李思行's 的頭像

以文會友、把歌傾情;追求真善美、常懷赤子心。

東島長離:我斬、我斬、斬、斬、斬、斬、斬

 龍劍飛「如來神掌」大戰 東島長離「七旋斬」

還記得《如來神掌》嗎?除了 一邪“火雲邪神”古漢雲,雙飛「無定飛鐶」孫碧玲和「九索飛鈴」柳飄飄,「三絕掌」天地人三魔 和 龍劍飛,裘玉娟 之外,各位仲記唔記得戲內有位“東島長離”?

不知甚麼原因,當kk兄 提到疑似“東籬”,小弟當時想到的,不是「採菊東籬下,悠然見南山」,而是這位“東島長離”。(這樣才似醉酒的東籬)嘻嘻。

“東島長離”由高佬泉先生 飾演。高佬泉 是華南影帝吳楚忛 的親哥哥,身材高瘦故藝名高佬泉。

在戲裏面,“東島長離”是東島長離教的教主,其絕招「七旋斬」,是較「如來神掌」次幾級的武功,也是 龍劍飛 另一師父。喜歡遊戲人間,終日遲到,出場前總在場外先喊一聲“東島長離‧‧‧”才施施然進場。

他是全套戲中最攪笑的人物,一則在於他玩世,一則在於他早死,臨死前他對 龍劍飛 說:“我一生都愛遲到,但想不到今天比你先走一步,但也沒什麼,所謂來來去去,去去來來、不來不去,不去不來。東島長離!!!!“一聲長喊便與世長辭。

“東島長離”的人生哲理
(以下來自連結二,不完全等同小弟看法)

呢個世界,永遠係個弱肉強食嘅世界,但係上帝為咗世界多姿多采,卻從來不會把人人都造成強者,總係有弱有強,有好欺的,有不好欺的。如果不幸被上帝指派到呢個世界上當弱者,咁點算呢?要逞強爭勝肯定鬥不過強者,唔通安份做個無名弱者乎?

電影《如來神掌》其實有個頗有趣的案例,足以啟示弱者如何在列強中爭點鋒頭留點美名,若能在這個案中融會貫通,則以弱勝強未必不可能。戲中“東島長離”,鎮山絕學係「七旋斬」,可惜呢套「七旋斬」響江湖上,只係二、三流武功,一邪雙飛三絕掌全部都勝過佢。

“東島長離”當然知道自己嘅料去到邊。但響江湖上,明知料唔夠,係弱者,都要搵方法立足,盡量讓人不會覺得佢係弱者,不會覺得佢冇料到。佢嘅方法係,每有大鑊嘢,佢總會到,但總會遲到而不會冇到。呢種遲到同梅艷芳果種有d唔同。阿梅果種係人人都知道佢會到而又會遲到,但“東島長離”則係人地冇預佢會來幫手而佢會遲到來幫手!

東島長離呢種遲到,真係好絕嘅!

武林上,好多後生仔同埋一些前輩,自恃有一流武功,爭先同大魔頭比拼較量,鬥到咁上下,兩方嘅元氣都消耗不少,遲到嘅“東島長離”便出現了,此時當然盡得以逸待勞嘅優勢,也贏得仗義出手救人嘅美名。雖然,“東島長離”每次遲到仍不免搞到一鑊泡,但人們還是喜歡他的「善行」,為他的「例遲」而津津樂道,這就是他的成功。

唔夠料就要識得避重就輕,“東島長離”係深深知道箇中奧妙的!有料恨不得出手早,冇料就宜遲出手,絕不能又學有料者去「出手早」者,所以江湖潮流興牙尖嘴利唔緊要,取其反面沉默木訥便可,江湖潮流興作大唔緊要,取其反面作細便可,只要拿捏準確如“東島長離”嘅「遲到心法」般,人地反而無從知道你嘅虛實,重特別注意你,印象深刻。

所以,未必一定要逞強爭勝,才能留名千古,擅於避重就輕,借勢而逆行,一樣可以流芳百世。

資料一:從佛光初現到萬佛朝宗
資料二:看《如來神掌》悟人生哲理之東島長離
前帖:“東籬”出處?

所有評論

eddie31 - 2009年05月26日 14:18

重有, 如來神掌十八式有一招係咪叫"大海無量"

eddie31 - 2009年05月26日 14:17

咪係, 明明記得係"We暈暈"!

李思行 - 2009年05月26日 15:33

eddie兄,“如來神掌”初時只得八式,係“火雲邪神”臨死前才把最後第九式「萬佛朝宗」的掌法印在鼎內,避免“天地人三魔”偷學。

"大海無量" 係“東方不敗”既絕招!哈哈哈

加客 - 2009年05月26日 13:04

仲有(西控控)

PW馬甲 - 2009年05月26日 11:59

出武器嘅時候, 記住播埋啲"猪宏宏"、"猪宏宏"聲, 增加一吓聲勢!

李思行 - 2009年05月26日 10:22

PCYK兄,早晨!同意兄台 的說法。

李思行 - 2009年05月26日 10:23

eddie兄,早晨!只記得在笫四集,以時間計就不知道。嘻嘻。

PW馬甲 - 2009年05月26日 15:20

屋企部電視機老爺, 有啲走音! "猪宏宏"、"We暈暈"、"西控控"都差唔多啫!

s

speakman - 2009年05月26日 14:34

在物質貧乏的當天, 戲院是補償不滿現實, 或(同情)被欺凌者充滿幻想世界嘅好地方.

李思行 - 2009年05月26日 13:30

你出"猪宏宏"、我出"We暈暈"!哈哈哈

PCYK - 2009年05月26日 07:38

思行兄, 早晨.
如果無一班嗌交早到, 逞強爭勝, 爭出鋒頭的高手, 東島長籬又如何可以「例遲」?
的確, 唔夠料可以避重就輕, 亦可以練功上進. 當一個殘障人士見有少女被人當街侮辱時走出來叫人停手時, 也教在旁沉默木訥的東島長籬們汗顏的.

eddie31 - 2009年05月26日 09:06

問題:龍劍飛用左幾耐至煉成"萬佛朝宗"?

s

speakman - 2009年05月26日 15:58

我是在銀都戲院睇如來神掌第一集, 當時我心諗點解龍劍飛被人恰完學武功可以速成得咁容易, 他跟師傅又可以三餐無憂嘅, 而我又為甚麼要捱餓, 讀書又咁辛苦?

李思行 - 2009年05月26日 17:47

speakman兄,因為 龍劍飛 平時鍾愛玩番兩手幫補生計。哈哈

s

speakman - 2009年05月26日 22:24

玩乜嘢? 在那個正邪如此分明嘅世界, 生命就是如此簡單樸實.

eddie31 - 2009年05月26日 22:54

PCYK兄,現代呢隻係咪叫" 電車男" ?哈

只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。