多一支,以毒攻毒啦.

BooLoo - 2010年08月02日 23:14

大家最巧還要有一兩本哲學書防身呢. 正確的思考方法比什麼都重要啊. 哈. 小弟唔知醜.

祖以斯 - 2010年08月02日 23:22

BL兄,<李天命的思考藝術>算唔算?

BooLoo - 2010年08月02日 23:28

祖, 頂瓜瓜! ^^b

祖以斯 - 2010年08月02日 23:33

:-)

竹本疋虫 - 2010年08月02日 23:37

祖以斯:當然算!「語理分析」提倡先釐`清命題嘅意思。
問財演:「您嘅意思係?」佢哋多數冇確實答案。即係就算想理會佢地都冇得理,於是慳返大把時間。

祖以斯 - 2010年08月02日 23:59

竹本兄,係呀!D財演都會講好多tautology嘅example. 哈哈!

竹本疋虫 - 2010年08月03日 00:43

若穿二萬二,就*有機會*見22,001。若穿萬九,就*有機會*見18,999。

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。