畢老林's 的頭像

以洞察的眼光,發掘市場背後有血有肉、有啟發的人和事。

財Q與恒指的「十針對決」

 在此輸入圖片註解

《信報》投資者日記:......記不起是2006年世界盃還是08年歐洲國家盃,《經濟學人》發表過一篇論述球迷心目中偉大球星的應景之作,文中有球迷問:「C朗好波定比利好波?」一般人的直覺會驅使他們這樣回答:「你傻㗎?」《經人》的答案卻是:「將上世紀六七十年代的球賽速度放在今天,用不着C朗、卡卡、美斯這些頂級球星,即使質素中上的現役球員,在如此易於發揮的比賽節奏下,是否就必定輸於比利、華華以至尤西比奧?

這一反問,意思再明白不過:只有在公平對等的條件下進行比較,得出的結果才有參考價值。反過來說,當年的偉大球星若在今天的比賽速度下作戰,是否還能技驚四座振奮人心?由於無法證實,永遠是一個謎。

老畢對財Q的選股能力並無懷疑,我想知道的是,就像六七十年代技術優秀的球員,真功夫以外,利於發揮的客觀環境(球賽節奏緩慢空位甚多)幫了他們不少;財Q「開業」以來有此戰績,除了功課做足輔以選股系統外,有多少是拜港股市底壯旺這個客觀因素所賜?

為了求證,老畢以大市表現,跟Q仔來一個「十針對決」(韓劇《醫道》中有「九針對決」一幕,財Q推介十隻股票〔以12月10日最新名單上股份為準〕,因此多加一針)。此子在某月某日推介過哪一隻股票,老畢就以當天恒指至今表現(以11月12日收市水平為準),一針鬥一針,優勝劣敗,一目瞭然。

從附表可見,財Q推介十隻股票跟恒指同期對決的結果是:七勝三負(七隻跑贏恒指,三隻跑輸)。換句話說,比起得市底壯旺之助仍然跑輸指數甚至累客輸錢的基金經理,財Q的表現絕對不賴。

老畢擔心的是,在資金充裕清風送爽的環境中投資,爭取比大市高數個百分點的回報,雖並非一般人想像般容易(強積金成立以來令人搖頭的整體表現,足以說明一切),但揀股能力稍強的基金經理,大部分皆可做到,情況就如不同年代的出色球員,在節奏慢空位多的比賽環境中,大都能夠盡情發揮,光芒四射。相反,在速度快壓逼感重的環境中比賽,球員的心理質素競技能力才會受到真正的考驗。

上世紀六七十年代的天皇巨星,在對球員要求高得多的今天作賽,是否還能保持王者風範,在下不知;財Q在大市轉勢逆境降臨時,能不能保持開壇以來的佳績?不用急,時間總能證明。

(節錄)
全文

所有評論

羅友恆_13284 - 2010年11月13日 07:20

還記得98爆煲前的神童輝嗎?在資金推動的樓市中,你有水喉射住,你就係地產神童。投資成積和真才實學,在那一刻係絕無半點關連的。

在下曾經話過,財Q有兩條路可走﹕

1。走馬經貼士路線。十貼七中,就係本事,無人會計較點析出黎,話知你晚晚劃符乩;
2。走實在的分析路線。但唔該講野要有憑有據,唔好斷估就話係分析。

現在資金流踹,買股市向上的成數點都中左八成。看來,信報好快會有“神童Q”的誕生。

羅友恆_13284 - 2010年11月13日 07:28

兩年前,曹sir和大C在報上都爆發過邊個講中和講唔中的無聊口水戰。何必?

要講中,有好多原因(包括符碌斷估或抄人);要講錯,亦唔係分析出錯的必然結果,因為市場外力豈為人可去測?

能夠話以分析而測得較準,亦唯有較長時段的中長線宏觀為主的分析。短線即時即日即月式的“所謂”分析,聽下睇下咪算囉,會上心的人,都係老散之流。正如會睇馬經跟貼士去買馬既人,只係普羅賭仔而已,談不上去論馬。

羅友恆_13284 - 2010年11月13日 07:44

從信報專欄標題天天用“勢必”呢種無真才實學評論員先會用的“加強語氣”詞語,信報其實天天在退步中!

退步後的信報,向讀者供應的,亦只係退步的訊息。吸收“退步訊息”,結果可能和進食過期的加工食品一樣,食到飽飽滯滯,但身體一d得益都無。

禾好慶幸經已停訂,因為,續訂只會令自己“驚死蝕底”而鑑硬乜都睇下。係唔係都睇下的話,就好似見到過期變漲的加工罐頭食品,唔想浪費,隊埋落肚,食壞自己。

釗藝 - 2010年11月13日 10:05

羅兄一針見血,評股還論高低,可休矣。

my206 - 2010年11月13日 10:28

罗兄经常提点信报,信报真系多得你唔小。

Sota - 2010年11月13日 10:29

講中和講唔中 of secondary importance. Major point is even the basic concepts are INCORRECT - covariance and coefficient correlation very different WOR - spilling rice! Oxford Theory of Force - spilling sxxt! No inflation WOR based on the stupid gov't statistics - go and read A. A. Alchian's work decades ago!

And plagiarism from foreign journals are another major problem! Now information flow is so fast and transparent. Would HKEJ DO NOT do what it was doing in the 1980 and 1990, copying ideas and titles from Economists/FT and make others believe it is his!

羅友恆_13284 - 2010年11月13日 10:35

釗公,現今的信報,係寫俾老散師奶8、9十後睇的,文風亦以呢個層面讀者以依歸。正如王晶電影,係拍俾某階場人士鑑賞一樣。不過,賣座就係真理。

信報唔會介意較專業既讀者流失,因為老散級先係攻堅搶灘既對像。

歷史係代表過去,過去唔可以挽留。舊信報讀者和曹sir,都好應趁最佳時機退下了。再留下去,只會害苦自己。

危睛 - 2010年11月13日 10:41

幸好,老畢有一點講得對的是球星的比喻,在不同年代、不同環境比較球星的水平真是不知所謂。

其情況等於是用70年代年輕人置業想法放在2010年,把甚麼在過去行之有效的原則一直用下去一樣無聊。

Wisely - 2010年11月13日 10:45

信報疑似自我製造『明星』。

Wisely - 2010年11月13日 10:45

如R7與羅總想證明“咩Q嘢”炒股票必賺的話,可以請R7出資1000萬元,給予“咩Q嘢”炒股票。但條件是:

(1)賺了歸“咩Q嘢”與決定吹捧此“咩Q嘢”的主管,100。虧了,全數由“咩Q嘢”與決定吹捧此“咩Q嘢”的主管負責。
(2)雙方用現金Settle,每集一次。

羅友恆_13284 - 2010年11月13日 10:47

wisely兄,你可能以前無睇過馬經。

要炒熱一份馬經,就要賽後不斷番貼其中“名家”幾時貼中d咩,派彩幾多。炒得幾個月到一年,張馬經就係小賭仔人手一份的聖經。

Wisely - 2010年11月13日 10:48

今天 釗藝兄說的,很好參考價值:『一般睇事物睇得比較清,俾人呃得慘得濟,就唔會再容易受騙。』

Wisely - 2010年11月13日 10:48

typo: 很有參考價值

Wisely - 2010年11月13日 10:56

羅兄,我昨天到KSC學球,在東場第一洞,Driver在逆風下打出260碼以上,那就代表我好好波?要知道,在一場Golf的long game,10桿中,如有7桿好球但3桿壞球(例如outbound、遺失球:slice、打穿果嶺、落水),就肯定輸得很慘,成績會很差。

危睛 - 2010年11月13日 10:56

五年前,你可以用手機付錢買球賽貼士。在新加坡這些貼士可以買到幾百元一次。也是以馬經為本的模式。情況是賭仔要靠八卦信息,拜神加執位。現在可以放在股市,好利害!

危睛 - 2010年11月13日 11:08

大陸VC投資十個中一個已經好掂,做那其他失敗的9個那些拿到VC錢的都不錯。現在是國內融資黃金歲月。

Wisely - 2010年11月13日 11:08

重點是:沒有用腦打球,不知道為何這桿打得好、那桿打得差(Slice、Hook、top the ball、hitting fat),沒有經驗總結,永遠不能減桿數,成為好球手。

Wisely - 2010年11月13日 11:10

鼓吹『反智』?扮有系統?

釗藝 - 2010年11月13日 11:13

大報有鼓吹“賭”市之嫌喔。

釗藝 - 2010年11月13日 11:16

Wisely兄,我估信壇之高手如林,唔少系稱得過身經百戰之將士啦。

Wisely - 2010年11月13日 11:25

如果用 畢老林此邏輯,那 陶尚兄、筆非得兄、竹本兄、金木水兄、QQKK兄(抱歉未能盡錄)等等,對個別股票的預測,就更優於“咩Q嘢”很多很多。
《Loss師公》推介:假如一年以後…

Wisely - 2010年11月13日 11:30

釗藝兄,信壇很多壇友,都是透過分析"fundamental, technical, market sentiment"等等,用真金白銀去投資投機,賺取回報,當中要承受風險,不是那些話自己有系統但又說不出來之“咩Q嘢”、“走過場、說空話”之輩可比。

Wisely - 2010年11月13日 11:33

釗藝兄,大報的老闆,擁有“基金公司”;就利益所及,大報幫手唱好唱衰個別股票?製造聽話的財經『明星』,為此目標服務?

釗藝 - 2010年11月13日 11:47

Wisely兄,查無實據,不敢妄言。哈哈。

Wisely - 2010年11月13日 12:02

釗藝兄,咁又係。做老闆嘅,從來不做違法事情。財技高超但無興趣經營、搞私有化等等,都係合法嘅。至於證監調查的『種票』事件,到現時為止,香港政府都沒有起訴任何人。

釗藝 - 2010年11月13日 13:29

香港營商,計過度過,冇么漏洞,要查證據?冇咁易。

O

OMOM - 2010年11月13日 13:52

〈谈财Q运作的死穴〉
财Q的专栏的用意, 却是他的“罩门”.
基金经理的“罩门”是他们不做买卖不行, 而小投资者的优势却是没有机会时, 大可什么也不做.
财Q每周推介数只股票. 如果到了如零八年的股崩年, 他应该推介什么? 会否如果恒生指数掉了六成, 财Q推介掉了五十五巴仙, 财Q又算是赢了“十针对决”?
或是财Q专栏应每逢到了熊市便暂时休息, 或推介抛空小期?
此外还有两事.
财Q透过首长国际显露的触觉和风险管理, 恕笔者不敢瞎从.
财Q“持有”大约十只股票. 于昨日的专栏已显得有一点左右支黜. 如果市场忽然大泻千点子, 随他买了的上班族怎么办? 在办公室祭出交易平台从容撤退?

小學生 - 2010年11月13日 14:23

大市和行情便是生意人的老師,如果可以人人在讀下報紙上的文字便馬上懂得營利,全街生意大老闆了.
想做大生意只要集中理會大媽沙市和大行情,因為其老師是千萬位市場上的超級精英.

但如果要留意精緻的蘊玉,便像研究dna,要顯微鏡下找尋,而老師不會是大市(人會誤會顯微鏡下的蘊玉,其實只是隨波逐流的灰石頭),要找的是行業中的街頭和工廠智慧了.

財Q服務愚者.
如果任何人想問潛在個人營利的正負問題,便跳不出愚圈.

讀至大學,老師也不可能答覆個人營利的正負問題,因為其個人營利智商是中學程度,老師只是指出天空之城的可能坐標,其曾留下的痕跡和面貌.

s

speakman - 2010年11月13日 15:46

信報97年前行家公認為淡友報(唔代表見解精闢,當時香港經濟起飛喎!多少淡友聽佢支笛入咗英雄塚),老散避之則吉, 如今改頭換面啟發下你有何不可?做好做淡,吹水啫,做個負責任的人,自己執生啦!

Wisely - 2010年11月13日 15:54

用真金白銀買(或訂閱)報紙,原來是為了睇“咩Q嘢”吹水?

Wisely - 2010年11月13日 15:58

『十針對決』?不如,直接話『十 o下 十 o下』重有趣。。。

s

speakman - 2010年11月13日 17:15

嘩!毎日pay六雞嘢, 就想發財, 發夢有冇咁早呀!?不如買有方向, 冇窮人報啦.

Wisely - 2010年11月13日 18:39

咁,毎日pay六雞嘢,買緊咩?廢話?

Wisely - 2010年11月13日 18:40

至少方向報擺明格局,唔會掛羊頭(扮有料、有系統),賣9肉。。。

羅友恆_13284 - 2010年11月13日 20:58

七十年代,東方起紙,馬經版居功至偉(當然南宮夫人亦功不可抹)。當時的明句係﹕有東方,無窮人!

如今,信報易手走在十字路口,幹嗎就繼續前人老路以報紙高素質帶領讀者升呢,不然就迎合普羅口味自降格調適合主流。當然,信報走的係第二條路。

禾無資格話人地做得對或錯,資本既主人有權定奪。禾作為讀者,選擇權係睇抑或唔睇,當然,禾毫不猶豫選擇了後者。

羅友恆_13284 - 2010年11月13日 21:06

“勢必”?乜野係“勢必”,一星期內,呢個詞語用在標題起碼幾次。

“勢”,乃trend,即正在發生而“日後未來”還會持續落去的去向,日後未來,即係future;“必”,乃絕對,肯定。“勢必”,即係話現在對將來的睇法係絕對確定會發生。

作為新聞工作者,對未來既事情走勢向讀者絕對地肯定,如果執筆者唔係“先知”,就係“老作”。

禾唔相信世上有先知,就算有,都唔會痞嚮信報打工。所以,信報用“勢必”,即係寫新聞時採用“老作”。

羅友恆_13284 - 2010年11月13日 21:10

“全城罷食大家樂”都寫得出,唔係做“假新聞”,仲係乜野?

罷食未發生,只能報導有人倡議罷食,點能夠話未發生既係“全城罷食”?全城,係唔係750萬人?

信報總編緝,你的水平何在???呢d標題都可以出街!

羅友恆_13284 - 2010年11月13日 21:12

新聞都夠膽做假,寫股票評論,你叫人點夠膽信你?

炒股票的人,好多係貪賺急錢的低下層,為了自己微薄稿費,你地既“高見”可能會累到人堪家富貴的。你有可有諗過?

羅友恆_13284 - 2010年11月13日 21:14

禾唔會因人廢言的,所以,禾其實好欣賞紀曉風當天話“信你老母”。的確,紀曉風當時可能係良心發現,漏了天機,信你老母。

羅友恆_13284 - 2010年11月13日 21:26

禾無訂網報,所以無睇老畢全文,個人感覺,文章有兩條路線﹕

1。老畢要點名講財Q成績;

2。老畢留了後路,懷疑成績和水浸街的升市的關係。

作為一個敏感的讀者,禾有以下睇法﹕

1。老畢並非抬據信報貼士功能;

2。要提財Q成績,可能係內部有“討論過”。老畢作為財版主理,職責上也要向讀者交待;

3。老畢可能最初對財Q有保留,但財Q後台硬。如今,後台和老畢話,你跌左眼鏡,還不快快為財Q正名;

4。老畢和在下一樣,腦海中還記得“地產神童輝”,心中有諗法,但係無辦法。

老畢,作為一個學人,在混這淌濁水,其實心中只有﹕無奈。

吹下水,如果講錯,或有得罪,請老畢包涵,甚至出文駁斥指責亦可。

Wisely - 2010年11月13日 21:59

可以請R7出資1000萬元,給予“咩Q嘢”炒股票。但條件是:

(1)賺了歸“咩Q嘢”與決定吹捧此“咩Q嘢”的主管,100。虧了,全數由“咩Q嘢”與決定吹捧此“咩Q嘢”的主管負責。
(2)雙方用現金Settle,每集一次。

Wisely - 2010年11月13日 22:07

網編細路,Good Evening! 我在看今年的英國電視劇『Strike Back』,改編自軍事小說,好好睇!

哈哈,你會唔會按以上條件,押注在財Q身上?我就唔夠膽囉。。。

Wisely - 2010年11月13日 22:08

typo: 每季一次

費高 - 2010年11月14日 00:42

接觸分析員的工作及做過個人分析,小弟慢慢明白一個道理︰
普通的分析員只識叫人入貨,系咁多!
(通街都是SELL SIDE報告!)
但出色的分析員應該叫人入貨後,仲話比你知幾時沽貨!

小弟正在努力中 ...

羅友恆_13284 - 2010年11月14日 05:21

“出色的分析員”只會在實打實戰的投資機構內找到,而投資分析亦只係內部應用。

報章上6蚊雞就有得供應的,只係“言無不勝分析員”!

“言無不勝分析員”,有以下特色﹕

1。唔會為推薦的投資品走勢定timeline。即係話,講會“向好”,但無話大慨幾時開始向好,或好幾耐;講會“回落”,亦唔會話大慨幾時會回落。

2。會定期“確定”自己已經講中過d乜,但唔會禾你修正講錯過d乜,當然,亦會搏你忘記講錯左既野;

3。在“賽後檢討”時候,對之前話“會上”,而最後“上左又回番”既投資品,又會話你應該聽話的就早賺了平倉,如果最後係“上左又繼續上”,又會話聽話入左貨就應該“止蝕唔止賺”,無奶油獲微利而回套。

4。先定結論,再用好多數據、專家講過乜、歷史等等,去支持自己既結論。

5。又係timeline,永遠長、中、短期走勢三者混合一齊講,講錯短期就用長期遮腳,中期錯左就話自己短期已經走左,長期就唔洗講,越講越長期,睇你條命夠唔夠長和記性好唔好喇。

看官們,如果用以上法則去filter現在訪間的投資報導,篩完後仲有乜野好睇?

羅友恆_13284 - 2010年11月14日 05:33

寫馬經的“名家”,比起財經報上的“名咀”,更accountable,因為,俾出的貼士,數天之內在賽事完結馬上知到得唔得,唔同股票名咀講股票,永無既定timeline,即係話,賽事永無開始,甚至永無結束,無絕對賽果,因此“言無不勝分析員”自己之後想點評價自己作出既建議都得,都係準確。

羅友恆_13284 - 2010年11月14日 05:40

在報章上的名咀豬up,其實嚴格來講,係provide 緊financial advice,居然唔受監管,亦唔需要有牌。在西方,這是匪夷所思的。

香港只係金融賭檔,咪叫自己係乜野金融中心。正如夜總會小姐叫自己做公關,媽咪叫自己做公關經理,自欺欺人也。

業餘法官 - 2010年11月14日 11:02

啊媽教落,唔好教人買股票,唔好教人賣股票,唔識教人害能死人。

業餘法官 - 2010年11月14日 11:43

原來報紙佬講股,系唔使牌ga,叫咩Q達人,日日無牌講股,日日又叫買又叫賣,害能死人。

羅友恆_13284 - 2010年11月14日 11:54

在十多年前,曹sir和信報股評人在評論某股份後,都會申報自己有無持有該股份,以示公平。

危睛 - 2010年11月14日 12:13

羅兄,會唔會依個年代都無人理你公唔公平喇,但求賺倒,又唔使被人拉就得喇!阿Q好野的話日日卑D唔會卑人拉既X幕消息,快買快賣,大家賺就係好!但最弊可能係利用媒體影響小投資者跟風買賣,拒背後的人坐享操控之利。

危睛 - 2010年11月14日 12:26

事實又真係六蚊你想典?在信壇更加唔使錢,呵呵!

Wisely - 2010年11月14日 13:17

有時在信壇與大家互動,得益更多。。。。。。

高渣 - 2010年11月14日 16:36

同意wisely兄,呢兩年係信壇學到嘅,可能比得上之前十年加埋嘅。。。

羅友恆_13284 - 2010年11月14日 17:16

危兄,公平呢樣野,從來未有在香港出現過。當年的港英年代,公平去了和英國人有關的機構那邊,當然,官門內的鬼子亦有因為公平傾斜所得的jetso。回歸後,公平亦係歸邊,利益亦係掌在和上面有點關聯的人身上,當然,官門中人機jetso係由鬼那邊過戶到某些華人手上。

社會上,公平未出現過,比較公平,只係人人都會死。

羅友恆_13284 - 2010年11月14日 17:28

禾唔明,多了個財Q專欄,信報會有乜企業策略上既jetso?起左紙,多左師奶讀者,可以收多d廣告,ebit有改善,R7加人工?唔係,應該唔係。

財Q出現,可能有2個原因﹕

1。管理層確定企業新value後符合新改變形像策略而作出的戰術性人事任命安排。做個樣出黎,證明貫切左上頭通過的策略;

2。管理層立立亂,山頭派系林立,財Q只係裡面有人所以先有機入位的唔合格作者。

斷估而已。

危睛 - 2010年11月14日 17:39

重要點解Q人要把好料公諸大眾,拒甘厲害發作啦,使鬼寫稿?這點對所有財經演員通用。

西門 - 2010年11月14日 18:13

四叔最近沒有出來講股,很可惜,他早就叫人買澳洲紙及中資股。

竹本疋虫 - 2010年11月15日 00:54

財Q?
小弟對財Q最有興趣嘅係 —— 既然老畢已明言財Q君係「80後」 —— 究竟財Q試過輸清袋,要問朋友借幾千渡日未?

歷代大贏家 —— as laid out in Jack D. Schwager 嘅 “Market Wizards” —— 都一致emphasize 紀律同風險管理(i.e. capital and risk management)比揀股及trading tactics重要。

小弟對人性之了解,亦否定普通人未輸過底褲前會了解嚴格風險管制之重要性。

老畢,容許小弟「媽」您一句:牛市個個都係股神。當眾 commend 一個作者嘅 buy long 能力,而不提此人 when hell breaks loose 之 retreat 能力,老畢您呢個「投資者日記」欄主點做?

吴清心 - 2016年03月21日 06:56

不好意思,借貴壇的人氣來聲討信報論壇網管和編輯的胡作非為,打擾了請勿見怪!。。。。。 關於:吳清心早前發表的 “信報網站論壇的三宗罪”被論壇內部網管人員

蜻蜓88
石亦雲

文見亂

Sammy699

侈哆 

Liberphile

等人

假冒壇友(查其壇內空洞無文)

連續跟帖10多個蓄意以莫須有的五毛宣傳不道德或某信仰主義去誤導他人神功戲貼文怪異、、等等言論來蓄意抹黑惡毒攻擊本港土生土長的著名詞曲作家音樂製作人吳清心先生意圖隱瞞其網管編輯心理變態和無能真相--信報論壇不少言論主觀偏頗欠中立網管編輯無能和素質低下自甘墮落讓其他壇友一同起哄我哋今日去邊度搵靶射?),可謂心狠手辣惡毒至極然後該貼再被刪除

 

針對本港土生土長真心實意的愛國愛民愛心音樂家吳清心先生的無理刪帖行為其實早已開始見一貼刪一貼諸位可以在吳清心論壇中發現真相

 

附注一

劃破黑暗的時代 指引光明的路向《回歸浪漫的世界》“萬家燈火 驅散黑夜, 走向光明  共同尋找”是純紫攜手吳清心正在演繹的動人新曲《回歸浪漫的世界》其中一句重要的歌詞內容。以純紫吳清心為靈魂人物的以諾歌唱音樂藝術文化團隊,在這個黑暗的世代,正在克服種種艱困地勇闖光明的路向,要帶領這個時代的人們在黑暗中劃出一道破口,讓光芒照耀,燃點人民新希望的曙光,越照越明亮,直至全球回歸浪漫的理想實現。 “愛心”、“公益”、“分享”是以諾陽光基金會及以諾文化傳播的核心文化,以諾的項目與使命包括:一)國家公益活動《為國謳歌》全國起動二)民族文化使命《浪漫的中華》環球巡演及三)國家民族任務《以愛之名唱響大美中國夢》下鄉獻愛心活動,加上為了配合我國新一代領導人全球戰略部署的是此活動《全球回歸浪漫香港起動》等,均是屬於愛國、愛民、愛地球的國家級、國際性和宇宙性高端事業。

純紫與吳清心去年12月在中國起動了為國謳歌公益巡演浪漫的中華--

福的惠州》,得到了國家機關中央媒體及各方鋪天蓋地持續兩個多月的報導及讚譽這次活動也正好在香港這裡舉行慶功宴感謝大家一同出席和祝賀這樣不可替代被譽為貼近國家新一代領導集體的治國理念和心聲的皇家御用音樂團隊兩位核心靈魂人物本港著名詞曲作家音樂製作人吳清心老師及國寶級歌唱家純紫小姐他們可謂是影響深遠的音樂家正在為國家為民族和為全人類地球村作出貢獻

 

純紫擁有非一般的天籟音色和音韻的結合可以挑戰宇宙最強音的歌藝成為地球上極少數具有靈性的真正天籟之音屬於中國的軟實力之一唱出和平友愛的中國信息到全世界為全球4500萬客屬人士為家鄉為香港為祖國及為本地樂壇爭光

純紫吳清心受讚譽愛國浪漫是永恆的主題http://ent.qianlong.com/2016/0104/242472.shtml

 

附注二

音樂救贖攜手傳遞愛的正能量:。。。而音樂家卻可以通過音樂演奏出一場無聲的教誨將愛傳遞給更多的人心中懷有愛的人創作出來的音樂往往可以帶給大家一場不同凡響的視聽感受在有限的創作時光中吳清心譜寫出了十幾首美妙動聽的音樂作品並迅速獲得了香港大眾的喜愛不僅如此專業領域也對吳清心創作的音樂給予了一致的贊許就像習主席在文藝工作座談會所說的那樣文學家藝術家只有在中國夢實踐中把自己當作群眾的忠實代言人耐得住寂寞才有可能創作出接地氣經得起時間考驗的精品

讓愛飛翔一場音樂知音的旅行吳清心和純紫他們正是用自己生命的積累和心血來創作了中國夢主旋律的系列文化歌曲

 http://www.newspaper365.org/yule/yinle/2014-12-17/10496.html

 

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。