Kakasite's 的頭像

打工人士,希望開開心心過日子

中文喺香港好掂,英文喺台灣仲掂

每日一奇

中文喺香港好掂,英文喺台灣仲掂

有段時間向台灣工作,專責國際聯合貸款case,年頭d deal密密出,台灣既銀行係除左大陸銀行之外最有水既銀行,好多大公司都開始去台灣籌$做roadshow而skip左新加坡或者香港,令我最回味唔係不愁業績,而係見到好多香港banker黎present,有朋自遠方來;台灣人大部份都唔鍾意講英文,如果要講英文就算請食福臨門鮑翅佢地都無福消受,情願唔去,費事要用英文作句;我英文唔多好但台灣人覺得我好勁,返到香港既情況係,香港人覺得我d國語好勁。

其實我中文普通英文又好一般,不過只要你夠mobile,總會搵到一山比一山低既舞台;向台灣同鬼佬傾計,台灣人等我翻譯,向香港同北京腔人傾計,香港人等我翻譯,時常有壓力,根本係,有d英文同北京腔我真係聽唔明,但在座一眾既眼神只係渴望你講俾佢聽,個外國人講左咩,千祈唔好dead air,呢d情況成日發生而且避無可避,成為左生活既一部份,久而久之,母語反而令我更唔習慣,無法子左右逢源。

所有評論

雷文融 - 2012年07月26日 01:21

台灣既銀行界真係咁差?連日常傾計都要翻譯?我同意台灣人平均英語水平唔算好(只比大陸好),但係台灣電腦產品呢個field,佢地既project manager個個英文都有番咁上下,未必個個ABC既level,但肯定係任何情況都唔使翻譯,金融界既英文水平唔係應該比工程界好既咩?...

Yeung Michael - 2012年07月26日 01:36

現今世代,人人祇顧上網,不願將時間用於改善語文能力,或閱讀語文能力好的書籍,所以現今人民語文能力比以前差,並不出奇。

這情況不是香港獨有,外國亦然。

奧霸馬 - 2012年07月26日 02:14

Well,妳應該改一改個主題。
中文喺香港好掂,英文喺台灣仲掂,嘻嘻!

林超 - 2012年07月26日 09:02

台灣外商銀行有規模的只有滙豐銀行,能被滙豐派到台灣都是能獨當一面的人,Kaka的文章好,能力也好。這么用心的小品文章網編為什么不貼堂?

paul_ng - 2012年07月26日 09:27

真係改鬼咗.......一笑

林超 - 2012年07月26日 09:33

paul 兄: 從善如流,有主管之才嘛!

paul_ng - 2012年07月26日 09:36

一笑....林超 早晨.

paul_ng - 2012年07月26日 09:37

即係唔流野....

cassy1212 - 2012年07月26日 10:02

我也有一段時間與台灣公司/人deal但有無覺得台灣人D英文差成咁. 佢地明唔哂但又無會唔明.

現今世代, 見人講人語, 見人講鬼語都係生存之道.

cassy1212 - 2012年07月26日 10:03

無會 ===> 唔會

林超 - 2012年07月26日 10:19

cassy 姐: 台灣年青一輩英文不算差,但 Kaka所接觸可能是當地銀行的中年主管,這些人有很多是公營行庫,生活安定,不求上進,屬於老油條型,英文真的很差!

cassy1212 - 2012年07月26日 10:52

林超兄, 也許罷!

雷文融 - 2012年07月26日 12:06

Michael,唔係要勁到下下都American/British accent,然後又要寫得一手好文,樓主講既係連晚飯傾計都要"翻譯",實在有d誇,我先前講既台灣project manager,佢地既工作就係coordinate內與外,日日同美/英早晚con-call少不免,呢d係佢地工作一部份,但你話做銀行出得黎陪客既,英文都要"翻譯"?

我好耐以前成日要同台灣某電腦公司既manufacturing manager交手,佢EE底工作其實80%都係technical,但你同佢con-call,鬼佬都聽唔出佢係華人。

林超 - 2012年07月26日 12:36

雷兄 : 台灣民營銀行及公營銀行人材水準有差,能夠做得到國際聯合貸款大部份都是公營銀行,這些主管都是吃大鍋飯出身,沒有競爭壓力,不思進取,英文的確不好!

民營就不同,至於IT產業就正如你所說的!

Arazeus - 2012年07月26日 12:47

it seems democratic taiwan has its flaws........lol

Arazeus - 2012年07月26日 12:51

國際聯合貸款??.....well doesnt that require certain skills to be mixing with them white boys? even within asia the common business language is them alphabets........strange........lol

Arazeus - 2012年07月26日 12:53

其實我中文普通英文又好一般,不過只要你夠mobile,總會搵到一山比一山低既舞台.......pay reduction........lol

Barwon - 2012年07月26日 13:00

華人寫英文叻過講,鬼佬講英文叻過寫。

Arazeus - 2012年07月26日 13:07

syndicated loans are for them politicians to launder their money without local authorities probing into them........lol

心然 - 2012年07月26日 17:18

Hi (揮手),見到我嗎,見到就回應一下啦!kaka

心然 - 2012年07月26日 17:21

好彩今日心血來潮上來睇下,唔係就見唔到kaka

其實講開台灣人啲英文,我又唔覺得特別好,反而,香港人的英文比台人好,或者咁講,英文好的香港人會留番係香港工作生活,但英文好的台灣人則一定去左外國發展,結果留番係台灣的台人,多數只識國語。

心然 - 2012年07月26日 17:25

我去台灣啲夜店,不分男女,不分國藉,個個都只係講國語,包括去玩的香港人。

去香港的夜店,則個個都好似外國返來,句句英文,驚死人唔認同咁,真係講英文的鬼佬同讀書返來的香港人,亦較台灣多。

心然 - 2012年07月26日 17:26

不過,辦公室我就唔知啦,或者好多好pro的人,講英文勁過香港人都未定。

paul_ng - 2012年07月26日 20:55

佢唔會睬你....

吴清心 - 2016年03月20日 18:22

(此留言己被博主刪除。)
J

JaneL - 2016年03月22日 10:29

(此留言己被博主刪除。)
只有登入後或登記成為會員才能發表意見

版規:

  1. 網站編輯或網站作家開題,網友可回應。回應必須貼題,請勿重覆;勿發表誹謗,人身攻擊或不雅內容。
  2. 網站編輯有權發表或不發表網友張貼的內容。(請參閱議論守則)
  3. 開題之網友可編輯其在過去7天內發表之論題,或刪除相關回應。

查閱 FAQ

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。